Levitikas 10:3 - Buka Blahi Ka Cheke Holo

³ Aonu mae Moses ne cheke eghu ka mae Eron, “Igne gaoghatho gna unha teke cheke eghu Lord ia: “ ‘Iara ginauna fakakhana te blahi iara ka iheire te mei namo ka iara na. Eghuteuna nogu naikno iara gre ginauna fafnaknoni nogu nolaghi iara na.’ ” Nu mae Eron ne au kmu kolho.

Levitikas 10:3 Iomraidhean Croise

Jenesis 18:25

Tutuani, iagho ginauna na theome falehedi naikno te doglo tuare baludi naikno te diꞌa re! Eghuteuna iagho na theome eni kaisei nafnata puhi ngala ranghidi naikno te doglo nei naikno te diꞌa teu gre. Iagho ginauna fatedi naiknogna nauthoglu igne mala eni ngala mare unha te doglo na!”

Thoutonu Eigna Mae Job 2:10

Nu Job ne cheke eghu, “Iagho thosei cheke fameomekro jateula tuana eghu! Kate tusu mei God glepo te keli ka tahati na, tahati kelitada kate hata na. Naugna unha site khuru cheke tahati kate tusu mei mana puhi biꞌo ka tahati grea?” Neuba puhi biꞌo te diꞌa fateote'o igre ne thokeni Job, Job theome cheke diꞌa.

Nodi Khoje Hatimare Mae Jiu 119:120

Iara thono mhaghu nogu nigho fara ne ngegra thinigu na. Uve, kate ghathoni iara te fateni iagho naikno na, iara ne mhaghu nogu nigho fara.

Nodi Khoje Hatimare Mae Jiu 148:14

Lord na reireghi fakeli ghita tahati nogna naikno Israel, eghume, tahati cheke fakelini mana! Mana namha ghita fara. Tahati kilo fnaknoni Lord!

Nodi Khoje Hatimare Mae Jiu 39:10

La nabahi, thosei ke para ghau. Iara la namo lehehi naugna iagho ne tapo ghau iara.

Nodi Khoje Hatimare Mae Jiu 39:9

Gognaro na iara au kmu. Iara na theome gagri kaisei cheke, naugna iagho neke para ghau.

Nodi Khoje Hatimare Mae Jiu 46:10

God ne cheke eghu ka naiknore, “Thosei magra! Filo si ghotilo, iara God! Iara nodi king naikno te gnafa ka namono te gnafa ka nauthoglu gne.”

Nodi Khoje Hatimare Mae Jiu 89:7

Kaisei iagho God ngala te mhaghu nigho nei ghatho tahu nigho teu tothoghei engel di klignare. Uve, kaisei iagho ngala te fnakno ke klignadi mare te hui na. Naugna igne te kilo fnakno nigho mare na.

Nodi Khoje Hatimare Mae Jiu 93:5

Lord God, nou vetula iagho re ginauna kegra fabrahu. Eghuteuna, nou Sugablahi iagho na thono blahi fara, nei ginauna na au fabrahu tifa tifa.

Eksodas 14:17

Eghuteuna iara ginau na famamhaku nagnafadi mae Ijep are mala ari mare ke leghumi ghotilo. Iara ginau tapla soruni mae king gna Ijep ana baludi nogna mae soldia te gnokro ka chariot, nei hose nei iheire te nonolo kolho pari teu are. Eghuteuna naikno te filoni unha te eni iara igne na, mare ginau na fafnaknoni nanghagu iara na. Mae Ijep gre ginau na laseni te kaisei Iara gne ngala Lord na!”

Eksodas 14:4

Iara ginauna nake famamhakui nagnafagna mae king na, eghuteuna mana ginau na ngolhi ghami ghotilo mala fariuriu athi ghami. Nu naugna ka unha te eni iara ranghini mana nei nogna mae soldia mana re teu na, naiknore ginau na ghatho tahu ghau iara. Eghuteuna naiknodi Ijep re ginau na laseni te iara ngala Lord na.” Aonu kate nomhini chekegna Lord igne na, naiknodi Israel neke pulo neke horo nodi suga tapuale ka vido aheva teke cheke ranghidi mana na.

Eksodas 19:22

Neubane mae pris, mae iheire te tangomana te mei rhegu iara te mala mei fafara igre, mare jaola mala kulu fablahidi thedi. Jame te theo mare na, iara ginauna paradi mare.”

Eksodas 19:24

Aonu Lord ne cheke eghu ka mana, “Uve, nu iagho ke soru, atha mei mae Eron balumu agne. Nu hatimare mae pris nei keha naikno teu are thosei mei salaꞌuni nohi igne, mala mei ka iara Lord. Jame te mei mare na, iara ginauna paradi mare.”

