Luku 1:71 - Buka Blahi Ka Cheke Holo

⁷¹ God ginauna na fakarhi ghita ka khamedi noda mae naokare nei ka nodi nolaghi iheire te susuku ghita.

Luku 1:71 Iomraidhean Croise

Fapea Kings 17:39

Ghotilo ginauna mala ghatho tahu ghau iara kaisei ngala Lord nomi God, eghuteuna iara ginauna fakarhi ghami ka khamedi nomi naoka ghotilo are.”

Nodi Khoje Hatimare Mae Jiu 106:10

Mana neke fakarhidi nogna naiknore. Uve, mana neke atha fajifladi ka khamedi mae naokare.

Nodi Khoje Hatimare Mae Jiu 106:47

Lord, iagho nomi God ghehati! Fakarhi ghami nei atha fajifla ghami eghu khamedi naikno bongihehe gre. Atha fafigri ghami ka namonomi ra. Te eghu na, ghehati ginauna tegio ka iagho, nei ghehati na cheke fakelini nanghamu iagho te blahi na.

Profet Jeremaea 23:6

Ka narane te king mana igre, mana ginauna fakarhidi nogu naikno iara ka kantri Juda, eghuteuna nogu naikno iara te au Israel igre ginauna au ka pharikeli. Eghuteuna mare ginauna kiloni nanghagna mae king igne, Lord Sedekenu, gaoghathogna na, ‘Lord batu ghita tahati mala leghuni puhi te doglo na.’

Profet Jeremaea 32:37

Iara thofno diꞌatagu fara ka naikno gna namono igne, eghuteuna iara ginauna ngolhi fajifladi mala tei mare ka keha kantri delei. Nu ke leghu na, iara ginauna nake atha fapulodi mala ke mei au fakeli mare ka namono igne.

Profet Esikiel 28:26

Ka namono tuana, mare ginauna babana nodi suga tagna, eghuteuna mare ginauna tangomana te ei nodi nagare grep. Nu iara ginauna paradi keha kantri te au rhedi mare te susukudi fabrahu naiknore igre. Eghuteuna vikegna Israel igne ginauna au fakeli. Naugna igne, naiknodi keha kantri are ginauna thofno laseni te iara nodi Lord God maedi Israel.”

Profet Esikiel 34:25

“ ‘Iara ginauna eni baludi kaisei nhaꞌa cheke mala au mare kau pharikeli. Iara ginauna ngolho teidi gobigna lepo te diꞌa fateote'o te au ka namono nagou nei mata teu are, eghuteuna nogu sipu iara igre ginauna theome mhaghu na thuru tafri nodi kolho.

Profet Esikiel 34:28

Naiknodi keha kantri are ginauna theome tangomana nate blau nodi gobigna lepore, eghuteuna glepo ka namhata na are ginauna theome tangomana nate falehedi te ghamudi re. Mare ginauna tangomana te au fakeli nodi, eghuteuna ginauna na theo kaisei naikno te tangomana nate famamhaghudire.

Profet Esikiel 38:8

Naugna raugha ginauna, iara ginauna kilo nigho balugna nou armi biꞌo na mala mei magra. Ka narane tuana, iagho ginauna mei ka thogele Israel mala magra ka mare. Tifa na, iara neke snakredi hatimare mae naoka neke mei goigoni namono igne neke ngolho teidi naiknore mala tei au tafri ka keha kantri delei. Ke leghu, iara neke hata fafigri meidi ka namono igne mala ke mei au fakeli mare tagna. Thogele gna namono igne neke krogha funu tifa, nu gognarona naiknore au fakeli nodi nei glealeꞌa eghu nodi tagna.

Luku 1:68

“Tahati kilo fnaknoni noda Lord God gna Israel! Mana mei mala togho ghita nogna naiknore nei tusu ranghi ghita u nasnagla.

Diutronomi 33:29

Gognarona ghotilo Israel glealeꞌa fara. Theo kaisei naikno te jateula ghotilo te fakarhi ghamihi Lord teu igre. Lord na jateula nomi greoreo eghu ghotilo mala theome tangomana nodi jata nomi naoka ghotilo are te fadi ghami ghotilo na. Eghuteuna mana jateula nomi famane naflahi eghu ghotilo mala uludi ghotilo naokare. Naoka igre ginauna mei mhaghu fififri balu tanhi ke ulumi ghotilo, nu ghotilo ginauna tapla ke klignadi nei goigonidi eghu mare.”

Ululahu Jone 3:8

Nu ihei te tapla jafra fabrahu ka nakhibo na mana nogna mae Satan, naugna mae Satan tapla jafra fabrahu vuha tifa. Thugna God neke thakle mei malagna gaoghatho igne, mala roꞌeni nogna gloku mae Satan.