Luku 1:6 - Buka Blahi Ka Cheke Holo

⁶ Nu puhidi repa igre doglo fara ke ulugna God, naugna repa ne thofno leghudi nogna vetula nei farirhiu teu God re.

Luku 1:6 Iomraidhean Croise

Jenesis 17:1

Kate nheva salei nheva finogha gnahi mae Ebram na, Lord ne thakle ka mana ne cheke eghu, “Iara God te nolaghi fara. Iagho mala leghu ghau iara fabrahu, nei eni unha te doglo ka tathagu iara na eghu.

Jenesis 6:9

Igne u thoutonu gna mae Noa na. Mae Noa gne ngala thofno kheragna tutuani God na. Naugna kaisei mana ngala mae te doglo nei thofno leghuni teu God na. Nanghadi thugna mae Noa re igre, mae Sem, mae Ham nei mae Jafet.

Jenesis 7:1

Aonu Lord ne cheke eghu ka mae Noa, “Ghema Noa, te laseni iara na, kaisei iagho gne ngala te doglo fara puhimu na ka gaꞌase nei nalhaꞌu eghu te au iagho baludi ka nauthoglu na igre. Eghume iagho tei saghe ka vaka na balugna tharaknamu na.

Ululahu Kings 15:5

Naugna King Devet neke eni unha te doglo ka tathagna Lord na, eghuteuna mana theome huhughuni kaisei nogna cheke mana ka nakarhagna na. Kaisei glepo te diꞌa kolho teke eni mana ka mae Uraea, vikegna mae Het.

Ululahu Kings 9:4

“Iagho mala leghuni kolho puhigu iara te doglo gne, jateula kmamu King Devet tifa ia eghu. Iagho mala leghudi nogu vetula iara gre, eghuteuna edi gobigna lepo teke chekedi iara ka iagho ra.

Fapea Kings 20:3

“Lord, ghatho mei ghau. Iara loku ranghi nigho iagho ka nogu nolaghi fateote'o nei ka gaoghathogu fateote'o, eghuteuna iara fariuriu mala edi gobigna lepo te magnahaghedi iagho re.” Eghuteuna mana ne funu tanhi fabiꞌo.

Fapea Kronikols 17:4

eghuteuna mana theome leghudi unha puhi te diꞌa teke edi king di Israel tifa ra. Nu mana toreni nogna God kmagna na mala batuni, eghuteuna mana faꞌuvedi nogna cheke mana re.

Thoutonu Eigna Mae Job 1:1

Kaisei mae nanghagna na Job, mana au ka kantri te kiloi Us. Mana kaisei mae te keli nei doglo eghu. Mana ghatho tahuni God nei theome magnahaghei te eni kaisei glepo te diꞌa.

Thoutonu Eigna Mae Job 1:8

Lord ne cheke eghu ka Satan, “Ba, iagho filo glani puhigna nogu mae gloku iara Job igne? Theo kaisei mae ka nauthoglu igne te jateula mana teuna. Mana kaisei mae keli nei doglo eghu. Eghuteuna mana ghatho tahu ghau iara nei theome magnahaghei te eni kaisei glepo te diꞌa.”

Thoutonu Eigna Mae Job 9:2

“Uve, iara lasedihi gobigna lepo igre. Nu unha nafnata cheke gne nate chekeni mana te mala laseni te doglo mana ka tathagna God na?

Nodi Khoje Hatimare Mae Jiu 119:6

Jame te fanomho fakeli iara ka nou famane cheke iagho re meuna, naiknore ginauna theome tangomana te famamaja ghau iara na.

Luku 1:7

Nu repa neke theo thudi, naugna Elisabet gne theome tangomana te au sua na, eghuteuna repa la kafe naikno biꞌo hi.

Luku 16:15

Mae Jisas ne cheke eghu ka mare, “Ghotilo magnahaghedi naiknore te ghatho tahu ghami themi te doglo ke ulugna God. Nu God na thofno laseni unha te au ka nagnafami ghotilo re. Tutuani, glepo te ulu ka naiknore theo nafudi kolho ka God.”

Luku 2:25

Kaisei mae biꞌo te kiloi Simion, mana jaola au Jerusalem. Mana kaisei mae doglo fara nakarhagna na ke ulugna God nei tarai koba eghu. Mana ofoni u narane God nate fakarhadi naiknodi Israel re. Eghuteuna u Tharunga te Blahi na ne au balugna mana.

