Levitikas 9:4 - Buka Blahi Ka Cheke Holo

⁴ Eghuteuna mare mala atha mei kaisei buluka nalhaꞌugna balugna kaisei sipu nalhaꞌugna mala fafara mala laseni te au fakeli balugna Lord. Mare jaola mala fafara ka glepo tautagu igre balu flaoa ka famane wit teke ngigno fodu mare balu oliv oel. Mare mala edi glepo igre gognaro, naugna Lord ginauna thakle ka tahati ka narane gognaro gne.”

Levitikas 9:4 Iomraidhean Croise

Eksodas 16:10

Aonu kate cheke teu mae Eron ka naiknore na, naiknore ne figri lao neu fei namono nagou, eghuteuna siasigla gna Lord na ne megei nga ne thakle mei ka khoveo na.

Eksodas 19:11

eghuteuna tarabana mala mei pogho soru ka iara nauriha. Naugna ka narane tuana, iara Lord ginauna soru mei ke kligna Thogele Sanai eghuteuna naiknore ginauna tangomana te filo ghau iara na.

Eksodas 24:16

Ka vido tuana naiknore ne filoni nogna nolaghi biꞌo God na ne soru mei jateula khaꞌaghi biꞌo neu ke kligna thogele. Thogele na ne thafru ka khoveo nabagna namno narane. Eghuteuna ka fafitu narane na, Lord haghe ka thogele na au neu ka khoveo na ne eha laoni mae Moses.

Eksodas 29:43

Ka vido igne iara ginauna thafodi naiknodi Israel. Eghuteuna nogu nolaghi biꞌo iara na ginauna agha soru ka vido igne mala fablahini.

Profet Esikiel 43:2

Jare iara ne filoni siasiglagna nogna nolaghi biꞌo nodi God maedi Israel igne megei nga ne thakle mei ke maghati. Naoglagna te mei mana na oa'ongha jateula te poha galo ka khalaꞌera eghu, eghuteuna namono thongana igne ne agha ka siasiglagna nogna nolaghi biꞌo mana na.

Profet Esikiel 43:27

Ka fahanagna narane na, nei leuleghu narane, hatimare mae pris mala gahu ka olta igne fafara te thofno krono na, eghuteuna fafara igre mala falaseni te au fakeli naiknore balugu iara na. Eghume iara ginauna kelitagu fara ka ghotilo hui. Igne nogu cheke iara Lord God!”

Levitikas 2:1

Lord ne cheke eghu, “Jame kaisei mae ka ghotilo magnahaghei atha mei gano ka nagare mala famei ka iara, mana mala atha mei flaoa teke eni ka famane wit. Eghuteuna mana mala lilisei oliv oel nei insens eghu ka flaoa igne.

Levitikas 3:1

Lord ne cheke eghu, “Jame kaisei mae ka ghotilo magnahaghei fafara mala au fakeli balugu iara, mana tangomana te atha kaisei nalhaꞌugna ba gaꞌase gna buluka te theo kaisei thona ka thinigna na, eghuteuna mana atha mei ke ulugu iara.

Levitikas 9:23

Aonu mae Moses ghe mae Eron ne tei ruma ka Suga Tapuale te Blahi na, eghuteuna kate jifla mei phia mare kosi na, phia mare ne fablahidi naiknore, eghuteuna siasiglagna nogna nolaghi Lord na ne siasigla mei ka mavitu na.

Levitikas 9:3

Eghuteuna iagho mala cheke ka naiknodi Israel mala atha mei kaisei nanigot mala fafara mala doglo mare ka tathagna Lord. Eghuteuna cheke ka mare mala atha mei kaisei buluka majaghani nalhaꞌugna balugna kaisei sipu majaghani nalhaꞌugna mala fafara te thofno krono fara. Repa kafe kaisei finogha, eghuteuna repa mala theo kaisei thona ka thinidi re.

Levitikas 9:5

Eghume naikno ra atha mei glepo igre ke ulu Suga Tapuale te Blahi jateula teke chekeni mae Moses igne eghu. Eghuteuna naikno te gnafa Israel igre mala kafe mei ke ulugna Lord.

Levitikas 9:6

Aonu mae Moses ne cheke eghu ka naiknore, “Lord neke cheke ka ghotilo mala edi glepo igre, mala ghotilo ginauna filoni siasiglagna nogna nolaghi mana na.”

Naba 14:10

Aonu naiknore kegra ne rodi fadi falehedi mae Moses ghe mae Eron ka thina. Nu siasigla gna nogna nolaghi Lord na ne soru mei ka Suga Thapuale te blahi na, ne sigla tongana ka naiknore.

Naba 16:19

Mae Kora ne kilodi mare mala mei kegra ka vido tuana, eghuteuna figri tei ka Moses ghe mae pris Eron ka grengatha gna Sugablahi na. Aonu siasigla gna nogna nolaghi Lord na ne sigla mei ka mare.