Levitikas 4:4 - Buka Blahi Ka Cheke Holo

⁴ Mana atha mei ka iara buluka nalhaꞌugna igne ka grengatha gna Suga Tapuale te Blahi na, eghuteuna mana habo lao ka phaꞌugna buluka nalhaꞌugna igne mala falalase nogna fafara mana na, eghuteuna mana aknu falehe buluka igne ke ulugu iara Lord.

Levitikas 4:4 Iomraidhean Croise

Fapea Kronikols 29:23

Aonu mae pris igre hata ne tei nanigot igre ka king nei hatimare goro mae biꞌo te au teu ka vido tuana mala habo lao mare khamedire. Igne kaisei fagaglana eigna tela hata fadeleihi nakhibodire.

Profet Isaia 53:6

Tahati te gnafa na jateula sipu te snivi ra eghu kolho. Naugna tahati neke leghudi kolho puhida thedare. Nu Lord neke snakreni nogna mae gloku mala au papara eidi nakhiboda jame teke au papara eidi tahati re.

Profet Daniel 9:26

Ka gnafadi narane igre, mae te vavahi God igne, mare ginauna faleheni mana ka puhi te theome doglo. Nogna armi kaisei mae king te rheta fara na ginauna ruma mei ke lamnagna namono biꞌo Jerusalem. Mare ginauna mei goigoni namono biꞌo igne balugna nogna Sugablahi God na. Armi igne ginauna mei jateula kaisei nabritha biꞌo te mei goigoni gobigna lepo ra eghu. Magra biꞌo igne ginauna na theome gnafa ghilei thokeni narane leghu lahu na. Glepo igre ginauna thoke mei leghuni unha teke chekeni God na.

Levitikas 16:21

Eghuteuna Eron ginauna habo lao phei khame gna re ka phaꞌu gna nanigot igne, mala cheke fajifladi nakhibo te gnafa nei puhi te diꞌa te gnafa baludi puhi te diꞌa te gnafa te edi ghotilo ranghi ghau iara ra. Eghume ka puhi igne mana lisa lao nakhibo te gnafare ka nanigot tuana. Eghuteuna mana ginauna snakre tei nanigot igne ka kaisei mae tela vahinihi mare na. Mae tuana mala hata nanigot igne tei ka namono nagou.

Levitikas 4:15

Eghuteuna hatimare mae lida gna namono na habo khamedi re ka phaꞌugna buluka igne, mala laseni te fafara igne nomi ghotilo gnafa, eghuteuna gnafa teuna mare aknu falehe buluka igne ke ulugu iara Lord.

Levitikas 4:29

Mana habo khamegna na ka phaꞌugna nanigot igne mala laseni te fafara igne nogna mana. Eghuteuna mana aknu falehe nanigot igne ke rarugna olta te mala gahu fafara ka vido te mala aknu falehe glepo tautagu te gahu te thofno krono fara mare na.

Levitikas 8:14

Aonu mae Moses atha ne mei buluka mala fafara mala doglo mare ka tathagna Lord. Eghuteuna mae Eron baludi thugna re ne habo khamedi re ka phaꞌugna buluka nalhaꞌugna igne.

Naba 8:12

“Uve, mae ka vikegna Livae gre ginauna habo lao khamedire ka phaꞌudi phei buluka nalhaꞌudi are. Aonu mae pris Eron ginauna atha kaisei buluka na, eghuteuna fafara mei mala ke gae vikegna Livae gre ka tathagu iara na. Eghuteuna keha na, mana ginauna fafara te gahu te knotho ia eghu. Igne unha nate eni iagho ginauna mala ke gae vikegna Livae gre ka tathagu iara na.

Ululahu Pita 3:18

Naugna mae Kraes te doglo fara ka tathagna God na neke lehe tughudi naikno te diꞌare kaisei fata ngala. Kate au papara na, mana neke hata fadelei ne hui nakhibomi ghotilo re, eghuteuna ke batu fapulo ghami ka God. Tutuani fara, kate au nga teu mana ka nauthoglu gne, naiknore neke faleheni mana, nu God neke fakarha fapuloni mana ka nogna nolaghi mae Tharunga te Blahi.