Levitikas 3:2 - Buka Blahi Ka Cheke Holo

² Mana mala habo khamegna na ka phaꞌugna buluka igne mala laseni fafara igne te nogna mana na. Eghuteuna mana mala aknu falehe ka grengathagna Suga Tapuale te Blahi na, aonu pris thugna mae Eron igre fuafusa dadara igne ka fati philegna olta na.

Levitikas 3:2 Iomraidhean Croise

Eksodas 29:10

“Iagho atha mei buluka nalhaꞌugna na ke ulu Suga Tapuale te Blahi, eghuteuna chekeni Eron baludi thugna ra mala habo ka phaꞌugna na.

Eksodas 29:11

Iagho aknu falehe buluka tuana ke ulugu iara Lord, thofno ke ulugna grengatha gna Suga Tapuale te Blahi na.

Eksodas 29:15

“Iagho atha mei kaisei ka phei sipu nalhaꞌudi igre, eghuteuna Eron balu thugna re mala habo khamedi re ka phaꞌugna na.

Eksodas 29:16

Eghuteuna iagho aknu falehe sipu igne, eghuteuna atha dadaragna na, eghuteuna fuafusa ka fati gerigna olta na.

Eksodas 29:19

“Eghuteuna iagho atha mei fapea sipu ia, eghuteuna Eron balugna thugnara mala habo khamedire ka phaꞌugna na.

Profet Isaia 53:6

Tahati te gnafa na jateula sipu te snivi ra eghu kolho. Naugna tahati neke leghudi kolho puhida thedare. Nu Lord neke snakreni nogna mae gloku mala au papara eidi nakhiboda jame teke au papara eidi tahati re.

Levitikas 1:11

Mana aknu falehe buluka igne ke ulugu iara phile ke raru olta, eghuteuna pris ka tharaknagna mae Eron ginauna atha dadaragna buluka igne tofa ka fati philegna olta na.

Levitikas 17:3

Jame kaisei khulumono gna Israel aknu falehe kaisei buluka, ba sipu, ba nanigot mala fafara ka iara, mana mala eni igne ke ulugna grengatha gna Suga Tapuale te Blahi na. Jame te aknu falehe glepo te tautagu igne ka keha vidoi, neubane ke lamnagna nomi namono ghotilo na ba ke kosi namono, nabagna na mae tuana mala papara eigna naugna mana ne huhughuni vetula eigna dadara jateula te falehe naiknora eghu mana. Eghume ghotilo lisei fakosi mae tuana ka naiknodi Israel.

Levitikas 3:3

Mae igne mana atha garofa lamna ka thiꞌagna buluka igne, baludi phei chauchau nei garofadi, balu vido te keli ka khebugna na, mala tusu lao ka mae pris igre, mala kaisei thufa blahi.

Levitikas 3:8

mana habo khamegna na ka phaꞌugna sipu igne, eghuteuna mana aknu falehe sipu igne ke ulugna Suga Tapuale te Blahi igne. Aonu mae pris ka thugna mae Eron igne atha dadaragna sipu igne mala fuafusa ka fati philegna olta na.

Levitikas 8:22

Aonu mae Moses atha phei sipu nalhaꞌudi mala taofi pris. Mae Eron baludi mae thugna re ne habo lao khamedire ka phaꞌugna sipu igne.

Profet Sekaraea 12:10

Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na.

Naba 18:17

“Nu buluka, sipu nei nanigot teu te kulu karha re theome tangomana te foli fajifladire. Naugna glepo tuare thono blahi fara nei jaola nogu iara. Nafnata glepo te tautagu igre, iagho ginauna atha dadaradire, eghuteuna frusa lao ka gerigna olta na, eghuteuna iagho ginauna gahu garofadire ke kligna gna olta na mala blahi u fafara tuana, eghuteuna gagahugna te siri famane na te ginau fagleꞌa ghau iara na.

Mae Khuru 3:15

Eghume, ghotilo neke faleheni mae ihei te mala tusu ranghi ghita u thofno karha na. Nu God neke fakarha fapuloni mana kau glehe eghuteuna ghepa ngala teke thofno filo tathami igne.

Mae Khuru 3:26

Eghume God neke kulu vahini nogna mae gloku Jisas neke kulu kuru meini ka ghotilo. Mana kuru meini mae Jisas mala fablahi ghami ghotilo kate figri tagruni ghotilo nabrou glehe na.”

Fapea Korin 5:21

Kraes na theo kaisei nakhibogna. Nu te mala togho ghita na, God neke lisa lao ke kligna gna mana nakhiboda te gnafare. God neke eni igne mala tangomana tahati te doglo ke ulugna God.