Luku 1:36 - Buka Blahi Ka Cheke Holo

³⁶ Filo sagho! Nebumu iagho Elisabet ia, naꞌa la khaekavehi nu gognaro gne naꞌa la namno nhigragnahi bukla na.

Luku 1:36 Iomraidhean Croise

Jenesis 16:1

Sarai, khetogna mae Ebram na khara ne theo thugna. Naꞌa au kaisei nogna gaꞌase mala loku, nanghagna na Hega. Hega gne kaisei gaꞌase gna Ijep.

Jenesis 18:11

Mae Ebraham ghe Sera gre la kafe naikno biꞌohi. Eghuteuna narane te mala karha sua Sera na la salaꞌuhi.

Jenesis 21:2

Eghuteuna kate kueku'ehi mae Ebraham na, Sera bukla ne karha kaisei thugna nalhaꞌu. Sera ne karha sua ka thofno narane teke nhaꞌa cheke Lord na.

Fapea Kings 4:17

Nu naikno biꞌo igne ginauna na bukla, eghuteuna ka nhigra tuanala ka finogha ke leghu na, naꞌa ne karha kaisei thugna nalhaꞌu jateula teke chekeni mae Elisa na neu.

Eklesiasti 3:2

God lilisei narane mala karhada nei narane mala leheda ka nauthoglu igne. Mana lilisei narane mala joꞌu nei narane mala hata gano ka nagare.

Luku 1:35

Engel ne cheke eghu ka naꞌa, “Meri, mae Tharunga te Blahi na ginauna na soru mei ke kligna mu iagho. Eghuteuna nogna nolaghi biꞌo God na ginauna na au balumu iagho. Naugna igne u sua na ginauna na blahi eghuteuna naiknore ginauna na kiloi mana thofno Thugna God.

Luku 1:37

Naugna theo kaisei glepo te ninhigrana ranghini God na.”

Luku 1:5

Kate kegra funei mae King Herod Israel na, jare kaisei mae pris nanghagna na mae Sekaraea au ka narane tuana. Mana kaisei mae ka tothoghei mae pris te kiloi mae Abia. Khetogna mana na nanghagna Elisabet, naꞌa jaola neke kaisei naikno ka vikegna mae pris Aron.

Hibru 11:11

Mae Ebraham ne fatutuani ni God. Naugna igne, neuba mana ne kuekuꞌehi, eghuteuna Sera khara theo sua hi, God ne tusu lao nolaghi ka mae Ebraham mala kmagna mae Isak. Naugna mana fatutuani ni God na theome ghatho ihoni nogna nhaꞌa cheke na.