Luku 1:22 - Buka Blahi Ka Cheke Holo

²² Kate ke figri meigna na, mana ne theome tangomana te facheke ka mare na. Eghume hatimare ne laseni Lord te thakle ranghini mana ka Sugablahi na. Naugna te theome cheke na, mana ne eꞌei fagaglana kolho kau khamegna na.

Luku 1:22 Iomraidhean Croise

Profet Esikiel 3:26

Eghuteuna iara ginauna faluti haghe glapimu iagho na ka doadoha gna foflomu iagho na mala theome tangomana iagho te cheke na, mala theome tangomana iagho te cheke ka iheire te figri tagru ghau iara gre.

Luku 1:21

Ka vido tuana, naiknore ne ofo neu ke kosigna mae Sekaraea. Eghuteuna, hatimare ne jaglo nodi fara, naugna mana ne au fabrahu ke lamnagna Sugablahi na.

Luku 1:23

Kate gnafahi nogna narane te mala loku ke lamnagna Sugablahi na, mae Sekaraea neke pulo ka suga na.

Luku 1:62

Aonu, mare ne eni kaisei fagaglana ka mae kmagna na, mala laseni mae ihei eghu ni nanghagna mae sua na.

Jone 13:24

Mae Simon Pita ne kaflo gehe ka mana mala ghusnani mae Jisas mae ihei te chekeni mana na.

Mae Khuru 12:17

Aonu mae Pita ne eni kaisei fagaglana mala famane fanomho mare, eghuteuna mana ne toutonu eigna unha te eni God ranghini mana te hata fajiflani kau suga sosolo na. Aonu gnafa teuna, mana ne cheke ka mare mala toutonu eigna igne ranghini mae Jemes nei keha naikno khiloau re. Eghuteuna, ke leghugna igne mae Pita ne jifla kokodi naikno khiloau te au teu jare re neke tei ka kaisei namono delei.

Mae Khuru 19:33

Hatimare mae Jiu ne huju faꞌuluni mae Aleksada ke uludi naiknore mala cheke. Aonu, mana ne eꞌei fagaglana ka naiknore mala fanomho fakeli, naugna mana magnahaghei te cheke tughudi nodi cheke naiknore.

Mae Khuru 21:40

Eghume, mae funei biꞌo na ne snakreni mana mala facheke ka naiknore. Aonu mae Pol kegra kligna ka glalakogna suga na ne ei fagaglana mala fanomho fakeli naiknore. Kate fanomho kmu teu naiknore, mana ne cheke ranghidi ka cheke Hibru.