Levitikas 1:2 - Buka Blahi Ka Cheke Holo

² Eghuteuna Lord ne cheke ka mae Moses mala cheke mana ka naiknore. Mana ne cheke eghu, “Jame kaisei ka ghotilo magnahaghei fafara mala pogho soru ka iara, te keli na mana atha kaisei buluka ba kaisei nanigot ba kaisei nogna sipu.”

Levitikas 1:2 Iomraidhean Croise

Jenesis 4:3

Kaisei fata, mae Kein hata ne mei ka nagare na keha gano te mala fafara ne lilisei ke ulugna Lord.

Jenesis 4:5

Nu Lord ne theome ghatho tahuni nogna fafara mae Kein na. Mae Kein ne diꞌatagna ne ngingirini fara.

Ululahu Kronikols 16:29

Nanghagna Lord na thofno fnakno kligna lahu, eghume ghotilo cheke fakelini mana. Eghuteuna ghotilo hata mei nomi fafara re ka mana. Ghotilo cheke fakelini nanghagna te blahi.

Esra 3:5

Ke leghugna narane biꞌo igne, mare eni fafara te krono fara igne leuleghu hamerane grafi mala tufru soruni Lord. Eghuteuna mare fafara ka Gaghamu Khafa, nei ka keha nogna narane biꞌo Lord. Mare jaola edi fafara te mala tufru soruni Lord leghuni unha te magnahagheni mare na.

Eksodas 20:24

“Ghotilo atha keha glose mala hohoro nogu olta iara. Eghuteuna ka olta igne ghotilo mala fafara sipu, nanigot nei buluka eghu ka vido aheva teke vahini iara ranghi ghami ghotilo te mala pogho soru ranghi ghau na. Jame te eni ghotilo igne ka vido aheva teke vahini iara te mala pogho soru ranghi ghau na, iara ginau na soru mei mala fablahi ghami ghotilo.

Naba 15:3

ne magnahaghei edi fafara te blahi nga ghotilo jare nu, ghotilo tangomana te atha kaisei buluka, ba sipu nei nanigot. Ka glepo te tautagu igre ghotilo ginauna tangomana te eni fafara te knoro ia, ba fafara naugna ghotilo neke eni kaisei nhaꞌa cheke, ba fafara mala edi ghotilo unha te magnahaghedi ghotilo re, ba keha fafara te magnahaghei edi ghotilo ka nomi gaghamhu re.

Naba 5:15

Ne thoke mei nga nafnata puhi tugre nu, mana ginauna tathaleini tei khetogna na ka mae pris mala fadoglini puhi tuana eghu. Eghuteuna atha kaisei kilo flaoa te eni mare ka bali re mala fafara mei ka iara jateula te chekedi ka vetula ra eghu. Nu thosei tofa lao oliv oel ka flaoa te mala eni bret na, eghuteuna thosei lisei lao insens tagna. Naugna flaoa tuana mala fafara eigna te goghotu mana na, nei mala hironi te tutuani ba theome tuani ghu eigna puhi tuana.

Nonomho Te Keli Teke Risoi Mae Mak 7:11

Nu ghotilo cheke eghu agne, “Jame kaisei naikno cheke eghu ka idogna ghe kmagnare, ‘Glepo naba te mala togho ghami ghopa na iara ginauna na theome tusu ari ka ghopa. Nu iara na tusu ranghini God.’

Letas Teke Riso Tei Mae Pol Ka Khiloau Rom 12:1

Eghume kheraguro, naugna God ne kokhoni ghami fara, iara tore ghami te mala lisa lao nakarhami are jateula kaisei fafara eghu ka God. Kaisei fafara te karha nei blahi te kelitagnani God. Igne thofno puhi te mala tufru soruni God ghotilo na.

Letas Teke Riso Tei Mae Pol Ka Khiloau Rom 12:6

Tahati te gnafa na God neke tusu ranghi ghita soasopai khokofakasai, eghume tahati mala loku ka soasopagna khokofakasai teke tusu ranghi ghita God igre. Jame te hata tahati u khokofakasai te mala toutonuni chekegna God jateu mae profet teuna, tahati toutonuni chekegna God na leghuni noda fatutuani na, neubane biