Luku 10:18 - Buka Blahi Ka Cheke Holo

¹⁸ Mae Jisas ne cheke eghu, “Iara neke filonihi mae Satan, mana theo nogna nolaghi ne khoko soru funugna kligna jateula nakafli neu ka maloa gne.

Luku 10:18 Iomraidhean Croise

Profet Isaia 14:12

“King gna Babilonia! Iagho neke haghe fara jateula nathunu rane neku ka tathadi naiknore. Nu gognarona, iagho khoko la soru funu kligna ka maloa ro. Tifa na iagho neke kaisei mae nheta ka magra neke uludi kmana kantri, nu gognarona Lord la koko soru nigho iagho pari.

Matiu 4:10

Mae Jisas ne cheke eghu ka mana, “Tei delei, ghema Satan! Naugna te chekeni teu kau grioriso te blahi na, ‘Iagho pogho soru ranghini Lord nou God, eghuteuna loku ranghini kolho mana.’ ”

Jone 12:31

Gognarona God ginauna kafe fatedi naikno te theome fatutuani ghau iara. Eghuteuna gognaro mana na kulu hata fadelei nogna nolaghi mae Satan, mae ihei te baubatu fadiꞌadi naikno te au ka nauthoglu igne.

Jone 16:11

Mare au ghaoghatho fadiꞌa eigna mae ihei God nate fateni, naugna God la fatenihi mae Satan, mae funei gna u nauthoglu igne.

Hibru 2:14

Naugna tahati naikno kolho, mae Jisas karha mei neke hata thinida mala jateula tahati. Mana neke eni igne, mala ka glehegna na mana tangomana te tapla soruni mae Satan, mae ihei te au nogna nolaghi te mala faleheni naikno na.

Ululahu Jone 3:8

Nu ihei te tapla jafra fabrahu ka nakhibo na mana nogna mae Satan, naugna mae Satan tapla jafra fabrahu vuha tifa. Thugna God neke thakle mei malagna gaoghatho igne, mala roꞌeni nogna gloku mae Satan.

Thakle 20:2

Aonu, mae engel na ne hata pholi biꞌo na ne haru ka chen biꞌo. Pholi igne, pholi gna tifa, te kiloni tahati mae Satan ba mae funeidi naitu te gnafare. Engel na ne koko soru pholi biꞌo na lamna glave te mamhara fara na ne bibilakhi famaku grengathagna glave na. Pholi biꞌo igne ginauna au fabrahu lamna glave balu chen ghilei thokeni kaisei thogha finogha. Ke lamnadi narane igre mana ginauna theome tangomana te chaichaghidi naikno te gnafa ka nauthoglu igne te mala eni puhi te diꞌa na. Nu ke leghugna te gnafa kaisei thogha finogha na, God ginauna nake snakre fajiflani pholi biꞌo igne katha vido kmoꞌei kolho.

Thakle 9:1

Aonu falima engel na ne ifu nogna khufli na. Eghuteuna iara ne filoni kaisei nathunu khoko funu kligna ne soru ka nauthoglu na. Mare ne tusu lao kaisei ki ka nathunu igne mala tothora grengathagna glave te mamhara fara na. Glave igne namonodi naitu te au ka sosolo.