Luku 1:7 - Buka Blahi Ka Cheke Holo

⁷ Nu repa neke theo thudi, naugna Elisabet gne theome tangomana te au sua na, eghuteuna repa la kafe naikno biꞌo hi.

Luku 1:7 Iomraidhean Croise

Jenesis 17:17

Mae Ebraham ne pogho soru pari ne maꞌe. Mana ne jaglo nogna ne cheke eghu ka thegna, “Tore, jateula iara mae tela kaisei gobi finoghagu hi gne eghu site mala ke au sua na ia? Eghuteuna Sera gne teuna la nheva salei finogha gnahi gognaro na la theome tangomanahi te au sua na.”

Jenesis 18:11

Mae Ebraham ghe Sera gre la kafe naikno biꞌohi. Eghuteuna narane te mala karha sua Sera na la salaꞌuhi.

Jenesis 25:21

Nu khetogna mae Isak gne neke khara neke theo thugna kolho, aonu mae Isak gne neke tarai ka Lord eigna Rebeka. Lord neke cheke tughuni nogna tharai mae Isak na. Aonu Rebeka bukla ne au phei thugna nalhaꞌu.

Jenesis 30:1

Kate laseni Resel te khara te theo thugna na, naꞌa ne diꞌatagna fara ka Lea ne cheke eghu, ka mae Jekop, “Fabukla ghau iara sagho. Te theo iagho na, iara ginauna na lehe nogu.”

Ululahu Kings 1:1

King Devet gognarona thono khuekuꞌe fara, eghuteuna neuba nogna mae glokure ne totokuni ka blanket mana theome tangomana te brana kolho.

Fapea Kings 4:14

Nu ke leghu, mae Elisa mei ne cheke eghu ka mae Gehasi, “Nu unha nate eni iara te mala toghoni naꞌa na?” Mae Gehasi ne cheke eghu, “Iagho laseni, naikno biꞌo igne theo thugna, eghuteuna khetogna na la mae biꞌohi eghu.”

Luku 1:5

Kate kegra funei mae King Herod Israel na, jare kaisei mae pris nanghagna na mae Sekaraea au ka narane tuana. Mana kaisei mae ka tothoghei mae pris te kiloi mae Abia. Khetogna mana na nanghagna Elisabet, naꞌa jaola neke kaisei naikno ka vikegna mae pris Aron.

Luku 1:6

Nu puhidi repa igre doglo fara ke ulugna God, naugna repa ne thofno leghudi nogna vetula nei farirhiu teu God re.

Luku 1:8

Kaisei narane nogna tothoghei mae Sekaraea gne te mala loku ka Sugablahi na.

Letas Teke Riso Tei Mae Pol Ka Khiloau Rom 4:19

Ka narane tuana mae Ebraham namo thokeni kaisei gobi finogha, theome naba te au sua na naugna thinigna mana na la glaꞌe farahi jateu tela lehehi eghu. Eghuteuna Sera na ne khara jaola ne theome tangomana te au sua na. Nu neubane laseni mae Ebraham igne, mana theome nigra soru ka nogna fatutuani na.

Hibru 11:11

Mae Ebraham ne fatutuani ni God. Naugna igne, neuba mana ne kuekuꞌehi, eghuteuna Sera khara theo sua hi, God ne tusu lao nolaghi ka mae Ebraham mala kmagna mae Isak. Naugna mana fatutuani ni God na theome ghatho ihoni nogna nhaꞌa cheke na.

Ululahu Samuel 1:2

Mae Elikana gne au phei khetogna, Hana ghe Penina. Penina gne au thugna, nu Hana gne theo thugna.