Luku 1:79 - Buka Blahi Ka Cheke Holo

⁷⁹ Na phae jateula naprai eghu ka tahati te au kate romno, nei au ke parigna naungogna u glehe. Mana ginauna na batu fadoglo ghita kau nabrou te mala hatini tahati u pharikeli na.”

Luku 1:79 Iomraidhean Croise

Thoutonu Eigna Mae Job 10:22

Namono igne romno jateula farihotei bongiro eghu, eghuteuna theo kaisei glepo te doglo tagna. Ka namono igne, theo kaisei naphae tagna, naugna naphae igne romno jateula fari hotei bongiro eghu kolho.”

Thoutonu Eigna Mae Job 3:5

Snakreni gromno na mala hata kasa narane tuana, snakreni kaisei gromno mala toku tafru narane igne, eghuteuna snakreni gromno igne mala fanograni naphaegna naprai na.

Nodi Khoje Hatimare Mae Jiu 107:10

Kehare neke haru mare ka chen neke au ka suga sosolo te thono romno fara na.

Nodi Khoje Hatimare Mae Jiu 107:14

Uve, mana neke kukusu chen teke au ka thinidire ne atha fajifladi ka suga sosolo te romno fara na.

Nodi Khoje Hatimare Mae Jiu 23:4

God, neubane tei iara ka vido aheva te romno fara, iara theome mhaghu nogu, naugna iagho au balugu iara. Tutuani fara, iara laseni nou nanala nei khodo teu iagho gre ngala te fameomego ghau iara na.

Nodi Khoje Hatimare Mae Jiu 25:12

Lord, ihei te leghudi nou cheke iagho re, iagho ginauna falalase ka mana nabrou te keli te mala leghuni mana na.

Nodi Khoje Hatimare Mae Jiu 44:19

Nu iagho lilisei ghami kolho fari hoteidi khuma te fakaukathu gre, iagho theome togho ghami ghehati kolho, eghuteuna iagho snakre ghami ghehati mala au kolho ka vido te romno fara na.

Proveb 3:17

Gaoghatho te keli na ginauna faglealeꞌa nigho fabrahu, eghuteuna tusu ranghi nigho pharikeli.

Proveb 8:20

Leuleghu fata na iara leghuni puhi te keli na, eghuteuna eni kolho unha te doglo na.

Profet Isaia 42:16

Iara ginauna batudi nogu naikno te dofu ra mala leghuni nabrou teke theome leghuni mare tifa na. Iara ginauna hata fadelei gromno te au teu mare ke lamnagna igne mala phae jateula narane eghu, eghuteuna iara ginauna fasasare nabrou te poipogili are maladi mare. Igne unha teke nhaꞌa chekeni mala eni teku iara na, eghuteuna iara ginauna eni unha teke nhaꞌa chekeni iara na.

Profet Isaia 42:7

Iagho ginauna nake fakelidi tathadi iheire te dofu mala ke fifilo fakeli, eghuteuna toghodi iheire te au ka suga sosolo te romno mala jifla mei ka nasnagla.

Profet Isaia 48:17

Lord nodi God te blahi mae Israel, God mae ihei teke fakarhi ghami ghotilo igne ne cheke eghu, “Iara Lord, nomi God ghotilo. Iara na farirhiu ghami ghotilo mala naikno keli. Eghuteuna iara na batu ghami ghotilo ka nabrou aheva te mala leghuni ghotilo na.

Profet Isaia 48:22

Lord neke cheke eghu, “Naikno te diꞌa puhidire igre ginauna theome au ka pharikeli nakarhadire.”

Profet Isaia 49:6

eghuteuna mana ne cheke eghu ka iara, ‘Iagho ginauna toghodi vikegna Israel te karha teu igre, mala ke rheta fapulo jateula teke ululahu ra eghu. Nu iara au gloku malamu iagho te biꞌo te salaꞌui fara. Iara ginauna vahi nigho iagho mala jateula juta eghu ranghidi keha kantri are, eghuteuna nogu nolaghi iara na te mala fakarhidi naiknore, mala tei posa ka vido te gnafa ka nauthoglu igne.’ ”

Profet Isaia 49:9

Iara ginauna cheke eghu ka iheire te au ka suga sosolo, ‘Jifla mei ka suga sosolo.’ Eghuteuna iara ginauna cheke eghu ka naikno te au teu kate romno, ‘Ghotilo jifla mei kate phae.’ “Aonu mare ginauna au fakeli jateula sipu te ghamu buburu leghu nabrou nei ke kligna thogele.

