Luku 10:16 - Buka Blahi Ka Cheke Holo

¹⁶ “Mae ihei te nomhidi nomi cheke ghotilo re, mana ginauna na nomhidi la nogu cheke iara re. Eghuteuna mae ihei te tirogna ghami ghotilo na, mana tirogna ghau la iara. Eghuteuna mae ihei te tirogna ghau iara na, mana ginauna na tirogna nila mae ihei teke kuru mei ghau iara na.”

Luku 10:16 Iomraidhean Croise

Eksodas 16:7

Hamerane nathuꞌu na ghotilo ginau na filoni nogna nolaghi nei siasigla teu Lord na, naugna Mana la nomhidihi te diꞌatami nei nguru ngau teu ghotilo ka Mana ra. Ghepa naikno kolho jateula ghotilo eghu, eghume ghotilo theome diꞌatami ka ghepa, nu ghotilo diꞌatami ka Lord.”

Eksodas 16:8

Eghuteuna mae Moses neke cheke eghui, “Tutuani, leuleghu grafi na Lord ginau na tusu mei nafnahi mala ima ghotilo. Eghuteuna leuleghu hamerane na Mana ginau na jaola tusu mei bret te magnahagheni ghotilo na. Naugna Mana la nomhidihi te nguru ngau ghotilo ka Mana ra. Ghotilo theome nguru ngau ka ghepa mae Eron, naugna ghepa naikno kolho, nu ghotilo nguru ngau ka Lord.”

Profet Malakai 1:6

Igne nogna cheke Lord mae ihei te au nolaghi fateoteꞌo. Mana ne cheke eghu ka hatimare mae pris, “Leuleghu fata na mae sitei na ghatho tahuni mae kmagna na, eghuteuna mae gloku na mana thofno leghuni nogna mae funei na. Eghume iara thofno mae kmami ghotilo. Naugna unha si ghotilo te theome leghudi nogu cheke iara grea? Iara nomi mae funei ghotilo. “Ghotilo mae pris gre cheke fadiꞌani nanghagu iara na. “Nu ghotilo cheke eghu, ‘Ba? Niha ngala si ghehati teke cheke fadiꞌani nanghamu iagho na ia?’

Naba 14:11

Lord ne cheke eghu ka mae Moses, “Niha fata thodo ghau iara si naikno grea? Neubane edi iara kmana khofubobhoi ka tathadi mare re, mare theome ke rouronu kolho ka iara.

Naba 14:2

Aonu mare ne cheke balu diꞌatadi ka mae Moses ghe mae pris Eron, “Jame keli kolho teke lehe ghehati Ijep, ba ka namono nagou na!

Naba 16:11

Iagho baludi keha kheramu teu are, ne cheke faparini hila mae pris Eron eghu si ghotilo gaoghathomi na ia. Theo fara! Tutuani, ghotilo cheke faparini kolho Lord!”

Matiu 10:40

Mae Jisas ne cheke eghu, “Ihei te taji fakeli ghami ghotilo na, mana taji fakeli ghau iara. Nu ihei te taji fakeli ghau iara na, mana jaola taji fakelini God mae ihei teke kuru mei ghau iara na.

Matiu 18:5

Ihei te toghoni kaisei sua jateula sua igne teu ka nanghagu iara na, mana togho ghau la iara.”

Nonomho Te Keli Teke Risoi Mae Mak 9:37

“Ihei te toghoni kaisei sua jateula sua igne teu ka nanghagu iara na, mana togho ghau la iara. Eghuteuna ihei te togho ghau iara na, mana theome togho ghau iara kolho nu togho nila mae teke kuru mei ghau iara na.”

Luku 9:48

Ke leghugna igne mana ne cheke eghu ka mare, “Mae ihei te toghoni sua igne ka nanghagu iara na, mana togho ghau la iara. Eghuteuna ihei te togho ghau iara na, mana theome togho ghau iara kolho nu togho nila mae teke kuru mei ghau iara na. Mae ihei te lisei soruni thegna pari lahu na, mana ngala mae te biꞌo lahu ka ghotilo te gnafa na.”

Jone 12:44

Mae Jisas kegra haghe ne cheke eghu fabiꞌo, “Mae ihei te fatutuani ghau iara na, mana theome fatutuani ghau iara kolho, nu fatutuani nila mae Mama mae teke kuru mei ghau iara kau nauthoglu igne.

Jone 12:48

Mae ihei te theome keli tagna ka iara, nei tirogna fanomho ka chekegu iara na teuna, kaisei glepo nate fateni mana na. Cheke te farirhiu iara igre na fateni mana kau narane leghu lahu na.

Jone 13:20

Tutuani fara te chekeni iara ka ghotilo na. Mae ihei te taji fakelini kaisei nogu naikno gloku teke kuru meini iara na, mana taji fakeli ghau la iara. Nu ihei te taji fakeli ghau iara na, mana mala jaola taji fakelini mae Mama, mae teke kuru mei ghau iara na.”

Mae Khuru 5:4

Tutuani, ame fofoli nga iagho teku na, u vido glose igne neke kulu nou ngala iagho. Eghuteuna neubane fofoli fahuihi iagho vido glose tuana, sileni tuare nou iagho kolho. Naugna unha site ghathoni iagho nafnata puhi te diꞌa ignea, ghema? Iagho theome chaghini naikno na kolho, nu iagho chaghini God!”

Galesia 4:14

Neubane fapuhi biꞌo ghami nogu fogra iara gne, ghotilo neke theome filo fadiꞌa ghau ba khi ghau iara. Theo. Ghotilo neke taji fakeli ghau iara jateula kaisei engel nogna God neku. Uve, ghotilo neke taji ghau iara jateula iara te mae Jisas Kraes thegna neku.

Ululahu Tesalonika 4:8

Eghume ihei te tirogna leghuni farirhiu igne, mana theome tirogna leghuni naikno nu mana tirogna leghuni God, mae ihei teke tusu ranghi ghau nogna Tharunga te Blahi.