Levitikas 1:7 - Buka Blahi Ka Cheke Holo

^7-9 Eghuteuna mana titihi fagae lamna ka thiꞌagna na eghuteuna jaola ghahegna. Aonu mae pris igre kaikaliti gaju mala ei khaꞌaghi ke kligna olta, eghuteuna gnafa teuna mana lilisei fakeli vidogna buluka igne ke kligna khaꞌaghi. Aonu mana gahu ka olta na vidogna te gnafa buluka igne, balu phaꞌugna, nei garofagna. Mana mala gahu buluka igne mala kaisei glepo blahi eghuteuna Lord kelitagna fara ka sisiri gna na.

Levitikas 1:7 Iomraidhean Croise

Jenesis 22:9

Kate posa lao phia mare ka vido aheva teke chekeni God na, jare mae Ebraham ne titili ka thina kaisei olta ne lilisei gaju ke kligna gna. Mana ne haru phei khamegna mae Isak re ka gnarho ne fathuru lao ke klignadi gajure ka olta na.

Ululahu Kings 18:33

Aonu mae Elija ne lilisei gaju igre ke kligna olta. Eghuteuna mana ne vahe faꞌikoi buluka nalhaꞌugna igne, ne lilisei ke klignadi gaju igre. Aonu mana ne cheke eghu, “Ghotilo toho fafodu fati botol biꞌo are ka khoꞌu mala tofa ke klignadi nafnahi te mala fafara are baludi gaju are.” Eghuteuna mare ne leghuni unha te chekeni mana na.

Ululahu Kronikols 21:26

Eghuteuna mae Devet ne babana kaisei nogna olta Lord ka vido igne. Eghuteuna mana ne gahu fafara ka Lord, kehare knoro fara, nei kehare mala au ka pharikeli balugna Lord. Mae Devet ne tarai ka Lord, eghuteuna Lord nomhini nogna tharai mana na ne kuru soru khaꞌaghi funu kligna ne gahu fafara te au ka olta igne.

Fapea Kronikols 7:1

Kate gnafa tarai King Solomon igne, khaꞌaghi na ne soru mei funu kligna ne ghamu fateo fafara teke edi naiknore. Eghuteuna naphaegna nogna nolaghi Lord na ne fodu ka Sugablahi na!

Nehemaea 13:31

Iara chekedi naiknore mala hata mei gaju mala gahu fafara ka soasopai narane ka finogha na mala loku mae igre. Eghuteuna iara chekedi naiknore mala hata mei gano saro ulu ka nodi nagare re, mala fei ghedi mae pris nei mae Livaet nei keha glepoi langau eghu te nabadi mare. Nogu God, ghatho ghau nei keli ranghi ghau eghu.

Levitikas 6:8

Aonu Lord ne cheke eghu ka mae Moses,

Levitikas 9:24

Khaꞌaghi na megei nga ne jifla mei ka vido te au teu Lord na ne gnhubra fahui nafnahi te gnafa nei garofadi teu fafara ka olta na. Eghuteuna kate filoni igne, naiknore ne thagru fabiꞌo ne pogho soru ka glose na.

Profet Malakai 1:10

“Fanomho si ghotilo, igne nogna cheke Lord mae ihei te au nolaghi fateoteꞌo na, ‘Mae pris cheke eghu koba ka ghotilo, “Bobotho Sugablahi ana mala thosei tei ruma ghotilo mala fafara ke kligna olta.” Naugna iara theome kelitagu ka ghotilo, iara ginauna na tirogudi fafara te atha te mei ghotilo tuare.