Luku 1:41 - Buka Blahi Ka Cheke Holo

⁴¹ Kate nomhini Elisabet chekegna Meri na, sua te au ka thi'agna na ne kaplo. Eghuteuna ka vido tuana mae Tharunga te Blahi na ne soru mei ka Elisabet.

Luku 1:41 Iomraidhean Croise

Jenesis 25:22

Kate bukla teu Rebeka na, phei sua nalhaꞌu te au teu ka thi'agna Rebeka na igre neke magra. Aonu Rebeka neke magnahaghei te laseni gaoghathogna igne neke tei ghusna eghu ka Lord, “Lord, naugna unha site magra teu phei sua te au ka thi'agu iara na grea?”

Luku 1:15

Naugna ginauna mana na kaisei mae nafnakno ka tathagna Lord na. Eghuteuna mana na theome koꞌu waen ba unha nafnata khoꞌu te nheta fara. Nu funu ka karhagna na, mana na fodu ka Tharunga te Blahi.

Luku 1:40

Kate posa ka namono na, naꞌa ruma ka sugagna mae Sekaraea na ne ludeni Elisabet khetogna mana na.

Luku 1:42

Naꞌa ne cheke eghu fabiꞌo ranghini Meri, “God fablahi nigho iagho, ke uludi goro gaꞌase te gnafare, nei fablahini langau sua te au ka thi'amu iagho ana!

Luku 1:44

Kate nomhini iara naoglamu iagho na, sua te au ka thi'agu iara na ne ghosei ne kaplo, naugna ne gleale'a fara.

Luku 1:67

Mae Tharunga te Blahi na ne soru mei ka mae Sekaraea, kmagna mae Jone na. Eghuteuna mae Sekaraea ne toutonu u chekegna God ka naiknore eidi u glepo nate thoke mei ginau re. Mana ne cheke eghu,

Luku 4:1

Ke leghugna narane teke apublahi ka mae Jone ka Kho'u Jordan na, mae Jisas ne fodu ka Tharunga te Blahi neke pulo. Mae Tharunga te Blahi na ne baubatuni mana ne tei kau namono nagou na.

Mae Khuru 2:4

Aonu mae Tharunga te Blahi ne mei au ka mare ne gnafa, eghuteuna mare ne funu cheke ka keha chekedi delei, leghuni unha nafnata cheke teke tusu ranghidi mae Tharunga te Blahi na.

Mae Khuru 4:8

Mae Tharunga te Blahi na ne soru mei ka mae Pita, eghuteuna mana ne cheke eghu ka mare, “Uve, ghotilo mae funei ra, nei ghotilo keha mae biꞌodi mae Jiu ra.

Mae Khuru 6:3

Eghume te keli na kheraguro, ghotilo vahidi fitu mae ka themi malagna gloku igne. Ka mae iheire te keli, lalase nei mae Tharunga te Blahi na au baludi.

Mae Khuru 7:55

Nu mae Tharunga te Blahi na au balugna mae Stivin, mana ne filo haghe kligna ne filoni u siasigla gna nogna nolaghi biꞌo God na. Mana ne filoni mae Jisas kegra teu fei nhetagna God na.

Mae Khuru 9:17

Aonu mae Ananias ne tei ka sugagna mae Judas na ne taofini mae Sol. Mana ne cheke eghu, “Ghema kheraguo Sol, Lord Jisas neke kuru mei ghau iara. Mana ngala teke thakle ka iagho ia, kate ke tei iagho ka nabrou ia. Mana neke kuru mei ghau iara mala tangomana iagho teke fifilo fapulo na nei mala au balumu iagho u Tharunga te Blahi na.”

Efesus 5:18

Thosei koꞌu me dranga ka waen, naugna igne ginauna batu fadiꞌadi puhimi ghotilo re. Nu snakreni mae Tharunga te Blahi na mala fodu ke lamnami mala batu fakeli ghami.

Thakle 1:10

Ka kaisei narane Sade, nogna nolaghi Tharunga te Blahi na neke mei ka iara mala batuni gaoghathogu iara na. Ka narane tuana iara neke nomhini naoglagna God te cheke fabiꞌo ke leghugu iara jateula kaisei khufli neu.