Eksodas 30:30

“Iagho ginauna tofa katha oel blahi ka phaꞌugna Eron, nei ka thugna mana re, eghuteuna iagho fablahidi mare mala pris mala loku ranghi ghau iara.

Profet Isaia 39:8

Nu te ghathoni mae king na jau gaoghathodi cheke te edi mae profet igre ginauna toghoni mala au fakeli fabrahu ka nakarhagna na neu ne cheke eghu, “Unha te chekeni Lord ka iagho igne keliu kolho.”

Profet Isaia 49:3

Lord neke cheke eghu ka iara, ‘Israel, iagho nogu mae gloku iara. Eigna ka puhi te eni iagho nogu gloku iara na, naiknore ginauna fafnakno ghau iara.’

Profet Isaia 52:11

Jifla mei ka namono Babilonia! Jifla mei ka namono te diꞌa tuana! Thosei haboni kaisei glepo te thona ka tathagna God. Ghotilo mae te atha te mei glepo te blahi ka sugagna Lord ra, ghotilo mala jifla mei ka namono tuana, eghuteuna ghotilo mala gae ka tathagna God.

Profet Esikiel 20:41

Ka teke hata fapulo ghami iara ka keha kantri aheva teke tei au tafri ghotilo tadira, iara ginauna kelitagu ka ghotilo jateula teke kelitagu iara ka teke gahu ghotilo insens te famane sisiri keligna fara kate mei tarai ghotilo ka iara. Eghuteuna naiknogna kantri igne ginauna filoni iara ngala te blahi na.

Profet Esikiel 28:22

Iagho cheke ranghini te iara Lord God te eghu igne: “ ‘Saedon! Iara nou naoka iagho. Naiknore ginauna cheke fakelini nanghagu iara kate paradi iara nou naikno iaghore mala lasei mare te blahi iara na, eghuteuna mare laseni te iara Lord.

Profet Esikiel 38:16

Ghotilo ginauna mei toku tafrudi nogu naikno iara Israel igre, jateula kaisei khoveo biꞌo balu nakhete te soru te toku tafrudi namono ra eghu. King Gog! Ka narane tuana, iara ginauna kuru nigho tei lamna ka nogu namono iara igne, mala laseni naiknodi keha kantri igre te iara Lord na mae blahi.

Profet Esikiel 40:46

Eghuteuna chogho te figri tei ke raru igne, maladi mae pris mae iheire te mala fiofilodi gloku ka olta. Phei tothoghei mae pris igre kafe ka vikegna mae Sadok, mae pris biꞌogna tifa. Mae igre ka vikegna mae Livae kolho, mare au nodi nolaghi te mala mei namo ka Lord te edi nogna gloku mana re.”

Profet Esikiel 42:13

Mae igne neke cheke eghu ka iara, “Phei suga igre blahi, naugna vido aheva mae pris te mala mei te namo ka Lord te mala fafara, nei tangomana te ghamu vido gano teke fafara te thono blahi fara te maladi mae pris kolho. Jaola ka vido igne hatimare mae pris te lilisei unha teke hata teke mei naiknore, jateula ngau flaoa teke edi ka wit te thofno keli fara, nei fafara te mala doglo naiknore ka tathagna Lord, nei fafara mala poloru.

Levitikas 21:15

Jame te theome eghu na, thugna re theome klino ka tathagu iara na. Iara Lord, iara neke fablahini mana.”

Levitikas 21:17

“Cheke ka Eron, jame kaisei ka tharakna gna mana na au keha glepo te jafra ka thinigna na, mana blahi te mei namo ka olta te mala fafara mei ka iara gano blahi na.

Levitikas 21:21

Kate au kaisei glepo te jafra ka thini gna kaisei ka tharakna gna mae pris biꞌo na, blahi te mei namo ka olta te mala fafara mei gano blahi na ka iara.

Levitikas 21:6

Mare mala au blahi malagu iara nodi God mare, eghuteuna mare mala theome goigoni ni nanghagu iara na, naugna mare mala ei fafara mala tangomana gano re te kaisei glepo blahi na. Naugna igne mare mala blahi fara.

Levitikas 21:8

Ghotilo naiknomi Israel ra mala ghatho tahudi mae pris gre mae blahi, naugna mare mala fafara gano blahi. Naiknore mala laseni mae pris te gnafa igre blahi naugna iara Lord, iara blahi, eghuteuna iara fablahidi nogu naiknore mala blahi.

