Levitikas 4:3 - Buka Blahi Ka Cheke Holo

³ “Jame mae pris biꞌo na tapla jafra ka nakhibo. Naugna nakhibogna mana igne, ghotilo te gnafa na ginauna kafe jafra ka tathagu iara na. Eghume mana atha kaisei buluka nalhaꞌugna majaghani te theo kaisei thona ka thinigna na, te eghuna mana fafara mala doglo ka tathagu iara na.

Levitikas 4:3 Iomraidhean Croise

Fapea Kronikols 29:21

Eghuteuna kate mei mare na, mare ne hata ne mei fitu buluka nalhaꞌudi nei fitu sipu nalhaꞌudi, nei fitu sua sipu nalhaꞌudi, nei fitu nanigot nalhaꞌudi. Glepo igre mala fafara ranghini king nei tharakna gna, nei naikno te gnafa Juda, nei malagna Sugablahi na langau eghu mala doglo ka tathagna Lord. King Hesekaea ne cheke ranghidi mae pris ka vikegna Eron mala fafara gano igre ke kligna olta.

Esra 8:35

Ghehati te gnafa iheire teke pulo mei funu Babilonia ra, ghehati hata neke mei glepo mala fafara ka God gna Israel. Malagna fafara te gahu te krono fara igne, ghehati hata nabotho phei buluka nalhaꞌudi nanaba ka nabotho phei vikegna Israel, eghuteuna nhevasalei namno sipu nalhaꞌudi, eghuteuna fitusalei fitu sua sipu nalhaꞌudi. Eghuteuna ghehati jaola hata nabotho phei nanigot nalhaꞌudi mala fafara mala hata fadelei Lord nakhibodi re. Igre unha teke fafara ghehati ka Lord.

Eksodas 29:14

Fafara igne mala doglo mae pris gre ka tathagu iara na. Nu nafnahi balu guligna, nei glepo diꞌa te gnafa lamna ka thiꞌagna na, iagho atha tei mala gnubra ke kosi nou namono. Iagho fafara buluka nalhaꞌugna igne mala atha koko nakhibodi hatimare mae pris.

Eksodas 29:21

Iagho atha keha dadara te au kligna olta, eghuteuna ngigno balu katha oel blahi, eghuteuna iagho thoghei fuafusa lao ka mae Eron, nei ka nogna pohe blahi mana re. Eghuteuna iagho jaola thoghei fuafusa ka thugna mana re baludi nodi pohe blahi re. Eghuteuna ka puhi igne, iagho ginauna fablahini mae Eron nei thugna mana re, baludi nodi pohe blahi mare.

Eksodas 29:7

Eghuteuna iagho atha oel blahi igne mala tofa ka phaꞌugna mana na mala taofini mana.

Eksodas 30:10

Kaisei fata leuleghu finogha, Eron atha katha dadara buluka teke aknu falehe na mala fafara mei mala gae ghotilo ka tathagu iara na, eghuteuna lilisei ka fati hona gna olta igne mala fablahi iara Lord. Leuleghu finogha na mae pris biꞌo mala eni igne fabrahu.”

Profet Esikiel 40:39

Fati tevo au ka varanda rhegna grengatha igne. Phei tevo ka keha phile grengatha na, eghuteuna keha phei tevo ka keha phile grengatha na eghu. Ka tevo igre te mala aknu falehe buluka ba sipu mare te mala fafara na. Tuare fafara te krono fara re, eghuteuna fafara igre te mala doglo naikno na ka tathagna Lord, nei fafara mala poloru.

Profet Esikiel 43:19

Iagho hata mei kaisei sua buluka nalhaꞌugna mala fafara mala doglo naiknore ka tathagu iara na. Eghuteuna tusu lao buluka igne ka mae pris nate karha mei ke leghugna Pris Sadok, kaisei mae ka vikegna Livae tifa ia, eigna mare ngala te au nodi nolaghi te mala kegra haghe ke ulugu iara te mala eni nogu gloku iara na.

Profet Esikiel 44:27

Eghuteuna, ke leghudi fitu narane igre, mana mala ke tei ruma ka Sugablahi na mala eni nogna gloku blahi na, mana mala hata mei fafara mala ke doglo ka tathagu iara na. Igne nogu cheke iara Lord God.

Levitikas 1:10

“Jame kaisei mae ka ghotilo magnahaghei fafara sipu ba nanigot te thofno krono, mana atha kaisei nalhaꞌu gna te theo kaisei thona ka thinigna na.

Levitikas 1:3

Lord ne cheke eghu, “Jame kaisei mae ka ghotilo magnahaghei mala fafara buluka nalhaꞌu te thofno krono, mana mala atha kaisei te famane te theome au kaisei thona ka thinigna na. Mana mala tusu mei ka iara ka grengathagna Suga tapuale te Blahi te namo ka Olta te mala Gahu Fafara tagna na, mala kelitagu iara. Eghuteuna mae igne mala habo lao khamegna na ka phaꞌugna buluka nalhaꞌugna, eghuteuna iara ginauna kelitagu ka fafara tuana mala atha koko nakhibogna mae igne. Eghuteuna mana mala falelehe buluka nalhaꞌugna na ke ulugu iara, eghuteuna mae pris ka vikegna mae Eron igne ginauna atha dadaragna na atha mei ka iara mala totofa ka fati philegna olta na.

