Levitikas 2:15 - Buka Blahi Ka Cheke Holo

¹⁵ Eghuteuna ghotilo tofa oliv oel tagna, eghuteuna ghotilo jaola lilisei insens tagna naugna famane flaoa majaghani teke eni ka wit.

Levitikas 2:15 Iomraidhean Croise

Eksodas 29:2

Eghuteuna iagho atha flaoa teke horo mare ka famane wit mala edi thilo nafnata bret te theo isi tagna. Kaisei nafnata na iagho tetego jateula te edi ghotilo ra eghu. Keha nafnata na, iagho mala nhaꞌa lao oliv oel tagna ame tetego nga teu ghotilo ra. Eghuteuna fatilo nafnata na, iagho mala edi keha bisket, eghuteuna ke leghu kate muitahi reꞌe na, iagho ghiha oel tadi.

Eksodas 30:34

Lord ne cheke eghu ka Moses, “Iagho ginauna atha glepo te sisiri kelidi igre: nataf, nei sehelet, nei helbena, nei lebona. Iagho atha nanaba vido ka fati glepo te sisisri kelidi igre,

Levitikas 2:1

Lord ne cheke eghu, “Jame kaisei mae ka ghotilo magnahaghei atha mei gano ka nagare mala famei ka iara, mana mala atha mei flaoa teke eni ka famane wit. Eghuteuna mana mala lilisei oliv oel nei insens eghu ka flaoa igne.

Levitikas 2:14

“Kate atha te mei ghotilo ka iara gano teke saro ulu ka nomi nagare re, ghotilo tangomana te atha te mei wit teke gahu nei jigri teku ghotilo re.

Levitikas 2:16

Aonu mae pris ginauna atha kakatha flaoa nei oel baludi insens te tusu mei ghotilo re, eghuteuna gahu ke kligna olta mala laseni ghotilo te tusu mei gano igre ka iara na eghuteuna igne jateula kaisei gano te tufa ka Lord eghu.”

Levitikas 5:11

“Nu jame mana kuma fara, eghuteuna mana theome tangomana te atha te mei phei balhu ba phei sua thukmu, te eghuna mana tangomana te atha kaisei kilo ka famane flaoa mala fafara. Nu blahi te mala tofa oliv oel tagna na ba lilisei insens balugna naugna igne kaisei fafara mala ke doglo mana ka tathagu iara na.

Naba 15:4

Eghuteuna ihei te atha kaisei sipu ikoni mala fafara na, mana ginauna atha kaisei kilo flaoa gna wit te famane are eghuteuna ngingo balugna kaisei lita oliv oel, naugna tuana fafara eidi gano ka thobi re, eghuteuna mana jaola mala fafara mei kaisei lita waen mala tofa ka olta.