Levitikas 22:9

“Hatimare mae pris mala leghudi unha teke chekedi iara mala edi mare teku ra, glahu papara nei lehe eghu mare te theome leghudi nogu farirhiu iara igre. Iara Lord, mae ihei teke fablahidi mare.

Levitikas 8:35

Bongi narane na, ghotilo mala au fabrahu ka grengathagna Suga Tapuale te Blahi na, ghilei thokeni fitu narane, eghuteuna ghotilo mala edi fabrahu glepo teke chekedi Lord re. Jame te theome eni ghotilo igne na, ghotilo ginauna lehe, naugna igne unha te chekeni Lord ka iara na.”

Naba 16:5

Kate gnafa tarai na, mana ne cheke eghu ka mae Kora baludi keha mae kheragnare, “Hamerane nathui Lord ginauna fakakhana ka tahati mae ihei teke vahini mana mala nogna pris, eghuteuna mae tuana kolho mala loku ka nogna olta te blahi mana na.

Naba 20:12

Nu Lord ne cheke eghu ka mae Moses ghe mae pris Eron, “Naugna te theome au nomi grouronu ghopa te theome fakakhana ka naiknore te au nolaghi biꞌo iara na, ghopa theome tangomana te batudi naikno igre te tei ka vido teke nhaꞌa chekeni iara ka ghotilo tifa ia!”

Matiu 10:37

“Ihei te namhadi fara kmagna ba idogna ba thugna nalhaꞌu ba thugna gaꞌase ke tulaogu iarai na, mana theome nabagna te nogu mae fanomho iara na.

Jone 12:28

Iara na cheke eghu, ‘Mama, fathakle ka naikno gre nou nolaghi te biꞌo!’ ” Kate chekedi mana cheke igre, kaisei cheke ghosei ne soru mei funu kligna ne cheke eghu, “Nogu nolaghi biꞌo iara na neke thaklehi, eghuteuna ginauna nake fathakleniu ngala u nolaghi biꞌo tuana.”

Jone 14:13

Eghuteuna iara na eni unha te toreni ghotilo ka nanghagu iara na. Iara na eni igne ranghi ghami ghotilo mala filoni naiknore nogna nolaghi biꞌo mae Mama te thakle mei ka iara mae Thugna na.

Diutronomi 32:51

Naugna ghopa neke theome ghatho tahu ghau iara ke uludi naiknodi Israel tifa ra. Ka narane tuana ghopa neke au ka khoꞌu Meriba, rhegna namono Kades ke lamna namono nagou Sin, eghuteuna ghopa neke theome fakakhana te mae blahi iara na ka tathadi naiknodi Israel.

Fapea Tesalonika 1:10

Kate mei ka narane biꞌo tuana, mana ginauna hata nafnakno ka nogna naikno blahire. Eghuteuna naikno teke fatutuani ni mana tuare ginauna kilo fnaknoni mana. Ghotilo ginauna au ke lamnagna tothoghei naikno fatutuani tuana, naugna ghotilo ne fatutuanidi unha te chekedi ghehati ra.

Ululahu Pita 4:17

Naugna narane God nate mala fatedi naiknore la fufunuhi. Mana ginauna na kulu fufunu ka nogna naikno thegna re. Te fufunu mana ka tahati na, ginauna thofno ninhigrana ranghidi iheire te theome fatutuani ni u Nonomho te Keli teke mei funu ka God thegna igne.

Ululahu Samuel 2:30

“Naugna igne iara Lord nodi God mae Israel, igne unha te chekeni iara na: Tifa na iara neke nhaꞌa cheke ka kuꞌemu iagho Eron ba iheire te gnafa ka tharaknagna mana na igre, mare ginauna mala mae pris mala edi fabrahu nogu gloku iara re. Nu gognarona, iara na cheke fadoglo ari ka iagho, u nhaꞌa cheke igne la gnafahi ka mae thumu iagho ra! Gognarona, mae ihei te ghatho tahu ghau iara na, iara ginauna ghatho tahuni mana. Nu mae ihei te tirogna ghau iara na, iara ginauna na jaola tiroguni mana.

Ululahu Samuel 3:18

Aonu mae Samuel ne chekedi ka mana nogna cheke Lord igre, ne theome poruni kaisei glepo ka mana. Aonu mae Eli ne nomhini igne ne cheke eghu, “Mana ngala Lord na. Mana tangomana te eni unha te doglo ka mana na.”

Ululahu Samuel 6:20

Naiknodi Bet-Semes igre tanhi ne cheke eghu, “Lord na blahi fara! Tahati theome nabada te au rhegna Lord na. Tahati na hata tei aheva si Bokis Blahi ignea?”