Levitikas 2:9 - Buka Blahi Ka Cheke Holo

⁹ Aonu mae pris ginauna atha kaisei vido ka gano igne, eghuteuna mana gahu ke kligna olta mala laseni te atha te mei mana ka iara na eghuteuna igne glepo blahi naugna iara Lord kelitagu ka sisirigna na.

Levitikas 2:9 Iomraidhean Croise

Eksodas 29:18

Eghuteuna iagho gnubra fahui vidogna sipu igne ke kligna olta, mala pogho soru ka iara Lord. Igne kaisei glepo blahi te famane sisiri keligna iara Lord nate gleꞌani fara.

Profet Isaia 53:10

Lord ne cheke eghu, “Nogu gaoghatho iara, te mala au papara nei lehe teu mae igne. Glehegna mae igne, kaisei fafara mala atha koko nakhibo, mala tangomana te filoni iheire nate karha mei ke leghugna manare. Nakarhagna mae igne ginauna brahu, eghuteuna naugna unha te edi mana re, nogu gaoghatho iara igne ginauna thoke mei tutuani.

Levitikas 2:16

Aonu mae pris ginauna atha kakatha flaoa nei oel baludi insens te tusu mei ghotilo re, eghuteuna gahu ke kligna olta mala laseni ghotilo te tusu mei gano igre ka iara na eghuteuna igne jateula kaisei gano te tufa ka Lord eghu.”

Levitikas 2:2

Kate lilisei te gnafa na, mana atha tei tusu lao glepo igre ka mae pris thugna mae Eron. Aonu pris igne mala atha kakatha vido flaoa nei oel eghu baludi insens te gnafa igre, eghuteuna mana gahu ke kligna olta mala laseni te famei mana flaoa igre ka iara eghuteuna glepo igre blahi naugna iara Lord kelitagu ka sisirigna na.

Levitikas 2:8

Jame kaisei mae ka ghotilo eni kaisei fafara ka wit malagu iara, mana ginauna atha mei ka mae pris, eghuteuna mae pris igne atha mei ka olta.

Levitikas 24:7

Ghotilo mala hata famane insens eghuteuna lilisei rhedi bret leghudi phei thura igre. Kate gahu ghotilo insens igre, glepo igre jateula fafara blahi te famei ghotilo ka iara Lord.

Levitikas 4:31

Mae tuana atha fajifla gnafa garofagna nanigot igne, jateula teke atha fajifla mare garofadi glepo tautagu na ka fafara tuana te mala laseni te au fakeli mare balugu iara na. Aonu pris igne gahu garofa igre ke kligna olta, eghuteuna iara Lord keli tagu ka sisirigna na. Ka puhi igne, pris tangomana te fafara te mala teke doglo mae igne ka tathagu iara na, eghuteuna iara ginauna atha fadeleidi nakhibogna mana re.

Levitikas 5:12

Mana mala atha mei flaoa igne ka mae pris, eghuteuna mae pris na aghu haghe katha ka khamegna na eghuteuna gahu vido flaoa igne ke kligna olta ke klignadi glepo blahi teke atha teke mei ka Lord. Mana eni igne mala laseni mae igne atha mei flaoa igre ka iara. Igne fafara te mala doglo mana ka tathagu iara na.

Profet Sekaraea 13:7

Lord mae ihei te au nolaghi fateote'o igne, mana ne cheke eghu, “Nogu naflahi mala magra iara! Iagho tarabana mala magra ka kheragu iara mae ihei te reireghi nogu sipu iara gre. Iagho faleheni mana, eghuteuna sipu igre ginauna tei tafri. Iara ginauna jaola magra ka nogu sipu ikodi iara gre.

Profet Sekaraea 13:9

Eghuteuna iheire te karha teure, iara ginauna kafe paradi hui, mala tangomana mare te klino ka tathagu iara na. Ginauna na jateula mae te gahu silva nei gol ka khaꞌaghi te mala koko thona ra eghu. Aonu mare ginauna tarai mei ka iara, iara ginauna tangomana te nomhidi mare na. Eghuteuna iara ginauna cheke eghu, ‘Naikno igre nogu iara.’ Eghuteuna mare ginauna cheke eghu, ‘Lord na nomi God ghehati.’ ”

Letas Teke Riso Tei Mae Pol Ka Khiloau Rom 12:1

Eghume kheraguro, naugna God ne kokhoni ghami fara, iara tore ghami te mala lisa lao nakarhami are jateula kaisei fafara eghu ka God. Kaisei fafara te karha nei blahi te kelitagnani God. Igne thofno puhi te mala tufru soruni God ghotilo na.

Efesus 5:2

Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.

Filipae 2:17

Nomi fatutuani ghotilo na jateula kaisei fafara te tusu lao tahati ka God ia eghu. Nu jame falehe ghau iara mare na, dadaragu iara na ginauna thofa jateula kaisei fafara te salofodu baludi nomi fatutuani ghotilo ra eghu. Iara ginauna gleale'a fara kolho balumi ghotilo.

Filipae 4:18

Iara la kafe hatahi gobigna lepo teke magnahaghedi iara re. Tulao mae Epafrodaetus hata neke mei ka iara thotogho teke famei ghotilo ra. U thotogho te famei ghotilo igre jateula u fafara te sisirigna nate keli tagna God ia eghu.