Luku 1:58 - Buka Blahi Ka Cheke Holo

⁵⁸ Eghuteuna, kheragna nei vikegna teu Elisabet re ne nomhini te thono keli fara Lord ranghini naꞌa na ne kafe gleale'a.

Luku 1:58 Iomraidhean Croise

Jenesis 19:19

Iagho neke kokhoni ghau nei lolokeli ranghi ghau neku fara iara neke fakarhigau iara ka glehe. Nu iara theome tangomana te rikha te tei ka thogele igro na eghu, naugna ne khaba fara. Neubane rikha ne tei iara, iara ginauna na lehe la ngala kate roꞌeni God namono igne na.

Jenesis 21:6

Eghuteuna Sera ne cheke eghu, “Ka narane teke fablahi ghau iara God na, iara neke glealeꞌa fara neke maꞌe. Eghuteuna iheire te gnafa teke nomhini igne na mare ginauna na jaola ne glealeꞌa fara na maꞌe balugu iara.

Nodi Khoje Hatimare Mae Jiu 113:9

Mana neke fablahidi goro gaꞌase te theo thudire mala ke au kmana thudi nei glealeꞌa eghu reꞌe. Cheke fakelini nanghagna Lord!

Proveb 23:25

Eghume, iagho faglealeꞌadi idomu kmamure.

Luku 1:14

Iagho ginauna na gleꞌa fara kate filoni mana na. Nu naiknore ginauna na gleꞌa langau kate nomhini karhagna mana na.

Luku 1:25

Nu naꞌa ne cheke eghu, “Leghu lahu na Lord la ghilei togho ghau iara ka puhi igne la hata fadeleidi mamajagu iara teke theo thugu na.”

Luku 1:57

Kate thokeni narane te mala karhagna thugna, Elisabet ne fakarhani kaisei mae thugna nalhaꞌu.

Luku 14:12

Ke leghugna igne, mae Jisas ne cheke eghu ka mae teke tore meini mana ka gaghamu na, “Kate ei gaghamu biꞌo iagho na, thosei tore meidi kheramu themu, ba thabusimu themu, ba vikemu themu, ba mae ihei te dedei te au rhemu themu. Naugna keha fatare mare ginauna nake tore nigho iagho mala ke ghamu baludi. Nu neuba mare nake tughu fapulo ka iagho ginauna, God thegna ginauna nake theome tughu fapulo ka iagho.

Letas Teke Riso Tei Mae Pol Ka Khiloau Rom 12:15

Ghotilo mala gleale'a baludi iheire te gleale'a, eghuteuna mala tanhi baludi iheire te tanhi.

Ululahu Korin 12:26

Jame kaisei vido au papara, keha vidore na jaola au papara. Ba jame kaisei vido ka thinida na fnakno, keha vidore na mala jaola gleale'a.