Levitikas 7:9 - Buka Blahi Ka Cheke Holo

⁹ Eghuteuna mare eni flaoa ka famane wit, neubane unha nafnata kuki bret te eni mare na, igne malagna mae pris mala famei ka iara.

Levitikas 7:9 Iomraidhean Croise

Fapea Kings 12:17

Ka narane tuana, King Hasael gna Siria tei ne magra Gat ne hata namono biꞌo tuana. Ke leghugna igne, mana ghaoghatho mala mei snura Jerusalem.

Profet Esikiel 44:29

Naiknore hata mei gano ka mae pris, igne jateula kaisei fafara eghu ka iara. Uve, flaoa ka famane wit te fafara te mala doglo ka tathagu iara na, nei fafara mala poloru teu igre ngala gano te mala nodi mare na. Eghuteuna gobigna lepo teke fablahi mare teke tusu mei ka iara Lord, igre jaola nodi mare.

Levitikas 2:10

Keha vidogna flaoa nei oel teu igre maladi mae pris Eron nei thugna mana re. Flaoa igne blahi fara naugna vidogna na neke tusu meihi ka iara.

Levitikas 5:13

Ka puhi igne, mae pris tangomana te fafara mala atha koko thua nakhibo teke edi mae igne, eghuteuna iara ginauna atha fadelei nakhibogna mana re. Keha vido flaoa te au teuna ghegna mae pris jateula flaoa teke atha teke mei teke eni ka famane wit.”

Levitikas 7:10

Nu flaoa te edi ka famane wit te theome kuki igre, neubane flaoa igne neke ngigno balu oliv oel ba neke theome ngigno, fafara igne mala tufa fari hoteidi mae pris thugna mae Eron.”

Levitikas 7:8

Mae pris te eni fafara te krono fara igne, mana tangomana te atha guligna glepo tautagu te fafara igne.

Naba 18:9

Glepo te blahi teke theome gahu ghotilo ka olta na are, nomi ghotilo. Neuba neke fafara ka flaoa, ba fafara mala ke doglo kaisei mae ka tathagu iara na, ba kaisei fafara eigna poloru, keha vidodi glepo blahi teke theome gahu te knoro re nomi ghotilo.

Ululahu Korin 9:13

Ghotilo lasedihi iheire te loku ka Sugablahi ra, mare tangomana te hata gano ka Sugablahi na. Eghuteuna iheire te gahu fafara ka olta ra, mare tangomana te hata vido gano teke fafara mare ka olta na.

Ululahu Korin 9:7

Ka nogu puhi iara te mala hiro sileni, filo si ghotilo: theo kaisei mae soldia te loku ka armi te mala folini thegna nogna taba na. Eghuteuna jaola theo kaisei mae te loku ka nagare, eghuteuna theome ima keha sisi thegna teuna. Ba, kaisei mae te reireghi sipu te hata keha milk te mala koꞌu thegna na.

Galesia 6:6

Hatimare mae velepuhi te farirhiuni chekegna God na mare nabadi te hata glepo te keli ka iheire te nomhini u farirhiu na.