Levitikas 1:3 - Buka Blahi Ka Cheke Holo

^3-5 Lord ne cheke eghu, “Jame kaisei mae ka ghotilo magnahaghei mala fafara buluka nalhaꞌu te thofno krono, mana mala atha kaisei te famane te theome au kaisei thona ka thinigna na. Mana mala tusu mei ka iara ka grengathagna Suga tapuale te Blahi te namo ka Olta te mala Gahu Fafara tagna na, mala kelitagu iara. Eghuteuna mae igne mala habo lao khamegna na ka phaꞌugna buluka nalhaꞌugna, eghuteuna iara ginauna kelitagu ka fafara tuana mala atha koko nakhibogna mae igne. Eghuteuna mana mala falelehe buluka nalhaꞌugna na ke ulugu iara, eghuteuna mae pris ka vikegna mae Eron igne ginauna atha dadaragna na atha mei ka iara mala totofa ka fati philegna olta na.

Levitikas 1:3 Iomraidhean Croise

Jenesis 22:13

Aonu mae Ebraham ne filo tafri ne filoni kaisei sipu nalhaꞌu gna te khale teu hona gnana ka gaju ikoi na. Aonu mae Ebraham tei ne hata sipu igne ne falelehe ne gahu ne fafara tongana ka God. Eghume u sipu igne ne lehe tughuni mae Isak.

Jenesis 22:2

Aonu God ne cheke eghu ka mana, “Iagho au kaisei mae thumu nalhaꞌu kolho, mae Isak, mae ihei iagho te namhani fara, hata mae sitei igne tei ka nohi Moriah. Iara ginauna na falalase ka iagho kaisei thogele jare. Ka thogele igne te mala falelehe iagho mae thumu Isak gne te mala gahu re mala fafara ka iara na.”

Jenesis 22:8

Mae Ebraham ne cheke eghu, “Thuguo, God ginauna na tusu ranghi ghita u lam te mala fafara na.” Aonu phia mare ne kaisei thei ne tei.

Jenesis 8:20

Aonu mae Noa ne hohoro kaisei olta mala tarai ka Lord. Eghuteuna mana ne atha keha nafnata glepo te tautagu nei keha nafnata nanghaji teu te naba mala ghamu re, aonu mana ne falelehe ne gahu ne fafara ke ulugna Lord.

Fapea Kronikols 29:32

Ka puhi igne, mare ne hata fitusalei buluka nalhaꞌudi, nei kaisei gobi sipu nalhaꞌudi, nei phia gobi sua sipu nalhaꞌudi mala fafara mare ka Lord te thofno krono fara.

Fapea Kronikols 35:12

Aonu hatimare mae Livaet igre ne tuatufa sipu nei nanigot teu igre, eghuteuna mare vavahi vido nafnahi mala fafara. Eghuteuna mare falao vido nafnahi igre ka soasopai tharaknadi naiknore. Aonu tharakna igre ne fafara ka Lord leghuni nogna Vetula mae Moses. Eghuteuna mare ne jateula tuana neu ka buluka re.

Nodi Khoje Hatimare Mae Jiu 110:3

Ka narane te tei iagho ka magra na, nou naikno iagho re ginau tei balumu iagho mala togho nigho, eghuteuna ghotilo ginau haghe ka nogna thogele Lord na. Uve, iagho atha nou nolaghi majaghani mala jateula te dofra haghe hamerane ra eghu e heta thinimu na.

Nodi Khoje Hatimare Mae Jiu 40:8

Nogu God, iara magnahaghedi fara te edi unha te magnahaghedi iagho re. Leuleghu fata na iara theome ghatho ihodi nou cheke iagho re ka nagnafagu na.”

Eksodas 24:5

Gnafa teuna mae Moses ne kurudi keha mae majaghani mala tei fafara ka Lord. Mare jaola ne fafara keha buluka mala au ka pharikeli balugna God.

Eksodas 29:18

Eghuteuna iagho gnubra fahui vidogna sipu igne ke kligna olta, mala pogho soru ka iara Lord. Igne kaisei glepo blahi te famane sisiri keligna iara Lord nate gleꞌani fara.

Eksodas 29:4

Iagho atha Eron baludi thugna ra mala mei kegra ka grengatha gna Suga Tapuale te Blahi na mala thafoni God, eghuteuna iagho faꞌapudi mala gae ka tathagu iara na.

