Luku 1:14 - Buka Blahi Ka Cheke Holo

¹⁴ Iagho ginauna na gleꞌa fara kate filoni mana na. Nu naiknore ginauna na gleꞌa langau kate nomhini karhagna mana na.

Luku 1:14 Iomraidhean Croise

Jenesis 21:6

Eghuteuna Sera ne cheke eghu, “Ka narane teke fablahi ghau iara God na, iara neke glealeꞌa fara neke maꞌe. Eghuteuna iheire te gnafa teke nomhini igne na mare ginauna na jaola ne glealeꞌa fara na maꞌe balugu iara.

Proveb 15:20

Mae sua te lalase na, faglealeꞌadi fabrahu idogna kmagnare. Nu mae sua te fagoigoli tafri na, theome ghatho tahudi idogna kmagnare.

Proveb 23:15

Thuguo, jame te hata gaoghatho te keli nei lalase teu iagho na, iara ginauna gleale'a fara nagnafagu na.

Proveb 23:24

Kmagna mae te doglo na thofno kelitagna fara. Ihei te au thugna te autagna gaoghatho te keli na thofno kelitagna fara.

Profet Jeremaea 20:15

Snakre lao puhi biꞌo ka mae ihei te atha nonomho te mei cheke eghu ka mae kmagu iara na, “Khetomu iagho ia au kaisei thugna nalhaꞌu.” Mae kmagu iara na nomhini igne neke gleale'a fara.

Luku 1:13

Eghuteuna, engel na ne cheke eghu ka mana, “Sekaraea, thosei mhaghu. God na nomhinihi nou tharai iagho re te mala au thumu na. Nu khetomu iagho Elisabet na ginauna na au kaisei thugna nalhaꞌu. Iagho na kiloi nanghagna na mae Jone.

Luku 1:15

Naugna ginauna mana na kaisei mae nafnakno ka tathagna Lord na. Eghuteuna mana na theome koꞌu waen ba unha nafnata khoꞌu te nheta fara. Nu funu ka karhagna na, mana na fodu ka Tharunga te Blahi.

Luku 1:58

Eghuteuna, kheragna nei vikegna teu Elisabet re ne nomhini te thono keli fara Lord ranghini naꞌa na ne kafe gleale'a.