Luku 1:75 - Buka Blahi Ka Cheke Holo

⁷⁵ Funu gognaro te ghilei lehe na, tahati ginauna na doglo nei blahi eghu fabrahu ke ulugna God.”

Luku 1:75 Iomraidhean Croise

Profet Isaia 43:21

Iara neke chekedi nogu naiknore mala kilo fnakno ghau iara.”

Profet Sekaraea 8:19

Mana ne cheke eghu, “Naiknodi Juda. Leuleghu finogha ka fafati nhigra, nei ka falima nhigra, nei ka fafitu nhigra, nei ka fabotho nhigra, ghotilo neke eni narane biꞌo te mala thosei ghamu ghotilo na. Nu gognaro na, nhigra igre, nhigra mala ei gaghamu biꞌo mala gleale'a ghotilo. Ghotilo magnahagheini fara te cheke kate tutuani nei mala au fodu fakeli.”

Matiu 1:21

Naꞌa ginauna na au kaisei thugna nalhaꞌu eghuteuna iagho na kiloni mana Jisas, naugna mana ginauna na fakarhidi nogna naiknore kau nakhibodire.”

Efesus 1:4

Ka narane theome vuavuha nga teku nauthoglu gne God neke vahi ghita mala nogna thegna kate kaisei tahati balugna Kraes. Tutuani, God neke vahi ghita mala naikno blahi nei theo kaisei najafra ke ulugna mana.

Efesus 2:10

Gognaro na God nake vuavuha fapulo ghita eghuteuna tusu ranghi ghita u karha majaghani kate salo fodu ghita balugna mae Jisas Kraes. Mana neke eni igne mala tangomana tahati te edi unha gloku te keli teke kulu tarabana thegna te mala edi tahatire.

Efesus 4:24

Uve, ghehati neke farirhiu ghami ghotilo mala au ka thofno puhi majaghani, eigna God neke vuavuha ghami ghotilo mala leghuni puhigna thegna na mala thofno doglo nei blahi eghu.

Diutronomi 6:2

Ghotilo, baludi thumi nei grami teure mala ghatho tahuni fabrahu Lord nomi God ka puhi te leghudi ghotilo cheke nei vetula eghu te chekedi iara ka ghotilo gognaro igre. Jame te eni ghotilo igne na, ghotilo ginauna au ka nakarha te brahu.

Ululahu Tesalonika 4:1

Uve kheraguro, gognaro na iara au keha glepo te mala chekedi ka ghotilo. Ghehati neke farirhiu ghami ghotilo nafnata nakarha te keli tagnani God igne. Eghuteuna ghotilo auhi ka nafnata nakarha tuana. Gognaro na ghehati tore ghami ghotilo ka nanghagna Lord Jisas mala au fabrahu ka nafnata nakarha te keli tuana.

Ululahu Tesalonika 4:7

Naugna God neke kilo ghita mala naikno blahi eghuteuna theome magnahaghei ghita te au ka nakhibo.

Fapea Tesalonika 2:13

Uve kheraguro, noda Lord thofno namha ghami ghotilo. Ghehati nabami te cheke fakelini God koba eimi ghotilo. Naugna God neke vahi ghami ghotilo ame vuvuha nga nauthoglu igne mala fakarhi ghami. Ghotilo mala nogna naikno blahi God kate fatutuani ni ghotilo cheke te tutuani igne ka nogna nolaghi mae Tharunga te Blahi.

Fapea Timoti 1:9

God neke fakarhi ghita, eghuteuna kilo ghita mala nogna naikno mana thegna. Mana neke theome eni igne unha tahati tangomana te eni theda na, nu mana thegna neke magnahaghei eni igne naugna mana namha ghita fara. Eghuteuna nogna namha God tuana neke tusu mei ka tahati ka mae Jisas Kraes kani theome fufunu nga neku nauthoglu igne.