Luku 1:8 - Buka Blahi Ka Cheke Holo

⁸ Kaisei narane nogna tothoghei mae Sekaraea gne te mala loku ka Sugablahi na.

Luku 1:8 Iomraidhean Croise

Ululahu Kronikols 24:19

Mare neke vahidi mae pris igre mala loku ka nogna Sugablahi Lord. Tifa te mei na, pris biꞌo Eron neke lilisei vetula igre mala leghudi mare ka gloku igne. Lord, nodi God mae Israel igne neke cheke ka mae Eron mala thofno eni fakeli mare gloku igne.

Fapea Kronikols 11:14

Mae igre jifla kokodi nodi suga nei glose teure ne mei Jerusalem nei aheva langau ka keha vido Juda are eghu. Naugna Jeroboam nei vikegna mana re eghu ne theome snakredi mae pris te edi nogna gloku Lord.

Fapea Kronikols 31:19

Keha mae pris ka tharaknagna mae Eron igre, mare reireghi sipu ba buluka ka vido te au falithui ka namonodi re, ba rhedi keha namono are. Hesekaea ghe Pris Asaraea vavahi keha mae Livaet mala tufa gano langau ka mae pris igre. Eghuteuna mare tufa gano langau ka naikno te gnafa teke rioriso soru mare thura nanghadi re ka mae Livaet.

Fapea Kronikols 31:2

King Hesekaea ne tufa ka tothoghei hatimare mae pris nei hatimare mae Livaet. Mana tufa ka tothoghei mala edi soasopaigna gloku ka nogna Sugablahi Lord. Mana vavahi keha mala gahu fafara te krono fara, nei fafara te mala au ka pharikeli balugna Lord. Mana vavahi keha mala baubatu ka tharai ka Sugablahi. Eghuteuna mana vavahi keha mala koje balu cheke fakelini Lord.

Fapea Kronikols 8:14

Mana vavahi keha mae pris mala loku leuleghu narane, leghuni unha teke chekeni mae kmagna na. Eghuteuna mana vahidi mae Livaet mala toghodi hatimare mae pris, mala koje nei mala kilo fnaknoni God. Mana jaola vahidi mae iheire te mala reireghi grengathagna Sugablahi na, leghuni unha teke chekeni mae Devet nogna mae gloku God tifa.

Esra 6:18

Ka narane tuana, mare ne fablahidi mae pris nei mae Livaet mala loku ka nogna Sugablahi Lord igne Jerusalem, leghuni unha te chekeni ka nogna buka mae Moses.

Eksodas 28:1

Lord neke cheke eghui ka Moses, “Iagho ginauna mala kiloni thabusimu iagho Eron nei mae thugna mana ra, mae Nadab, Abihu, Eleasa nei mae Itama, iara vahidi mare ka naiknodi Israel mala taofi pris mala loku ranghi ghau iara.

Eksodas 28:41

Iagho mala toghoni thabusimu Eron nei thugna mana re, mala fahaghe pohe igre. Aonu iagho mala tofa oel blahi ka phaꞌudi mare re mala fablahidi mare, mala tangomana mare te eni nogna gloku pris na ranghi ghau iara.

Eksodas 29:1

Lord ne cheke eghu ka mae Moses, “Igne unha nate eni iagho kate taofidi mae Eron nei thugna manare teu te mala loku mare nogna gloku mae pris na ranghi ghau iara. Iagho mala atha kaisei sua buluka nalhaꞌugna nei phei sipu nalhaꞌudi te theo kaisei thona ka thinidire.

Eksodas 29:44

“Iara thegu ginauna fablahi Suga Tapuale te Blahi nei olta teu igre. Eghuteuna iara thegu ginauna fablahini Eron baludi thugna manare mala loku ranghi ghau iara jateula pris eghu.

Eksodas 29:9

balu nodi khepi mae pris. Iagho jaola atha nodi nhugha mare, mala fahaghe mae Eron baludi thugna manare. Igne puhi te mala leghuni iagho kate taofi pris Eron baludi thugna mana re. Ginauna vikegna Eron igre mala nogu pris iara fabrahu, eghuteuna leuleghu fata na mare ginauna mala loku ranghi ghau iara. “Nogu vetula iara igne ginauna au fabrahu na theo ka huigna.

Eksodas 30:30

“Iagho ginauna tofa katha oel blahi ka phaꞌugna Eron, nei ka thugna mana re, eghuteuna iagho fablahidi mare mala pris mala loku ranghi ghau iara.

Naba 18:7

Nu iagho nei mae thumu iaghore eghu kolho te mala loku nei reireghidi teu glepo blahi ka olta nei glepo te au ka chogho te blahi na. Iara ginauna tufa ari keha glepo blahi ka nomi gloku ghotilo mae pris are, mala kaikalitidi ghotilo glepo blahi ka Suga Thapuale te blahi gne. Nu jame te mei namo keha mae te theo nogna nolaghi te mei rhegna glepo blahi igre na, ghotilo ginau faleheni mae tuana.”

Luku 1:5

Kate kegra funei mae King Herod Israel na, jare kaisei mae pris nanghagna na mae Sekaraea au ka narane tuana. Mana kaisei mae ka tothoghei mae pris te kiloi mae Abia. Khetogna mana na nanghagna Elisabet, naꞌa jaola neke kaisei naikno ka vikegna mae pris Aron.

Luku 1:7

Nu repa neke theo thudi, naugna Elisabet gne theome tangomana te au sua na, eghuteuna repa la kafe naikno biꞌo hi.