Eksodas 29:42

“Leuleghu fata na, ghotilo baludi iheire nate karha mei ke leghumi ghotilore ginauna edi phei fafara ka grengatha gna Suga Tapuale te Blahi te mala thafoni God. Eghuteuna ka vido igne, iara ginauna thafo ghami ghotilo, mala cheke balumu iagho.

Eksodas 32:6

Aonu, hamerane boibongi ka keha narane na, naiknore atha ne mei buluka, sipu, nanigot neu ne edi thua sopai nafnata fafara. Nu kate gnokro te ghamu naiknore vido gano teke fafara igre, mare ghamu nei koꞌu neu ne ghilei thaviru fara, ne funu eni tafri kolho puhi te diꞌa na.

Eksodas 35:21

Iheire fateo te thofno magnahagheni fara ka nagnafadi fateote'o te mala tusu lao keha glepo ka Lord, nei thofno magnahagheni fara te eni igne teuna, mare atha mei glepo igre mala tusu lao ka Lord. Mare atha mei glepo mala eni Suga Tapuale te Blahi te mala thafoni God, nei glepo mala tarai ke lamna gna Suga Tapuale te Blahi igne, nei mala edi nogna pohe pris.

Eksodas 35:29

Nalhaꞌu te gnafa nei gaꞌase te gnafadi Israel, iheire te magnahaghei toghoni gloku teke chekeni Lord ka Moses, mare atha ne mei glepo igre ne tusu lao kolho ka Lord.

Eksodas 35:5

Tahati gnafa mala fafara ka Lord. Ihei te magnahaghei fafara ka Lord, mana tangomana te tusu lao: “gol, silva, bras,

Eksodas 36:3

Moses ne tusu lao ka mare gobigna lepo teke famei naiknodi Israel ka mana mala eni Suga Tapuale te Blahi igne. Leuleghu hamerane na, iheire te magnahaghei fafara ka Lord igre, mare atha mei koba kmana glepo.

Eksodas 38:1

Mare ne eni kaisei olta mala gahu fafara ka thaba gaju akesia. Olta igne kaisei nanaba kolho, brahu gna nei krepa gna teuna thokeni phei gobi varadaki glima sentemita, eghuteuna haghe gna na thokeni kaisei gobi tolufulu glima sentemita.

Profet Isaia 1:11

Lord neke cheke eghu, “Iara theome magnahaghedi thua nafnata fafara te edi ghotilo ka iara igre. Iara hongo ghau ka sipu te gahu ghotilo te hata te mei ka iara igre, eghuteuna iara jaola tirogudi garofadi nomi sipu ghotilo te blokha are. Iara tirogudi fara dadaradi buluka nalhaꞌudi nei nanigot nei sipu eghu te falelehe ghotilo are.

Profet Esikiel 20:40

Iara Lord God cheke tutuani ka ghotilo: Iara ginauna hata fapulo ghami ghotilo ke kligna nogu thogele blahi Israel. Ka vido igne, naikno te gnafa Israel igre ginauna fafnakno ghau iara eghuteuna iara ginauna kelitagu fara ka mare. Eghuteuna ka vido tuana, ghotilo ginauna tangomana te tusu mei nomi namha re ka iara baludi nomi fafara blahi ghotilo re.

Profet Esikiel 40:39

Fati tevo au ka varanda rhegna grengatha igne. Phei tevo ka keha phile grengatha na, eghuteuna keha phei tevo ka keha phile grengatha na eghu. Ka tevo igre te mala aknu falehe buluka ba sipu mare te mala fafara na. Tuare fafara te krono fara re, eghuteuna fafara igre te mala doglo naikno na ka tathagna Lord, nei fafara mala poloru.

Levitikas 1:10

“Jame kaisei mae ka ghotilo magnahaghei fafara sipu ba nanigot te thofno krono, mana atha kaisei nalhaꞌu gna te theo kaisei thona ka thinigna na.

Levitikas 14:10

“Ka fahana narane na, mae igne mala atha mei phei sipu nalhaꞌudi ikodi balugna kaisei sipu gaꞌase gna ikoi te kaisei finogha, eghuteuna thilo glepo igre theo kaisei thona ka thinidi re. Eghuteuna mana mala atha mei fafara ka thilo kilo flaoa ka famane wit teke ngigno fodu mare ka oliv oel, eghuteuna mana jaola mala atha mei kaisei kapu oliv oel biꞌo.

Levitikas 16:7

Aonu mana mala hata mei phei nanigot igre ka iara Lord ke ulu grengatha gna Suga Tapuale te Blahi na.

