Luku 1:76 - Buka Blahi Ka Cheke Holo

⁷⁶ Mae Sekaraea ne cheke eghu ka mae Jone, “Iagho mae thugu iara, mare ginauna na kilo nigho kaisei mae profet nogna God te au kligna. Iagho ginauna mala kulu tei ke ulugna Lord, mala tarabana nabrougna mana.

Luku 1:76 Iomraidhean Croise

Nodi Khoje Hatimare Mae Jiu 87:5

Eghuteuna naiknore ginau cheke eghu eigna Saion, “Naikno ka kantri te gnafa igro neke jifla mei ngala ka vido igne.” God mae ihei te fnakno na ginau fanhetadi naikno te au ka namono tuana.

Profet Malakai 3:1

Nu Lord mae ihei te nolaghi fateotei igne ne cheke eghu, “Iara ginauna kuruni nogu mae mala atha nonomho na mala kulu tarabana nabrou gu iara. Nomi Lord te ofoni teu ghotilo igne ginauna megeinga mei ka nogna Sugablahi na. Uve, mae te thofno magnahaghei filoni ghotilo igne ginauna mei, eghuteuna mana ginauna chekeni nogu nhaꞌa cheke iara na.”

Profet Malakai 4:5

“Nogu narane biꞌo iara na ginauna mei, eghuteuna naiknore ginauna mhaghu nodi fififri fara kate thokei meigna narane igne. Nu ulu lahu na iara na kuru meini mae profet Elija ka ghotilo ame thoke mei nga narane te mala fatedi naiknore.

Matiu 21:26

Nu jame cheke eghu tahati, ‘Naikno kolho teke tusu lao nolaghi ka mae Jone’, naiknore ginauna diꞌa tadi ka tahati naugna mare kafe fatutuani mae Jone na kaisei mae profet.”

Matiu 3:11

“Iara faꞌapublahi ghami ghotilo ka khoꞌu fagaglana gna te hogri nagnafa ghotilo na. Nu kaisei mae te thono nolaghi fara na mana na mei ke leghugu iara, nu mana ginauna na faꞌapublahi ghami ghotilo kau Tharunga te Blahi nei kau khaꞌaghi. Mana mae ke biꞌogu iarai. Iara theome nabagu te paladi nogna sadol mana re.

Matiu 3:3

Mae profet Isaia neke kulu cheke eghu eigna mae Jone, “Kaisei mae na poapola fabiꞌo ke lamnagna namono nagou na, na cheke eghu, ‘Tarabana nabrou gna Lord, eꞌei fakeli nabrou mala tei gna mana.’ ”

Nonomho Te Keli Teke Risoi Mae Mak 11:32

Eghuteuna tahati theome tangomana la te cheke eghu na, ‘Naikno kolho teke tusu lao nolaghi na ka mae Jone.’ ” Mare cheke eghu naugna mare ne mhaghudi naiknore eigna naiknore laseni mae Jone gne kaisei mae profet tutuani.

Luku 1:32

Mana ginauna na kaisei mae funei biꞌo nei mare na kiloni mana ‘Thugna God mae te nolaghi te au kligna.’ Noda Lord God ginauna na tusu ranghini mana sapegna funei na mala jateula mae ku'egna King Devet eghu.

Luku 1:35

Engel ne cheke eghu ka naꞌa, “Meri, mae Tharunga te Blahi na ginauna na soru mei ke kligna mu iagho. Eghuteuna nogna nolaghi biꞌo God na ginauna na au balumu iagho. Naugna igne u sua na ginauna na blahi eghuteuna naiknore ginauna na kiloi mana thofno Thugna God.

Luku 6:35

“Nu ghotilo namhadi nomi naokare, nei lolokeli ranghidi. Ghotilo tufa glepo ka keha naikno are, eghuteuna thosei ghathoni nake tughu fapulo mare teuna. Te eghu ghotilo na, God ginauna na taba fabiꞌo ghami ghotilo, naugna puhimi ghotilo re ginauna gaglana fara te goro thugna God ghotilo na. Naugna God na toghodi fabrahu iheire te theome ghatho tahuni mana, nei iheire te diꞌa fara.

Jone 1:23

Mae Jone ne cheke eghu ka mare, “Iara gne ngala mae teke cheke eghu mae profet Isaia tifa ia, ‘Kaisei mae na eha fabiꞌo ke lamnagna namono nagou na na cheke eghu: Noda mae funei na la meihi, tarabana nabrou mala meigna mana!’ ”

Jone 1:27

Mana na mei ke leghugu iara, nu iara theome nabagu te rurutha nogna sadol mana re naugna mana mae ke biꞌogu iarai.”

Jone 3:28

Ghotilo themi la nomhinihi teke cheke eghu iara ia, ‘Iara gne theome mae Kraes. Nu God neke kuru mei ghau iara ke ulugna mana mala kulu tarabana nabrougna mana.’

Mae Khuru 16:17

Gaꞌase igne mei ke leghumi ghehati nei mae Pol. Naꞌa ne cheke eghu fabiꞌo, “Mae igre, mare nogna mae gloku God te au kligna! Mare toutonuni ka ghotilo nogna puhi God te mala fakarhi ghami ghotilo na!”