Luku 1:53 - Buka Blahi Ka Cheke Holo

⁵³ Mana toghodi iheire te rofo re mala fabohodi ka gano te keli. Mana brue fadelei iheire te dedei fara mala ke kuma.

Luku 1:53 Iomraidhean Croise

Nodi Khoje Hatimare Mae Jiu 146:7

Mana toghodi fabrahu iheire te au papara, nei faghamudi iheire te rofo. Eghuteuna hata fajifladi iheire te au ka suga sosolo ka khamedi hatimare mae naoka.

Nodi Khoje Hatimare Mae Jiu 34:10

Ihei te ghatho ihoni Lord na, mana tangomana te kmoꞌe ka gano na, nu naikno te ghatho tahuni Lord na theome tangomana te kmoꞌe ka gano na.

Profet Esikiel 34:29

Iara ginauna eni nodi glose mare igne mala thofno keli fara, eghuteuna nodi nagare mare igre ginauna kmana vuragha ka gano. Mare ginauna theome tangomana te rofo na. Eghuteuna naiknodi keha kantri gre ginauna theome tangomana te maꞌedi mare na.

Matiu 5:6

Keli tadi iheire te magnahagheni fara te eni unha te keli te magnahagheni God. Naugna God ginauna toghodi mare te mala eni igne.

Luku 1:54

Mana mei mala toghodi naiknodi Israel nogna naikno gloku te leghudi nogna chekere. Mana theome ghatho ihoni nogna nhaꞌa cheke teke eni ka mae ku'edara mala toghodi.

Luku 6:21

Ghotilo te rofo gognaro ra, ghotilo tangomana te gleale'a na. Naugna ghotilo ginauna nake bohou. Ghotilo te tanhi gognaro ra, ghotilo tangomana te gleale'a na. Naugna ghotilo ginauna nake maꞌeu.

Luku 6:24

“Puhi biꞌo ka ghotilo naikno te dedei fara gognaro gre! Naugna ghotilo la gnafahi nomi narane te mala gleale'a na.

Jone 6:35

Mae Jisas ne cheke eghu ka mare, “Iara jateula u gano eghu mala tusu lao u karha na ka naiknore. Mae ihei te mei ka iara na mana ginauna theome rofo. Mae ihei te fatutuani ghau iara na mana ginauna theome roi koꞌu.

Ululahu Korin 1:26

Kheraguro, ghathodi si ghotilo nakarhami kani teke kilo ghami God ia. Ka tathagna naikno na, theome kmana ka ghotilo te lalase na, theome kmana ka ghotilo te fnakno na, nei theome kmana ka ghotilo te karha funei na.

Ululahu Korin 4:8

Ba, ghotilo la hatahi glepo te magnahaghedire? Ba, ghotilo la mae dedeihi? Ba, ghotilo ulu ghami fara ghehati la king hi? Tutuani, iara magnahaghe ghami fara ghotilo mala king, ghehati jaola mala jateu king eghu balumi ghotilo! Kheraguro, iara cheke igre mala maꞌe kolho sigre.

Ululahu Samuel 2:5

Mae teke kulu ghamu fakeli ra, gognarona mare mala loku ranghidi keha maei, mala tangomana mare te au gano na. Nu mae teke kulu rofo teku ra, gognarona, mare theome rofo. Gaꞌase teke theo thugna ia, gognarona, kela au fitu thugna, nu gaꞌase teke au kmana thugna ia, gognarona, naꞌa kela diꞌanagnafa nei tanhi eghu.