Levitikas 17:8

“Jame kaisei naikno khulumono Israel, ba kaisei naikno phosa au balumi ghotilo, eni fafara te thofno krono ba eni keha fafara,

Levitikas 17:9

nu theome hata mei ka grengatha gna Suga Tapuale te Blahi na te theome fafara mei ka iara Lord na, ghotilo lisei fakosini ka naiknodi Israel.

Levitikas 23:12

Eghuteuna ka narane tuana, ghotilo mala hata kaisei sua sipu nalhaꞌugna te kaisei finogha gna eghuteuna theo kaisei glepo te diꞌa ka thini gna na. Ghotilo hata sipu igne mala eni fafara te thofno krono fara mala kilo fnakno ghau iara Lord.

Levitikas 23:18

Eghuteuna ghotilo mala kafe hata fitu sua sipu nalhaꞌudi te thokeni kaisei finogha, nei kaisei sua buluka nalhaꞌugna, nei phei sipu nalhaꞌudi, te theo kaisei thona ka thinidire. Glepo tautagu igre mala eni fafara te thofno krono fara mala kilo fnakno ghau iara Lord. Ghotilo mala eni fafara igne balu famane flaoa nei fafara mala tofa waen rhegna olta. Pris mala gahu fafara igre mala eni kaisei glepo blahi sirigna na Lord kelitagna.

Levitikas 3:1

Lord ne cheke eghu, “Jame kaisei mae ka ghotilo magnahaghei fafara mala au fakeli balugu iara, mana tangomana te atha kaisei nalhaꞌugna ba gaꞌase gna buluka te theo kaisei thona ka thinigna na, eghuteuna mana atha mei ke ulugu iara.

Levitikas 4:15

Eghuteuna hatimare mae lida gna namono na habo khamedi re ka phaꞌugna buluka igne, mala laseni te fafara igne nomi ghotilo gnafa, eghuteuna gnafa teuna mare aknu falehe buluka igne ke ulugu iara Lord.

Levitikas 4:23

Kate laseni mana nakhibogna na, mana atha mei kaisei nanigot nalhaꞌugna te theo kaisei thona ka thinigna na.

Levitikas 4:3

“Jame mae pris biꞌo na tapla jafra ka nakhibo. Naugna nakhibogna mana igne, ghotilo te gnafa na ginauna kafe jafra ka tathagu iara na. Eghume mana atha kaisei buluka nalhaꞌugna majaghani te theo kaisei thona ka thinigna na, te eghuna mana fafara mala doglo ka tathagu iara na.

Levitikas 4:32

“Jame kaisei mae huhughu ni vetula na eghuteuna mana mala atha nogna sipu gaꞌasegna te theo kaisei thona ka thinigna na mala fafara mala ke doglo ka tathagu iara na.

Levitikas 5:15

“Jame kaisei mae ka ghotilo theome ghathoni ne huhughuni vetula eigna nogu glepo blahi iara Lord, iagho atha mei kaisei sipu nalhaꞌugna te theo kaisei thona ka thinigna na, malagna fafara te mala poloru igne. Praes gna sipu igne fananaba ka unha teke eni mana na, eghuteuna mare mala fananaba ka praes gna sipu na ka silva koen teke skel mare ka nodi skel mae pris.

Levitikas 5:18

Kate laseni mana nogna najafra na, mana atha mei ka mae pris kaisei sipu nalhaꞌugna te theo kaisei thona ka thinigna na, eghuteuna praes gna sipu igne nabagna fafara mala poloru. Ka puhi igne, mae pris igne ginauna fafara mala atha koko nakhibo teke theome laseni teke eni mae igne. Eghuteuna iara ginauna atha koko nakhibogna mae igne.

Levitikas 6:8

Aonu Lord ne cheke eghu ka mae Moses,

Levitikas 7:16

“Jame kaisei mae ei fafara naugna mana neke eni kaisei nhaꞌa cheke, ba fafara te eni mana leghuni unha te magnahagheni mana na, mana tangomana te ghamu nafnahi gna fafara igne ka narane tuanala nei jaola ka keha narane na.

Levitikas 8:18

Ke leghu, mae Moses atha sipu nalhaꞌugna na ne eni fafara te thofno krono na, eghuteuna mae Eron baludi mae thugna re mei ne habo khamedi re ka phaꞌugna sipu igne.

Levitikas 9:2

Mana ne cheke eghu ka mae Eron, “Iagho atha mei kaisei buluka majaghani nalhaꞌugna nei kaisei sipu nalhaꞌugna te theo kaisei thona ka thinidi re. Buluka igne mala fafara mala doglo iagho ka tathagna Lord, eghuteuna sipu igne mala fafara mala thofno krono.