Mae Khuru 2:25

Naugna mae Devet na neke kulu cheke eghu eigna mana, “ ‘Iara filoni Lord au fabrahu ke ulugu, mana na au rhegu iara, mala theome nanga nogu iara.

Mae Khuru 23:1

Mae Pol ne filo lao ka hatimare mae te mala fate re ne cheke eghu, “Kheraguro, iara theome mamaja nogu ke ulugna God, naugna funu tifa te ghilei posa ka narane gognaro gne iara edi fabrahu mei ngala gobigna lepo teke chekedi mana mala edi tahati tekure.”

Mae Khuru 24:16

Eghume iara fariuriu koba te mala eni unha te fatutuani ni iara te doglo ke ulugna God ba ke ulugna naikno.

Mae Khuru 8:21

Iagho theome tangomana te loku balumi ghehati ka nogna gloku God gne, naugna nagnafamu iagho na theome doglo ke ulugna God.

Letas Teke Riso Tei Mae Pol Ka Khiloau Rom 8:4

God neke eni igne, mala horoghoto ka tahati unha te doglo ka vetula na. Eigna tahati tangomana te leghuni puhigna Tharunga te Blahi na, mala theome leghuni puhi te diꞌa te au ka thinidare.

Ululahu Korin 11:2

Iara cheke fakeli ghami ghotilo naugna ghotilo theome ghatho ihodi puhigu iara re, eghuteuna thofno leghuni nogna farirhiu khiloau teke tusu ari iara ka ghotilo ra.

Fapea Korin 1:12

Igne unha te fahaehagheni nei thofno laseni teu ghehati ka nagnafamire, eigna ghehati theome leghuni nogna glalase naikno na kate edi gobigna lepore ka nakarhamire. Theo. Tutuani, naugna God tusu mei u khokofakasai ranghi ghami, ghehati leghuni kolho puhi te doglo te magnahagheni God na nei ghehati cheke tutuani koba. Leuleghu fata ka nakarhami kani au teku balumi ghotilo na, ghehati neke eni fara igne.

Diutronomi 5:33

Ghotilo mala leghudi mare gnafa. Eghuteuna jame te eni ghotilo igne na, nakarhami ghotilo re ginauna keli fara, eghuteuna ghotilo ginauna tangomana te au raugha ka glose nate au ghotilo tagna na.”

Filipae 2:15

Nu au fadelei ka glepo te diꞌare, mala nu theo kaisei naikno te filoni kaisei najafra ka ghotilo na eghu. Ghotilo ginauna mala goro thugna God eghu mala theo kaisei najafra tami. Nu ghotilo ginauna au ngala kau nauthoglu igne baludi naikno te thono diꞌa fara puhidi are. Uve, ghotilo mala jateula u nathunu te phae kate romno ka maloa na ia eghu ka mare.

Kolose 1:22

Nu gognaro na mae Kraes kela hata fapulo ghami ghotilo mala kheragna God. Mana neke eni igne kau glehegna. Eghume mana tangomana te fakegra ghami ke ulugna God jateula naikno blahi te theo nakhibogna.

Ululahu Tesalonika 3:13

Ka nafnata puhi igne mana ginauna farhetadi nagnafami, eghuteuna ghotilo ginauna klino nei blahi ke ulugna God Kmada kate pulo mei noda Lord Jisas Kraes baludi nogna naikno blahi fateote'o.

Fapea Pita 3:14

Uve kheraguro, kate ofoni teu ghotilo narane tuana, hatini nhetami na mala au ka pharikeli balugna God. Nakarhami ghotilo re mala keli fara, eghuteuna ghotilo mala doglo fara ke ulugna mana.

Ululahu Jone 2:29

Ghotilo kafe laseni God na mae keli fara nei eni fabrahu unha te doglo na. Eghume ghotilo kafe laseni iheire te eni unha te doglo na mare goro thugna God.

Ululahu Jone 2:3

Te leghuni tahati unha te magnahaghei God na, tahati thofno laseni mana.

Ululahu Jone 3:7

Uve thuguro, thosei snakreni kaisei naikno mala batu ghami ka puhi te diꞌa! Ihei te eni unha te doglo na mana doglo fara, jateula mae Kraes te doglo fara.