Luku 1:45 - Buka Blahi Ka Cheke Holo

⁴⁵ Keli tamu fara naugna iagho ne fatutuanidi glepo nate thoke mei tutuani jateula ngau God teke chekedihi ka iagho ra.”

Luku 1:45 Iomraidhean Croise

Ululahu Kings 17:16

Flaoa nei oel teu igre ne theome tangomana te gnafa na jateula teke chekeni Lord ka mae Elija ia neu.

Fapea Kings 4:5

Aonu naikno biꞌo igne baludi phei thugna re nomhi igne ne tei lamna suga ne bobotho grengatha na. Phei mae sitei igre hata ne mei khune botol igre ka naꞌa. Naꞌa hata oel igne ne funu toho lao ka botol igre.

Fapea Kronikols 20:20

Hamerane boibongi ka keha narane na, hatimare mae soldia ne tarabana mala tei ka namono nagou rhegna namono Tekoa. Eghuteuna kate tei mare na, King Jehosafat ne cheke eghu ka mare, “Ghotilo maemi Juda nei Jerusalem, fanomho fakeli ghotilo ia! Fatutuani ka Lord, noda God, eghuteuna mana ginauna farheta ghami ghotilo. Ghotilo fatutuanidi nodi cheke nogna mae profet manara, eghuteuna ghotilo ginauna tangomana te uludi mae naoka re.”

Luku 1:20

Nu fanomho ka igne! Iagho ginauna iho cheke naugna iagho ne theome fatutuani ni nogu cheke iara na. Glepo te chekedi iara ka iagho igre ginauna na thoke mei tutuani. Ke leghugna igne, iagho ginauna nake tangomana teke cheke na.”

Luku 1:44

Kate nomhini iara naoglamu iagho na, sua te au ka thi'agu iara na ne ghosei ne kaplo, naugna ne gleale'a fara.

Luku 1:48

Iara kaisei nogna naikno gloku kolho, neuba ne eghu ngau mana ghatho tahu ghau iara. Funu gognaro te haghe na naikno te gnafare ginauna na chekeni ne keli tagu fara iara teuna.

Jone 11:40

Mae Jisas ne cheke eghu ka naꞌa, “Mafa, kela ghatho ihoni sagho teke cheke ranghi nigho iara ia? Te fatutuani ghau iara iagho na, iagho tangomana te filoni fagaglana gna nogna nolaghi biꞌo God na.”

Jone 20:29

Mae Jisas neke cheke eghu ka mana, “Tomas, iagho fatutuani naugna iagho ne filo ghau iara. Iheire te theome filo ghau iara nu fatutuani teure thofno keli tadi fara.”