Levitikas 10:1 - Buka Blahi Ka Cheke Holo

¹ Aonu mae Nadab ghe mae Abihu phei thugna mae pris biꞌo Eron igre, phia mare ne atha phei dis, mala lilisei nakrofu khaꞌaghi te ngaja. Eghuteuna phia mare ne lilisei insens ka khaꞌaghi, aonu phia mare atha ne ruma lamna ka vido aheva te au Lord na. Nu khaꞌaghi igne ne theome blahi naugna Lord neke theome chekedi phia mare te mala eni igne.

Levitikas 10:1 Iomraidhean Croise

Ululahu Kings 18:38

Lord nomhini nogna tharai mana igne ne kuru soru khaꞌaghi na ne gnhubra fahui fafara igne. Eghuteuna gaju, thina, glose, nei khoꞌu eghu teke au faligohoni olta igne ra ne kafe moja ne hui.

Nodi Khoje Hatimare Mae Jiu 141:2

Iara magnahaghei nigho iagho te glealeꞌa ka nogu tharai iara gre, jateula iagho te glealeꞌa kate gagahu haghe ka iagho u insens te gahu mare pris ra eghu. Uve, Lord, iara magnahaghei nigho iagho te glealeꞌa ka iara kate ngafa haghe iara khamegu na te tarai ka iagho na, jateula iagho te glealeꞌa kate fafara grafiro ra eghu.

Eksodas 24:1

Ke leghugna te tusu lao vetula igre ka naiknore, Lord ne cheke eghu ka mae Moses, “Iagho mei ka iara ka thogele igne. Iagho atha balumu mae Eron, nei phei thugna mana ra eghu, mae Nadab ghe mae Abihu ra, nei fitusalei nodi mae funei mae Israel ra eghu. Mare mala mei au fakhabau agne katha vido mala pogho soru ranghi ghau iara,

Eksodas 24:9

Ke leghugna igne, mae Moses, mae Eron, mae Nadab, mae Abihu nei fitusalei nodi mae funei hatimare mae Israel igre eghu ne haghe ka thogele na, ne filoni nodi God mae Israel igne. Ke paridi ghahegna God igre au kaisei glepo te jateula thina tataba te klino fara jateula maloa teu fifilogna na, famane thina igne mare kiloni “safa”.

Eksodas 27:3

Eghuteuna mare na ei baket mala nanhaꞌa nakrofu. Eghuteuna edi sevol ikodi, nei dis, nei foke nei baket mala lilisei sisibe ngaja ba nakrofu khaꞌaghi te ngaja teu. Gobigna lepo igre mare edi ka bras.

Eksodas 28:1

Lord neke cheke eghui ka Moses, “Iagho ginauna mala kiloni thabusimu iagho Eron nei mae thugna mana ra, mae Nadab, Abihu, Eleasa nei mae Itama, iara vahidi mare ka naiknodi Israel mala taofi pris mala loku ranghi ghau iara.

Eksodas 31:11

eghuteuna oel blahi igne mala fablahidi glepo teke chekedi iara igre, eghuteuna insens te famane sisiri keligna igne mala loku mae pris ke lamna chogho blahi. Mare mala edi glepo igre thofno leghuni unha teke chekedi iara ka ghotilo ra.”

Eksodas 37:29

Mare thofno eni fakeli oel blahi igne mala fablahi gobigna lepo. Eghuteuna mare jaola thofno eni fakeli insens blahi te famane sisiri keligna igne.

Eksodas 38:3

Eghuteuna mare ei baket mala nanhaꞌa nakrofu. Eghuteuna edi sevol ikodi, nei dis, nei foke nei baket mala lilisei sisibe ngaja ba nakrofu khaꞌaghi te ngaja teu. Gobigna lepo igre mare edi ka bras.

Eksodas 40:27

Mana atha insens blahi te famane sisiri keli gna na ne gahu ke kligna olta, igne thofno leghuni unha teke chekeni Lord.

Eksodas 6:23

Eron neke tolaghi ka Eliseba thugna gaꞌase Aminadab greghagna Nason. Eghuteuna Eron ghe Eliseba ne au fati thudi nalhaꞌu, Nadab, Abihu, Eleasa, nei Itama.

Eksodas 8:27

Theome tangomana! Teke chekeni Lord na ghehati mala tei ke lamnagna namono nagou na nabagna thilo narane ame fafara nga ka mana eghu neku, eghume, tuana te mala eni ghehati na eghu.”

Profet Jeremaea 19:5

Mare babana olta mala gahu thudi nalhaꞌure ka khaꞌaghi mala fafara ka god Baal. Nu iara neke theome chekedi mare te mala eni nafnata puhi igne. Nafnata puhi igne thono diꞌa fara theome jifla mei ka gaoghathogu iara na.

Profet Jeremaea 32:35

Mare horo nogna olta god Baal ka glogu Hinom, eghuteuna mare ne gahu thudi nalhaꞌu nei thudi gaꞌase teure mala fafara ka god Molek. Nu iara neke theome chekedi mare te mala eni puhi igne na. Nafnata puhi te eni mare te thofno diꞌa fara igne mala batudi naiknodi Juda igre mala snoꞌo ka nakhibo, eghuteuna nafnata glepo igne neke theome jifla mei ka gaoghathogu iara.”