Profet Sekaraea 13:7

Lord mae ihei te au nolaghi fateote'o igne, mana ne cheke eghu, “Nogu naflahi mala magra iara! Iagho tarabana mala magra ka kheragu iara mae ihei te reireghi nogu sipu iara gre. Iagho faleheni mana, eghuteuna sipu igre ginauna tei tafri. Iara ginauna jaola magra ka nogu sipu ikodi iara gre.

Profet Malakai 1:14

Iara ginau tibridi iheire te nhaꞌa cheke chaichaghi ka iara igre. Naugna mare ne theome leghuni nhaꞌa cheke mala atha mei famane sipu mala fafara ka iara tekura, nu mare atha mei ka iara sipu te diꞌare. Iara mae king biꞌo, mae ihei te nolaghi fateoteꞌo, eghuteuna naikno te gnafa ka nauthoglu igne mala kilo fnakno ghau iara. Uve, igne nogna cheke Lord.”

Naba 15:3

ne magnahaghei edi fafara te blahi nga ghotilo jare nu, ghotilo tangomana te atha kaisei buluka, ba sipu nei nanigot. Ka glepo te tautagu igre ghotilo ginauna tangomana te eni fafara te knoro ia, ba fafara naugna ghotilo neke eni kaisei nhaꞌa cheke, ba fafara mala edi ghotilo unha te magnahaghedi ghotilo re, ba keha fafara te magnahaghei edi ghotilo ka nomi gaghamhu re.

Naba 15:8

“ ‘Eghuteuna ihei ne atha kaisei buluka mala eni fafara te gahu te knoro, ba mala gna nhaꞌa cheke na, ba mala fagaglana gna te au fakeli balugu iara na,

Naba 19:2

“Igne keha vetula teke chekeni Lord na: Cheke eghu ka naiknodi Israel, ghotilo mala atha mei kaisei buluka ukru te theo kaisei thuthubu ka thinigna na, nei te theome loku ghotilo tagna eghu.

Naba 23:19

God na theome jateula naikno te lase chaghi ra eghu. Mana theome jateula tahati te lase tughu gaoghatho ra eghu. Unha glepo te nhaꞌa chekedi mana re, mana ginauna edi. Eghuteuna unha te chekedi mana re, ginauna thoke mei tutuani.

Naba 23:27

Aonu mae Balak neke cheke eghu ka mae Balam, “Mei iagho, tapa nake age ka kaisei vido ngau. Glahu ke keli tagna God ke snakre nigho iagho mala togho ghau iara, mala ke tibridi iagho mare mala thoke hoholo.”

Naba 23:3

Aonu mae Balam ne cheke eghu ka mana, “Kate tei iara kosi na, iagho na au agne rhedi nou fafara igre, jau na Lord ginauna mei mala thafo ghau iara. Unha glepo te chekedi mana re, iara nake mei cheke ka iagho.” Aonu mae Balam ne tei thegna ke holo ka vido te theo gaju nei buburu teu tagna na.

Naba 23:30

Eghuteuna mae Balak ne edi unha teke chekedi mae Balam re, ne fafara kaisei buluka nei sipu neu ka fitu olta re.

Naba 28:11

Lord ne cheke eghu, “Ka narane ululahudi leghu nhigra re, ghotilo ginauna gahu fafara malagu iara. Ghotilo ginauna fafara phei buluka majaghani, kaisei sipu nalhaꞌugna nei fitu sipu nalhaꞌudi te kaisei finoghadi te theo thubu ka thinidire are eghu.

Naba 28:19

Ka narane tuana, ghotilo ginau gahu fafara te blahi tuare: Gahu phei buluka nalhaꞌudi te majaghani, kaisei sipu nalhaꞌugna, nei fitu sipu nalhaꞌudi te theo kaisei thutubu ka thinidire are.

Naba 28:31

Neubane edi ghotilo fafara igre leghu rane, ghotilo ginauna fafara fodu u fafara gna narane biꞌo na balugna fafara waen na. Eghuteuna ghotilo ginauna famane vahidi glepo te tautagure kate theo kaisei thona ba thubu teu ka thinidire.”

Naba 29:13

Uve, ghotilo ginauna fafara mei u fafara te blahi te siri keligna igne ka narane ululahu gna gaghamu na mala keli tagu iara. Igre glepo mala fafara te gahu ghotilo re: Nabotho thilo buluka nalhaꞌudi te majaghani, phei sipu nalhaꞌudi, eghuteuna nabotho fati sipu nalhaꞌudi te ikodi te kaisei finoghadi are. Eghuteuna thosei fafara glepo te tautagu te au thona ba thubu teu ka thinidire are eghu.

