Levitikas 4:2 - Buka Blahi Ka Cheke Holo

² mala tei cheke eghu mana ka naiknodi Israel, “Jame kaisei naikno eni kaisei najafra, glepo igne mana neke theome ghathoni mala eni teku na, nu mana huhughuni nogna vetula Lord na, te eghuna mana fafara leghuni unha te chekeni iara na.”

Levitikas 4:2 Iomraidhean Croise

Jenesis 20:9

Aonu mae Abimelek ne ehani mae Ebraham ne cheke eghu ka mana, “Ghema, iara neke theome eni kaisei najafra ranghi nigho iagho! Nu iagho ne eni puhi biꞌo igne ranghi ghau iara nei ranghidi nogu naikno iara gre neu. Puhi te eni iagho igne theome doglo.”

Nodi Khoje Hatimare Mae Jiu 19:12

Lord, theo kaisei naikno te filo glanidi nakhibogna thegnare. Hata fadeleidi nakhibo teke edi iara nu ihodi iara teugre.

Nodi Khoje Hatimare Mae Jiu 19:13

Lhoti ghau mala thosei ke edi iara puhi te fameomekro te magnahaghedi iara gre, eghuteuna iagho thosei snakredi puhi te diꞌa igre mala funei fruni ni nakarhagu gne. Gognaro te haghe na iara mala snagla ka nogna nolaghi nakhibo.

Eklesiasti 5:6

Thono diꞌa fara te chekeni iagho cheke te mala batu nigho ka nakhibo na. Jaola iagho thosei tei cheke eghu ka mae pris, “Nogu nhaꞌa cheke iara igne jafrau.” Ba, iagho magnahagheni God te diꞌatagna ka iagho te goigonidi gobigna lepo teke loku teke kmusadi iaghore sia?

Levitikas 22:14

“Eghuteuna jame ihei te ghamu katha vido ka gano blahi igne, nu theome laseni kolho unha te eni mana na teuna, mana ke foli ka pris unha teke ghamu mana na, eghuteuna ke nhaꞌa lao kaisei ke klignadi glima vido gano teke ghamu mana tuana.

Levitikas 4:1

Lord ne cheke ka mae Moses,

Levitikas 4:13

“Jame mae lida igre huhughuni nogu vetula iara na eigna mare neke theome ghathoni te mala eni na, nu naiknore theome laseni teuna, ghotilo te gnafa na kafe jafra ka tathagu iara na.

Levitikas 4:22

“Jame kaisei mae lida huhughuni kaisei nogu vetula iara, nu mana theome laseni ne jafra teuna, glepo igne fathona ni mana ka tathagu iara na.

Levitikas 4:27

“Jame kaisei naikno huhughu ni nogu vetula iara na nu mana theome laseni te jafra na, glepo igne fathona ni mana ka tathagu iara na.

Naba 35:11

ghotilo ginauna vavahi namno namono mala poru. Jame kaisei mae theome mala faleheni mana eghu, nu lehe mana teuna, ghotilo ginauna lisani mana mala rikha tei poru mana ka kaisei namono ka tuare.

Diutronomi 19:4

“Jame kaisei mae theome ghathoni te mala diꞌatagna na nei theome ghathoni kolho te mala aknu faleheni keha mae na, nu keha mae igne lehe teuna, ghotilo snakreni mae igne rikha tei mala poru ka kaisei ka thilo namono igre.

Ululahu Timoti 1:13

Tutuani fara, tifa na iara neke cheke fadiꞌani mana nei jaola paradi nei lalamadi iheire teke leghuni mana re. Nu neuba ngau, mana neke kokhoni ghau iara, naugna iara neke theome laseni glepo te diꞌa teke eni iara na. Iara neke edi glepo igre kani theome fatutuani ni ngau mana.

Hibru 5:2

Mae pris biꞌo na mala kokhonidi nei toghodi eghu iheire te loku jafra naugna mare theome laseni unha te eni fadiꞌa na. Mana eni igne naugna mana thegna na jaola nigra ke ulugna God.

Hibru 9:7

Nu thegna mae pris biꞌo ngala te ruma ka fapea chogho te blahi fara na. Mana ruma jare kaisei fata kolho ke lamnagna kaisei finogha. Kate eni igne, mana atha balugna dadara buluka nei nanigot mala fafara ka God, mala hata fadelei nakhibogna thegna re, baludi nakhibo teke edi naiknore, naugna mare theome laseni unha glepo te keli na.

Jemes 3:10

Tore! Cheke te keli nei tibri teu gre kafe jifla mei ngala ka kaisei foflo kolho. Kheraguro, igne thono jafra fara.

Ululahu Samuel 14:27

Nu mae Jonatan neke theome nomhini tabu teke eni mae kmagna na igne, aonu mana ne jajaꞌi jurukuli igre ka khodo teke louloku teku na ne hata keha ne ghamu, eghuteuna mana neke haimini teke roi keli kakatha na.