Levitikas 16:11

“Kate aknu falehe Eron buluka nalhaꞌugna igne mala fafara eigna thegna nei tharakna gna mana teu te mala ke doglo ka tathagu iara na,

Levitikas 16:3

“Nu ka puhi igne kolho Eron tangomana te mei ka Thofno Chogho te Blahi fara igne: Mana mala fafara kaisei sua buluka nalhaꞌugna, fafara igne malagna thegna mala doglo ka tathagu iara na, eghuteuna mana mala fafara kaisei sua sipu nalhaꞌugna, fafara igne mala thofno krono fara.

Levitikas 16:5

Naikno te gnafa Israel igre mala hata mei phei nanigot nalhaꞌudi nei kaisei sipu nalhaꞌugna eghu ka pris biꞌo mala fafara phei nanigot igre mala ke doglo ghotilo gnafa ka tathagu iara na, eghuteuna sipu nalhaꞌugna igne malagna fafara te thofno krono na.

Levitikas 16:6

“Eron mala hata mei kaisei buluka nalhaꞌugna mala fafara eigna mana balu tharakna gna mala ke doglo ka tathagu iara na.

Levitikas 4:14

Kate lasedi ghotilo nakhibomi re, ghotilo atha mei kaisei sua buluka mala fafara mala doglo ghotilo ka tathagu iara na. Ghotilo atha mei buluka nalhaꞌugna igne ke ulugna Suga Tapuale te Blahi na.

Levitikas 4:23

Kate laseni mana nakhibogna na, mana atha mei kaisei nanigot nalhaꞌugna te theo kaisei thona ka thinigna na.

Levitikas 4:28

Kate laseni mana nakhibogna na, mana mala atha mei kaisei nanigot gaꞌasegna te theo kaisei thona ka thinigna na.

Levitikas 4:5

Eghuteuna mana atha mei keha dadara buluka lamna ka Suga Tapuale te Blahi na,

Levitikas 5:6

Eghuteuna te mala fadoglini glepo igne, mana atha kaisei sipu gaꞌasegna ba kaisei nanigot gaꞌasegna, mala fafara mei ka iara Lord, eghuteuna mae pris tangomana te fafara mala doglo mana ka tathagu iara na.

Levitikas 6:18

Ihei ka tharaknagna mae Eron igne mare tangomana te ghamu vido gano igne naugna vidodi mare fabrahu. Gano igne blahi fara, eghume ihei te haboni na blahi ginauna mei ka mana.”

Levitikas 8:12

Mana tofa keha oel ka phaꞌugna mae Eron, mala blahi mana.

Levitikas 9:2

Mana ne cheke eghu ka mae Eron, “Iagho atha mei kaisei buluka majaghani nalhaꞌugna nei kaisei sipu nalhaꞌugna te theo kaisei thona ka thinidi re. Buluka igne mala fafara mala doglo iagho ka tathagna Lord, eghuteuna sipu igne mala fafara mala thofno krono.

Levitikas 9:3

Eghuteuna iagho mala cheke ka naiknodi Israel mala atha mei kaisei nanigot mala fafara mala doglo mare ka tathagna Lord. Eghuteuna cheke ka mare mala atha mei kaisei buluka majaghani nalhaꞌugna balugna kaisei sipu majaghani nalhaꞌugna mala fafara te thofno krono fara. Repa kafe kaisei finogha, eghuteuna repa mala theo kaisei thona ka thinidi re.

Naba 16:22

Nu mae Moses ghe mae pris Eron pogho soru pari ne tarai eghu, “God, iagho ngala teke tusu lao nakarha ka gobigna lepo igre. Jame kaisei mae eni kaisei glepo te diꞌa, iagho ginauna diꞌatamu ka naikno te gnafa igre eghu sia?”

Naba 8:8

Eghuteuna mare ginauna atha mei kaisei buluka nalhaꞌugna te majaghani balu flaoa mala fafara teke eni mare ka famane wit balu oel. Eghuteuna mare jaola mala atha mei kaisei buluka nalhaꞌugna te majaghani mala fafara mala ke gae mare ka tathagu iara na.

Letas Teke Riso Tei Mae Pol Ka Khiloau Rom 8:3

Vetula na theome au nolaghi te mala hata fadeleidi nakhibodare, naugna tahati gne theome tangomana te leghuni u vetula na. Nu God neke fakarha ghita kani teke kuru meini thofno Thugna thegna na neke vuhai naikno jateula tahati neku, nu mana neke theome au nakhibogna. Eigna tahati kmana nakhiboda, God neke kuru meini mana jateula kaisei fafara mala hata fadeleidi nakhiboda neku. Ka puhi igne God ne fatedi nakhiboda tahati naiknore.

Fapea Korin 5:21

Kraes na theo kaisei nakhibogna. Nu te mala togho ghita na, God neke lisa lao ke kligna gna mana nakhiboda te gnafare. God neke eni igne mala tangomana tahati te doglo ke ulugna God.

Hibru 5:3

Naugna te nigra na mana nabagna te fafara ka God mala atha fadeleidi God nakhibogna thegna re, nei jaola fafara mala atha fadelei nakhibodi naiknore.

Hibru 9:12

Mae Kraes ruma kaisei fata ngala ka chogho te blahi fara na, kaisei fata tuana ngala tifa tifa. Mana neke theome atha balugna dadara nanigot ba dadara buluka. Theo. Mana neke hata dadaragna thegna mala fafara! Ka puhi igne, mana tangomana te atha fajifla ghita mala snagla fabrahu tahati ka khamegna mae Satan.