Profet Jeremaea 44:15

Kmana mae lasedi khetodire te gahu insens te tarai ka keha god delei, nei gaꞌase te kegra fabrahu ka vido igne baludi kmana naikno di Juda te mei funudi ke raru nei ke mata Ijep. Mare ne cheke eghu ka mae Jeremaea,

Profet Jeremaea 44:8

Iara diꞌatagu fara ka puhi te tarai ghotilo ka mumuju teke edi themi are, eghuteuna ghotilo gahu insens mala pogho soru ka keha god di Ijep. Ghotilo ginauna goigoni ghami themi kolho. Eghuteuna naikno gna nauthoglu igne ginauna cheke fadiꞌa ghami ghotilo. Naiknore ginauna cheke faparidi nanghami ghotilore mala thoke mei puhi biꞌo ka ghotilo.

Profet Jeremaea 7:31

Mare horo kaisei olta te kiloni mare, Tofet, ka Glogu Hinom. Aonu mare gahu ka khaꞌaghi thudi nalhaꞌu nei thudi gaꞌase teure ka olta igne mala fafara ka mumuju. Nu iara neke theome chekedi mare te mala eni puhi igne. Nafnata glepo te eni mare igne neke theome jifla mei ka gaoghathogu iara na.

Levitikas 16:1

Lord ne cheke eghu ka Moses ke leghugna narane te lehe phei thugna Eron naugna phia mare neke mei ka Lord ka puhi te theome doglo.

Levitikas 16:12

mana mala mei ka olta mala gahu insens. Eghuteuna mana mala hata fajifla keha nakrofu khaꞌaghi te karha teu, eghuteuna fafofodu ka kaisei dis, eghuteuna mana mala hata mei ka khamegna na keha sitha malagna insens te famane sisiri keligna. Aonu mana mei ruma lamna ka Chogho te Thofno Blahi fara na.

Levitikas 22:9

“Hatimare mae pris mala leghudi unha teke chekedi iara mala edi mare teku ra, glahu papara nei lehe eghu mare te theome leghudi nogu farirhiu iara igre. Iara Lord, mae ihei teke fablahidi mare.

Levitikas 9:24

Khaꞌaghi na megei nga ne jifla mei ka vido te au teu Lord na ne gnhubra fahui nafnahi te gnafa nei garofadi teu fafara ka olta na. Eghuteuna kate filoni igne, naiknore ne thagru fabiꞌo ne pogho soru ka glose na.

Naba 16:46

Eghuteuna Moses ne cheke eghu ka Eron, “Ei! Lord na la diꞌatagnahi! Kaisei fogra te diꞌa la falehedi naiknore! Iagho faghose tei hata nou dis ia, eghuteuna hata khaꞌaghi mala lilisei balu insens mala hata tei ka mare, mala fafara ka Lord mala hata fadelei mana nakhibodi re.”

Naba 26:61

Nu mae Nadab ghe mae Abihu gre neke lehe ka vido teke gahu insens ka puhi te jafra mala gna Lord teku ka khaꞌaghi te blahi fara ia.

Naba 4:18

“Kate mei tharaknagna mae Kohat gre mala pala gobi lepo te blahi igre teuna, ghopa ginauna fiofilo fakeli na eghu nu dofi tharaknagna mae Kohat gre ka vikegna mae Livae gre. Ghopa ginauna edi gobi lepo igre ka puhi te keli mala theome lehe mare kate mei namo ka glepo te blahi igre. Mae Eron baludi phei thugna re kolho mala mei lamna te mala tufa gloku ka mare na. Eghuteuna facheke thilomare glepo mala pala re eghu, naugna jame te mei maedi Kohat ke lamnagna Suga Thapuale te blahi igne nei filodi teu glepo blahi igre na, mare ginauna lehe.”

Diutronomi 12:32

“Eghume, ghotilo mala edi gobigna lepo tela chekedihi iara ka ghotilo ra. Ghotilo thosei ke nhaꞌa lao keha chekei, eghuteuna ghotilo thosei ke hata koko kaisei cheke tagna.”

Diutronomi 17:3

Jau mae igne huhughuni nogna vetula Lord na eghuteuna mana tarai ka keha god delei, ba jau mana pogho soru tarai ka naprai, ba glaba, ba ka nathunu.

Diutronomi 4:2

Ghotilo thosei ke nhaꞌa lao ba hata koko kaisei phugra cheke ikoi kate tusu ari iara ka ghotilo igre. Cheke igre nogna cheke Lord mala leghudi ghotilo.

Hibru 9:4

Ke lamnagna u chogho igne mare lilisei kaisei tevo te hohoro ka gol mala gahu insens ka God, nei kaisei bokis fagaglana gna nogna nhaꞌa cheke God na. U bokis tuana ghiha gol ke kosi. Ke lamnagna bokis na, au phei thabasoa teke riso soru God nogna vetula na. Jaola mare tathaji kaisei botol gol, ke lamnagna botol tuana au katha vido gano gna tifa teke mei funugna ka God te kiloi ‘manna’, nei nogna khodo mae Eron te kotu khakla na au la jare.