Levitikas 2:4 - Buka Blahi Ka Cheke Holo

⁴ “Jame kaisei mae ka ghotilo magnahaghei te atha te mei ka iara bret teke tetego na, bret igne blahi te lilisei isi tagna na. Mana atha famane flaoa ngigno balu oliv oel mala tetego bret, ba ei bisket te ghiha oliv oel tagna.

Levitikas 2:4 Iomraidhean Croise

Nodi Khoje Hatimare Mae Jiu 22:14

Iara gne la theo hi kaisei nogu nolaghi te mala kegra heta na, eigna nogu nolaghi na jateula khoꞌu te thofa soru te blalho ka nusu ra eghu kolho. Nhubragure la klasuhi ka thududire. Eghuteuna gaoghathogure la blalhohi jateula suka eghu.

Eksodas 12:8

Ka bongi tuana, ghotilo na gogoꞌo u nafnahi gna sipu ba u nanigot na ka khaꞌaghi. Eghuteuna ghotilo ima nafnahi balu khuromu te raha, nei bret te theo isi gna.

Eksodas 16:31

Naiknodi Israel re ne kiloni gano igne “Manna”, gaoghathogna na, “Tore, unha glepo si ignea?” U Mana igne e vegha nu ikoi jateula kaisei sisi gaju eghu. Eghuteuna famane mamahe jateula bisket teke eni ka jujurukuli eghu.

Eksodas 29:2

Eghuteuna iagho atha flaoa teke horo mare ka famane wit mala edi thilo nafnata bret te theo isi tagna. Kaisei nafnata na iagho tetego jateula te edi ghotilo ra eghu. Keha nafnata na, iagho mala nhaꞌa lao oliv oel tagna ame tetego nga teu ghotilo ra. Eghuteuna fatilo nafnata na, iagho mala edi keha bisket, eghuteuna ke leghu kate muitahi reꞌe na, iagho ghiha oel tadi.

Profet Isaia 42:1

Lord ne cheke eghu, “Igne nogu mae gloku iara na, eigna iara farerhetani fabrahu mana. Iara neke vahini mana, eghuteuna iara gleꞌani fara mana. Iara lisei laohi Tharungagu na ka mana, eghuteuna mana ginauna fatedi kantri te gnafa igre ka puhi te doglo.

Profet Isaia 61:1

Nogna mae gloku Lord na ne cheke eghu, “Tharunga gna Lord na au balugu iara, naugna mana neke vahi ghau iara mala toutonuni u nonomho te keli na ka iheire te kuma. Mana neke kuru ghau iara mala fameomegodi iheire te au diꞌanagnafa. Mana neke kuru ghau iara mala toutonu ka iheire te au ka suga sosolo, nei ka iheire te loku jateula naikno sneka teu te mala snagla.

Profet Esikiel 46:20

Mana ne cheke eghu ka iara, “Igre chogho mala gahu nafnahi buluka nei sipu teu hatimare mae pris teke hata teke mei naiknore te mala fafara eigna poloru, nei fafara te mala doglo naikno na ka tathagu iara na. Eghuteuna jaola ka chogho igre, mare tangomana te gahu kek ka flaoa teke edi mare ka wit ba bali, teke hata teke mare ka Lord. Naugna igne, mare ginauna theome tangomana te hata glepo blahi funu agne te tei ka glalaba biꞌo igno, na eghunu habo naiknore ka glepo te blahi igre eghu.”

Levitikas 1:11

Mana aknu falehe buluka igne ke ulugu iara phile ke raru olta, eghuteuna pris ka tharaknagna mae Eron ginauna atha dadaragna buluka igne tofa ka fati philegna olta na.

Levitikas 10:12

Aonu mae Moses ne cheke ka mae Eron nei ka phei thugna mana mae Eleasa ghe mae Itama, phei thugna mana te karha nga teu, mana ne cheke eghu, “Kate atha te mei naiknore flaoa teke eni ka famane wit na, ghotilo tangomana te atha flaoa blahi te theome krono igne mala ei bret te theo isi gna. Eghuteuna leuleghu fata na, ghotilo ghamu bret igne rhegna olta kolho, naugna blahi fara.

Levitikas 7:12

“Jame ihei te eni fafara igne te mala tegio ka iara na, mana atha thilo nafnata bret te theo kaisei isi gna. Nafnata bret ulu lahu na au flaoa te ngigno balu oliv oel. Fapea nafnata na jateula bisket te ghiha oliv oel tagna ra eghu. Eghuteuna fatilo nafnata na bret te eni mana ka flaoa famane wit.

Naba 6:15

Mana jaola mala fafara mei kaisei kharaꞌo balu thilo nafnata bret te theo isi. Ululahu bret na te edi koba ghotilo leghu fata are. Fapea bret na te ngingo ghotilo balu oliv oel ame beka nga teu are. Eghuteuna fatilo bret na te kuki muita ame ke ghiha oel nga ghotilo teu ia. Eghuteuna mana jaola mala fafara mei keha wit nei waen te famanedi are.

Matiu 26:38

Mana ne cheke eghu ka mae Pita nei phei thugna mae Sebedi, “Iara gne biꞌo fara ka diꞌanagnafa, eghuteuna iara la namo lehe ka igne. Ghotilo au agne mala dofra balugu iara.”

Jone 12:27

Mae Jisas ne cheke eghu, “Gognaro na iara thono diꞌanagnafagu fara eigna glepo nate mei ginauna. Na cheke faꞌunha eghu iara ka mae Mama? Iara na cheke eghu, ‘Mama, thosei snakre mei ke klignagu iara glepo te biꞌo igne na eghu’? Theo. Naugna igne ngala teke meini iara ka nauthoglu igne na mala ruma ke lamnagna glepo te ninhigrana igne.

Jone 3:34

Mae ihei teke kuru mei God funu kligna na mana chekedi unha teke chekedi God re, naugna God neke tusu lao ka mana Tharunga te Blahi na ne fodu ka mana mala toghoni mana.

Hibru 7:26

Eghume mae Jisas ngala nafnata mae pris biꞌo te magnahaghei tahati na. Mana mae blahi, mana kaisei mae doglo fara, nei mana theome eni kaisei puhi te diꞌa. Eghuteuna God neke hata fadeleini mana ka iheire te diꞌa nei hata hagheni mana kau nafnakno kligna.

Ululahu Pita 2:1

Eghume, thosei nomire eghudi puhi te diꞌare. Thosei chaghidi naiknore. Thosei goghotu ba cheke fadiꞌadi keha naiknore.

Ululahu Pita 2:22

“Mana neke theome eni kaisei nakhibo, eghuteuna theo kaisei cheke chaichaghi te jifla mei ka foflogna na.”