Naba 29:2

Eghuteuna ka narane biꞌo igne, ghotilo ginauna gahu fafara te siri kelidi are mala gleꞌa iara. Igre glepo te mala fafara ghotilo re: Kaisei buluka nalhaꞌugna te majaghani gna, kaisei sipu nalhaꞌugna, nei fitu sipu nalhaꞌudi te ikodi te kaisei finoghadi are eghu. Glepo tuare e theo kaisei thona ka thinidire.

Luku 1:35

Engel ne cheke eghu ka naꞌa, “Meri, mae Tharunga te Blahi na ginauna na soru mei ke kligna mu iagho. Eghuteuna nogna nolaghi biꞌo God na ginauna na au balumu iagho. Naugna igne u sua na ginauna na blahi eghuteuna naiknore ginauna na kiloi mana thofno Thugna God.

Jone 1:36

Mana filoni mae Jisas nolo te tei sala'u na ne cheke eghu ka phiamare, “Filoni mae tela ari ana! Mana ngala nogna sipu te mala fafara God na.”

Jone 10:7

Mae Jisas neke cheke eghu ka mare, “Tutuani fara te chekeni iara ka ghotilo na. Iara gne jateula ngau u grengatha eghu mala rumadi u sipure.

Jone 10:9

Iara gne jateula u grengatha eghu. Naikno te ruma mei ka iara na, mana ginauna tangomana te ludeni u vido te keli na. Eghuteuna mana ginauna tangomana nate ruma mei nei jifla teu kau nasnagla na. Eghuteuna mana ginauna ludedi u glepo te keli te malagna u nakarhagna na.

Fapea Korin 8:12

Te magnahaghei tufa ghotilo na, God ginauna gleale'a fara ka unha te tufa ghotilo na. Theome unha te theo ka ghotilo na.

Fapea Korin 9:7

Naikno te gnafare mala tufa unha te ghathoni ka nagnafagna thegna na. Mana theome tangomana te diꞌanagnafa kate tufa na. Mana theome tangomana te tufa naugna keha naiknoi te huhuruni mana na. Tutuani God namhani ihei te tufa balu gleale'a na.

Efesus 2:18

Eghume gognaro na tahati hui, mae Jiu ba mae te theome Jiu tangomana te mei ke ulugna God Kmada ka nogna nolaghi kaisei Tharunga te Blahi.

Efesus 5:27

Naugna kate hata mei Kraes khiloau na ka thegna na, mana magnahagheni khiloau na te famane keli fifilogna na mala theo kaisei najafra tagna, nu mala thofno doglo fara nei blahi eghu.

Diutronomi 12:27

Ka vido blahi igne kolho, ghotilo ginauna tangomana te hata te mei fafara te thofno krono na ke kligna gna nogna olta Lord nomi God. Eghuteuna keha nafnata fafara te edi ghotilo ra, ghotilo tangomana te ghamu nafnahigna na, nu dadaragna na, ghotilo tofa soru ke kligna olta.

Diutronomi 15:21

Nu jame kaisei buluka ba kaisei sipu ba dongki diꞌa ghahegna na, ba dofu tathagna na, ba au keha nafnata khabru tagna, ghotilo thosei fafara ka Lord, nomi God.

Diutronomi 17:1

“Jame kaisei buluka, ba sipu, ba nanigot au thubu ka thinigna na, ghotilo thosei fafara lao ka Lord nomi God, naugna nafnata fafara igne thofno diꞌa fara ka mana.”

Hibru 7:26

Eghume mae Jisas ngala nafnata mae pris biꞌo te magnahaghei tahati na. Mana mae blahi, mana kaisei mae doglo fara, nei mana theome eni kaisei puhi te diꞌa. Eghuteuna God neke hata fadeleini mana ka iheire te diꞌa nei hata hagheni mana kau nafnakno kligna.

Hibru 9:14

Nu dadaragna mae Kraes na au nolaghi biꞌo fara uluni igne te mala fagae ghita na. Mana neke atha thinigna thegna na mala eni kaisei fafara te klino tughu ghita ka nogna nolaghi mae Tharunga te Blahi te karha fabrahu. Naugna igne dadaragna mae Kraes na ne fagaedi nagnafadare mala theome eni tahati kaisei glepo te batu ghita kau glehe, nu tahati mala loku ranghini God mae te karha.