Luku 1:3 - Buka Blahi Ka Cheke Holo

³ Uve, mae biꞌo Teofilas, iara neke kulu hiro fakeli dila gobigna lepo igre ka narane teke fufunudi glepo igre. Eghume iara gognaro na magnahaghei te riso ranghi nigho eidi glepo igre

Luku 1:3 Iomraidhean Croise

Nodi Khoje Hatimare Mae Jiu 40:5

Nogu Lord God, iagho neke edi kmana glepo fara malami ghehati neku, jare na theo kaisei God te jateula iagho teuna! Iagho neke edi famane gaoghatho te keli te mala leghudi ghehati teku re. Iara theome tangomana te kahadi unha teke edi iagho mala togho ghami ghehati teku re.

Nodi Khoje Hatimare Mae Jiu 50:21

Ghotilo neke edi gobigna lepo igre, eghuteuna iara neke theome cheke ka ghotilo neku. Aonu gaoghathomi ghotilo na iara gne jateula ghotilo eghu kolho. Nu thono theo fara eghu. Iara gognaro na diꞌatagu fara ka ghotilo, eghuteuna iara na falalase ari ke ulumi ghotilo unha teke eni fadi ghotilo na eghu!

Proveb 22:21

Cheke te tutuani igre tangomana te farirhiu nigho, mala tangomana iagho te cheke tughu fakeli ka ihei te ghusna nigho na.

Eklesiasti 12:9

Mae velepuhi te lalase igne neke farirhiudi naiknore unha te lasedi manare. Mana hirodi nei faghiladi neku cheke te ninhigrana igre glahula tutuani ba theo.

Luku 1:1

Ranghi nigho iagho ghema Teofilas. Uve, mae biꞌo, kmana naikno neke hati nheta dina neke risodi u glepo teke edi ke lamnada tahati igre.

Mae Khuru 1:1

Ranghi nigho iagho ghema kheraguo Teofilas: Uve, ghema, u buka teke kulu risoni iara tifa ia, iara chekedi kolho ka iagho gobigna lepo teke edi nei farirhiudi teku mae Jisas ka naiknore funu ka narane teke vuvuhagna mana nogna gloku na

Mae Khuru 11:4

Aonu mae Pita ne funu toutonu ranghidi gobigna lepo teke edi re, ne cheke eghu,

Mae Khuru 15:19

“Eghume gaoghathogu iara na, tahati thosei faninhigrana ranghidi iheire te theome Jiu te funu leghuni God gognaro gne.

Mae Khuru 15:25

Eghume ghehati te gnafa na ne kaisei gaoghatho ngala ne vahidi phei mae mala kuru aridi ka ghotilo. Phiamare ginauna na ari baludi phia mae kherami keli Banabas ghe mae Pol.

Mae Khuru 15:28

Kau nogna baubatu mae Tharunga te Blahi na ghehati ne kaisei gaoghatho ngala mala thosei lilisei kmana vetula biꞌo ke klignami ghotilo. Nu glepo igre ngala te mala thosei edi ghotilo re: Thosei ghamu gano teke fafara ka mumuju. Thosei koꞌu dadara. Thosei ghamu gano teke lalamho falehe. Thosei eni puhi te diꞌa. Te keli na ghotilo leghudi u vetula igre. Tuana kolho, me gnafa.

Mae Khuru 18:23

ne au jare katha vido kmoꞌei. Eghuteuna jifla jare ne tei sala'u ka phei Provins Galesia nei Frijia. Mana ne tei tei ka namono te kmana te au ke lamnadi phei provins tuare mala toghodi naikno khiloaure mala biꞌo nodi fatutuani na.

Mae Khuru 23:26

Uve, mae biꞌo, Gavana Filiks. Iara mae Klodius Lisias te risoni letas igne. Iara kubae nigho iagho.

Mae Khuru 24:3

Ghehati magnahaghedi koba glepo igre ka namonomi te gnafa heva heva, nei tegiodi fara igre ka iagho.

Mae Khuru 26:25

Mae Pol ne cheke eghu ka mana, “Ghema Gavana Festas, iara theome meomekro. Nogu cheke iara igre tutuani fara. U cheke igre theome nogna cheke kaisei mae te meomekro.

Ululahu Korin 16:12

Eigna thabusida ka khiloau mae Apolosi, iara chekeni mana kmana fata mala ari baludi keha mae thabusigna mala sigho ghami ghotilo. Gognaro na mana theome ghathoni ngau te mala ari na, nu ka vido te snagla ginauna, mana na ari ka ghotilo.

Ululahu Korin 7:40

Nu gaoghathogu iara na, naꞌa ginauna gleale'a fara jame te theome fapea tolaghi na. Eghuteuna kate cheke ranghi ghami eigna puhi igne, iara fatutuani ni Tharunga gna God na au balugu iara mala batuni gaoghathogu na.

Ululahu Timoti 4:6

Uve, iara magnahaghe nigho te chekedi glepo igre ka kherada naikno khiloau are. Te eni iagho igne, iagho ginauna kaisei nogna mae gloku keli mae Jisas Kraes. Eghuteuna iagho ginauna biꞌo haghe ka nogna farirhiu keli khiloau te leghudi te mei iagho ra.