Luku 1:2 - Buka Blahi Ka Cheke Holo

² Tahati lasedi ka mae iheire teke thofno filodi glepo igre funu tifa nei risodi. Mare jaola neke toutonuni u Nonomho te Keli na.

Luku 1:2 Iomraidhean Croise

Nonomho Te Keli Teke Risoi Mae Mak 1:1

Igne fufunu gna Nonomho te Keli eigna mae Jisas Kraes Thugna God.

Nonomho Te Keli Teke Risoi Mae Mak 16:20

Ke leghugna igne, mae fanomhore jifla ne tei heva heva ka nauthoglu gne ne toutonuni Nonomho te Keli na ka naiknore. Eghuteuna Lord thegna ne loku baludi mare, mala farerheta unha te cheke mare re, ka thua nafnata kofubobhoi ka nogna nolaghi na.

Nonomho Te Keli Teke Risoi Mae Mak 4:14

Uve, mae te joꞌu sisi igne jateula kaisei mae te joꞌu chekegna God ka naiknora eghu.

Jone 15:27

Eghuteuna ghotilo jaola mala toutonu eigu iara kau nauthoglu igne, naugna ghotilo neke au balugu iara kani teke fufunu gna iara nogu gloku gne.”

Jone 16:4

Uve, iara gognarona kulu chekedi glepo igre ka ghotilo mala ne funu edi mare glepo igre ka ghotilo, ghotilo nake ghatho fapulodi unha teke chekedi iara igre eghu. “Iara neke theome chekedi ka ghotilo glepo igre tifa na, naugna iara neke au nekeu balumi ghotilo.

Mae Khuru 1:3

Ke leghugna teke lehe nei ke karha fapulo teku na, mae Jisas neke fatakleni thegna ranghidi mare ka kmana fagaglana tutuani leuleghu fata ke lamnadi phiatutu narane igre. Mare neke filo tathadi mae Jisas na, eghuteuna mana neke toutonu ka mare eigna nakarha te funei frunini God na.

Mae Khuru 1:8

Nu ka narane nate soru mei mae Tharunga te Blahi na ke klignami ghotilo na, ghotilo ginauna na fodu kau nolaghi te mala toutonu eigu iara. Ghotilo ginauna mala toutonu eigu iara agne Jerusalem, nei Judia tongana, nei Samaria tongana, ghilei tei thoke ka namono te gnafa ka nauthoglu igne.”

Mae Khuru 14:25

Kate toutonu te gnafa u Nonomho te Keli jare ka namono Pega, phiamare neke soru ka namono Atalaea.

Mae Khuru 16:6

Mae Pol nei mae balugna re eghu ne tei sala'u ka Provins Frijia nei Provins Galesia. Naugna mae Tharunga te Blahi na theome snakredi mare te toutonuni u Nonomho te Keli na ka Provins Esia.

Mae Khuru 17:11

Naikno Jiu te au Berea gre thono ke keli tadi fara ka naikno Jiu te au Tesalonika re. Mare magnahaghei fara te fanomho ka glepo te chekedi mae Pol ghe mae Silas. Naikno igre leuleghu narane na iu'ijuni grioriso te blahi na mala lase fakelini glahula tutuani ba theo kolho glepo igre.

Mae Khuru 26:16

Ghosei kegra haghe! Iara neke thakle ka iagho naugna iara neke vahi nigho mala nogu mae gloku iara. Iagho ginauna mala toutonu ka naiknore eidi glepo teke filodi iagho nei glepo nate falalase ranghi nigho iara thogheiro.

Mae Khuru 4:20

Ghepa theome tangomana te gnafa na. Ghepa magnahagheni fara te toutonu eidi unha teke filodi nei nomhidihi teku ka mae Jisas re.”

Mae Khuru 8:4

Naikno teke rikha Jerusalem re, mare ne toutonu ne tei tongana chekegna God na ka namono aheva te tei posa mare na.

Ululahu Korin 4:1

Ghotilo mala ghatho ghami ghehati jateula nogna mae gloku Kraes eghu, eigna God vahi ghami ghehati mala toutonuni nogna cheke God teke poru tifa igne.

Hibru 2:3

Eghume, te theome ghatho tahuni tahati chekegna God te mala thofno fakarhi ghita na, tahati theome tangomana te fafraini glehe na. Thegna Lord neke kulu cheke eigna u karha igne. Eghuteuna iheire teke thofno nomhini ka thegna mana u cheke igne, mare fatutuani neke cheke eghu ka ghehati, “Thono tuani fara.”

Ululahu Pita 5:1

Iara kaisei mae mala baubatu ka khiloau. Iara neke thofno filo tathagu mae Kraes na neke au papara fara. Eghuteuna iara ginauna hata nafnakno biꞌo baludi kmana naikno ka narane nate thakle mei mae Kraes ka tahati na. Eghume, iara magnahaghei te cheke faheta ka ghotilo mae mala baubatu ra mala

Fapea Pita 1:16

Kate toutonuni ghehati mae khuru gre meigna noda Lord Jisas Kraes na, ghehati neke theome toutonu ka ghotilo famane thoutonu neke hohoro haghe kolho keha naiknoi. Theo. Nu ghetilo mae Jemes nei mae Jone neke thofno filo tathami teke siasigla mae Jisas ka nogna nolaghi biꞌo God na.