Levitikas 3:3 - Buka Blahi Ka Cheke Holo

^3-4 Mae igne mana atha garofa lamna ka thiꞌagna buluka igne, baludi phei chauchau nei garofadi, balu vido te keli ka khebugna na, mala tusu lao ka mae pris igre, mala kaisei thufa blahi.

Levitikas 3:3 Iomraidhean Croise

Nodi Khoje Hatimare Mae Jiu 119:70

Naikno te fahaehaghe fara igre theome lasedi kolho nou famane farirhiu iagho re, nu iara keli tagudi fara famane farirhiu tuare.

Eksodas 29:13

Aonu iagho atha garofa te thafru ka thiꞌagna buluka nalhaꞌugna igne, eghuteuna iagho atha fajifla famane vido ka khebugna na, eghuteuna phei chauchaugna balu garofa teke au tagna na, eghuteuna iagho gahu fahui ke kligna olta.

Eksodas 29:22

“Fapea sipu igne, fafara mala taofi mae pris. Iagho vavahe garofa gna sipu igne, balu sekogna te au kmana tagna na, eghuteuna garofa igre thafru lamna ka thiꞌagna na. Eghuteuna iagho atha famane vido ka khebugna na, nei phei chauchau gna balu garofadi, nei grege ghahe fei nhetagna.

Proveb 23:26

Thuguo, iagho famane fanomho fakeli ka iara. Leghuni kolho puhigu iara gne.

Profet Isaia 6:10

Isaia! Nou cheke iagho igre mare ginauna theome lase fakelidi, eghuteuna na theome nomhi fakeli, eghuteuna na jaola theome laseni kaisei glepo. Ka puhi igne, mare ginauna theome tangomana na teke pulo mei ka iara te mala fakarhidi re.”

Profet Esikiel 36:26

Iara ginauna tuthughu nakarhami ghotilo te thona are mala ke majaghani fapulo. Eghuteuna iara ginauna tusu ari gaoghatho majaghani ka ghotilo, mala tarai kolho ghotilo ka iara. Iara ginauna hata fadelei gaoghatho te diꞌare te batu ghami te patu gama ghotilo are, eghuteuna iara ginauna tusu ari gaoghatho te keli ka ghotilo mala tangomana ghotilo te leghu ghau iara na.

Profet Esikiel 44:15

Lord God ne cheke eghu, “Neuba naiknodi Israel igre ne tei koko ghau iara, hatimare mae Livaet teke karha mei ke leghu ka vikegna Sadok igre faꞌuve ghau iara te mala loku ka nogu Sugablahi iara na. Mare loku ranghi ghau iara jateula pris eghu. Mare mala mei namo ka iara mala hata mei fafara ka nogu Sugablahi iara na. Mare mala hata mei garofadi nei dadaradi eghu buluka mala fafara mei ka iara. Tutuani, iara Lord God neke chekeni igne.

Levitikas 1:12

Aonu mae igne vahe buluka igne ka vidodi, eghuteuna famane titihi fagae ka thiꞌagna lamna na baludi la gobigna lepo nei ghahegna teure. Aonu mae pris ginauna atha vido igre, eghuteuna mana atha phaꞌugna nei garofadi teu buluka igne mala lilisei ke kligna khaꞌaghi ka olta na. Fafara igne sisigna na thofno kelitagna ni Lord.

Levitikas 16:25

Mana mala hata garofadi glepo tautagu teke fafara re mala gahu ke kligna olta mala ke doglo ghotilo ka tathagu iara na.

Levitikas 3:2

Mana mala habo khamegna na ka phaꞌugna buluka igne mala laseni fafara igne te nogna mana na. Eghuteuna mana mala aknu falehe ka grengathagna Suga Tapuale te Blahi na, aonu pris thugna mae Eron igre fuafusa dadara igne ka fati philegna olta na.

Levitikas 7:30

Mana thegna mei ka Lord jateula kaisei fafara blahi eghu. Mana atha mei garofadi glepo tautagu igre, balu babangodi, eghuteuna mana pala haghe glepo igre ke ulugu iara jateula thufa eghu ka iara.

Levitikas 7:5

Mae pris ginauna gahu glepo igre ke kligna olta mala kaisei glepo blahi malagna Lord. Igne fafara mala poloru.

Levitikas 9:10

Mana atha garofagna buluka igne baludi phei chauchau nei vido te keli ka khebugna na, eghuteuna mana ne gahu fahui ke kligna olta, jateula teke chekeni Lord ka mae Moses ia neu.

Matiu 13:16

Nu ghotilo, thofno keli tami fara. Naugna ghotilo lasedi glepo te filodi ka tathamire. Naugna ghotilo lasedi glepo te nomhidi ka khulimire.

Matiu 15:8

Mana neke cheke eghu: “ ‘Naikno igre fafnakno ghau iara ka chekedi kolho, nu nagnafadire theome namo ka iara.

Letas Teke Riso Tei Mae Pol Ka Khiloau Rom 5:5

Eghuteuna u grouronu igne theome mala fadiꞌa nagnafa ghita tahati. Naugna God neke falalasehi nogna namha na ka tahati nei mana neke kuru mei nogna Tharunga te Blahi na mala au ke lamnada.

Letas Teke Riso Tei Mae Pol Ka Khiloau Rom 6:6

Tahati laseni fara igne. Nakarhada tifa na tahati jateula te tupijuru eghu balugna Kraes ke kligna gaju fafatha, mala tangomana God te roꞌeni nogna nolaghi nakhibo teke au ka nakarhada tifa na. Ka puhi igne nakhibo na theo kaisei nogna nolaghi te mala funei fruni ghita na.

Diutronomi 30:6

Aonu Lord nomi God ginauna hata koko glepo te diꞌa fateote'o ka gaoghathomi ghotilo are, nei ka gaoghathodi vikemi ghotilo are eghu. Eghume ghotilo te gnafa ginauna namhani mana ka gaoghathomi fateote'o, nei ka nomi glalase fateote'o mala tangomana ghotilo te karha na.

Ululahu Samuel 2:15

Nu unha te diꞌa parilahu na, kate funu fafara mana nu theome hata fajifla nga meu garofagna nafnahi mala gahu teuna, phiamare na kuruni nodi mae gloku na mala cheke eghu ka mana, “Iagho famei keha ghegna nafnahi mae pris mala gogoꞌo mana! Mana tirogna ghamudi nafnahi te gahu iagho ka suspen are! Iagho famei nafnahi te theome gahu nga teu are!”