Profet Isaia 59:8

Ghotilo theome laseni puhi eigna pharikeli na, eghuteuna ghotilo theome leghuni puhi te doglo te mala fateni naikno na. Eghume, ihei te theome leghuni puhi te doglo igne na, ginauna theome au ka pharikeli.

Profet Isaia 9:2

Naikno teke tei kate romno tifa ra ginau filoni kaisei juta biꞌo. Tifa na ghehati neke au ka vido te romno fara, nu gognarona juta igne phae mei ka ghehati iheire te au ka vido te romno.

Profet Jeremaea 2:6

Mare ghatho ihoni teke atha fajifladi iara ka kantri Ijep tifa ra. Eghuteuna iara neke batudi neke tei ke lamna namono nagou. Namono te theo kaisei khoꞌu nei theo kaisei naikno tagna. Neuba iara ne fakarhidi, mare theome ghatho ghau nei hiro ghau eghu iara.

Profet Jeremaea 6:16

Lord ne cheke eghu ka nogna naiknore, “Ghotilo ghaoghatho fakeli mala laseni nabrou aheva nate leghuni ghotilo na. Ghotilo mala filoni famane nabrou teke leghuni mae kuꞌeda tifa ra. Eghuteuna ghotilo mala jaola leghuni nabrou igne. Jame te eni ghotilo igne na, ghotilo ginauna na au fakeli nei na au ka pharikeli ka nakarhami na.” Nu ghotilo tiromi neke cheke eghu, “Theo! Ghehati theome magnahaghei te leghuni nabrou te keli igne!

Matiu 4:16

Naikno te theome laseni God, te au kate romno igre ginauna filoniu naphae te biꞌo na. Naphaegna God na ginauna na jateula naprai te haghe hamerane ia eghu na thakle ranghidi naikno te theo tadi nakarhagna God.”

Luku 2:32

Mana jateula kaisei juta eghu mala faphaedi naikno te theome mae Jiure mala filo glani nigho mare. Mana ginauna jaola hata mei nafnakno ka nou naikno Israel.”

Jone 1:9

Thofno naphae igne ne mei kau nauthoglu gne mala kafe faphaedi naikno te gnafare.

Jone 12:46

Iara mei jateula juta eghu mala faphaedi naikno te au ka nauthoglu igne. Eghuteuna iheire te fatutuani ghau iara re mare ginauna theome tei tafri ke lamna gromno.

Jone 8:12

Ke leghugna igne, mae Jisas ne cheke eghu ka naiknore, “Iara jateula u naphae eghu ka naiknogna nauthoglu igne. Ihei te leghu ghau iara na, mana ginauna theome totokhei kate romno na, nu mana na au kau naphae mala filoi u nabrou te karha na.”

Jone 9:5

Kani au nga teu iara kau nauthoglu igne, iara ngala u juta te mala faphaedi naikno te au kau nauthoglu igne.”

Mae Khuru 10:36

Ghotilo lasenihi God neke cheke thakleni ka naiknodi Israel re u Nonomho te Keli na mala au tahati kau pharikeli balugna God. Naugna nogna gloku mae Jisas Kraes, mae ihei te funei frunidi naikno te gnafare.

Mae Khuru 26:18

Iara na kuru tei nigho mala tothora tathadi iheire te au kate romno mala filoni mare u thofno naphaegna God. Uve, iara na kuru nigho mala jifla kokoni mare nogna nolaghi mae Satan mala ke pulo ka God. Eghuteuna te fatutuani ghau iara mare na, God ginauna hata fadelei nakhibodire. Eghuteuna mare ginauna na kaisei ngala baludi naikno teke kulu vavahi God re.’

Letas Teke Riso Tei Mae Pol Ka Khiloau Rom 3:17

Mare theome laseni puhigna pharikeli na,”

Efesus 5:8

Tifa na, ghotilo neke au ka naromno, nu gognaro na ghotilo kela au ka naphae, naugna ghotilo nognahi Lord. Eghume ghotilo leghuni puhidi naikno te au ka naphae,