Levitikas 5:4 - Buka Blahi Ka Cheke Holo

⁴ Jame kaisei mae eni kaisei nafnata nhaꞌa cheke te fagoigoli ka nanghagu iara Lord na, nu mana neke theome kulu ghatho fakelini nhaꞌa cheke tuana eigna puhi teke eni mana na. Ke leghu na, mana filo glani glepo teke eni mana tuana. Eghume, neubane keli ba na diꞌa, mana nabagna te papara eigna.

Levitikas 5:4 Iomraidhean Croise

Fapea Samuel 21:7

Nu mae Devet neke ghathoni teke nhaꞌa cheke phiamare Jonatan thugna mae Sol ke ulugna Lord tifa igne ne fakarhini mae Mefiboset thugna mae Jonatan.

Fapea Kings 6:31

Aonu mana ne cheke faheta eghu balu diꞌatagna, “Gognarona, jame te theome khusu iara phaꞌugna mae profet Elisa thugna mae Safat igne, iara toreni God mala falehe ghau iara!”

Nodi Khoje Hatimare Mae Jiu 106:33

Mae Moses ne thono diꞌatagna fara ka naiknore ne cheke ne ghilei theome doglo nogna cheke re.

Levitikas 5:13

Ka puhi igne, mae pris tangomana te fafara mala atha koko thua nakhibo teke edi mae igne, eghuteuna iara ginauna atha fadelei nakhibogna mana re. Keha vido flaoa te au teuna ghegna mae pris jateula flaoa teke atha teke mei teke eni ka famane wit.”

Levitikas 5:3

Jame kaisei mae haboni kaisei nafnata glepo gna nalhaꞌu ba gaꞌase te theome gae ka tathagu iara na, nu theome laseni mana teuna, kate laseni mana na nabagna te papara eigna.

Naba 30:6

“Jame kaisei gaꞌase majaghani tolaghi ke leghugna te nhaꞌa cheke ka Lord na. Eghuteuna jame te nomhini mae nalhaꞌu gne eigna nhaꞌa cheke igne, nu theome fapholai ka naꞌa, neubane ghathoni ba theome ghathoni neu naꞌa u nhaꞌa cheke igne na, naꞌa ginauna ediu ngala gobi lepo teke nhaꞌa cheke mala edi teku naꞌa re.

Naba 30:8

Nu jame mae nalhaꞌu gne nomhini u nhaꞌa cheke igne, eghuteuna lhotini mana gaꞌase gne mala theome loku teuna, gaꞌase igne theome tangomana tathajini u nhaꞌa cheke igne. Eghuteuna Lord ginauna hata fadelei nakhibogna naꞌa re.

Matiu 14:7

Aonu mana nhaꞌa cheke ka naꞌa unha te magnahagheni na.

Matiu 14:9

Mae King ne diꞌanagnafa fara. Nu mana neke nhaꞌa cheke ka naꞌa mala tusu ranghini unha te magnahagheni naꞌa na. Mana eni igne ke uludi mae tothoghei nafnakno teke ghamu balugna re, eghuteuna mare nomhinihi nogna nhaꞌa cheke mae Herod na. Aonu mae Herod cheke ka mae glokure mala eni unha te magnahagheni naꞌa na.

Nonomho Te Keli Teke Risoi Mae Mak 6:23

Mana ne baubahu ka sua gaꞌase na ne cheke eghu ka naꞌa, “Unha te toreni iagho ka iara na, neubane thofno vidogna gobigna lepo te reireghini iara na, iara na tusu ari ka iagho.”

Mae Khuru 23:12

Hamerane keha mae Jiure ne faidu poru ne hiro phoge mala faleheni mae Pol. Mare ne eni kaisei nhaꞌa cheke mala theome ghamu ba ko'uni eghu kaisei gano ghilei faleheni ghu mae Pol.

Josua 2:14

Aonu phei mae igre ne cheke eghu ka naꞌa, “Snakreni Lord mala falehe ghami ghepa jame te theome leghuni ghepa nhaꞌa cheke igne. Eghuteuna jame te theome chekeni iagho ka ihei nga eigna glepo te eni ghepa igne na, ghepa ginauna na theome eni kaisei glepo te diꞌa ka ghotilo. Eghuteuna kate snakreni Lord kantri igne ka ghehati na, ghehati ginauna keli ranghi nigho iagho baludi iheire fateo ka tharaknamu iagho igne.”

Josua 9:15

Mae Josua nei mae lida di Israel teu igre ne nhaꞌa cheke baludi maedi Gibeon mala loku fodu baludi mare te mala au ka pharikeli na.

Jajis 11:31

eghuteuna kate pulo mei iara na, iara baubahu mala tusu ari ka iagho ihei te kulu jifla mei te thafo ghau iara na. Iara ginauna gahu jateula fafara eghu ka iagho.”

Jajis 21:18

Nu tahati neke enihi nhaꞌa cheke te theo kaisei ka tahati nate snakre lao thugna na te mala tolaghi ka kaisei mae ka vikegna Benjamin. Eghuteuna tahati neke cheke eghu, ‘God ginauna tibrini mae ihei te snakreni thugna gaꞌase na ka vikegna Benjamin.’ ”

Jajis 21:7

Gognarona phei ba thiloi mae kolho te karha nga teuna eghuteuna mare theo kaisei khetodi. Tahati neke nhaꞌa cheke hi ka nanghagna Lord te mala thosei snakredi thuda gaꞌasere te mala tolaghi ka mare na. Eghume unha gne nate tangomana ghita nate eni tahati te mala toghodi mare na?”

Jajis 9:19

Jame te doglo unha teke edi ghotilo ranghini Jerub-Baal nei tharaknagna mana teku igre, ghotilo ginauna tangomana te glealeꞌa balugna Abimelek, eghuteuna mana ginauna glealeꞌa balumi ghotilo.

Ululahu Samuel 1:11

Hana ne eni kaisei naꞌa cheke ne cheke eghu, “Lord iagho mae ihei te au nolaghi fateote'o. Kokhoni ghau iara. Filo meini puhi biꞌo te au ka iara igne. Ghatho mei ghau, those ghatho koko ghau! Jame te tusu mei iagho kaisei sua ka iara na, iara nhaꞌa cheke, iara ginauna nake tusu fapulo ka lagho, mala nou mae gloku iagho ka nakarha gna fateo na. Eghuteuna mala laseni naiknore mae igne mala nou mae gloku iagho, eghuteuna mare ginauna theome kuchi khaklagna na.”

Ululahu Samuel 25:22

Igne nogu cheke iara na. Iara ginauna aknu falehe gnafa mae biꞌo nei mae majaghani teu te au ka namonogna mae Nabal. Iara toreni Lord mala falehe ghau iara jame kafe karha teu keha te ghilei hamerane na!”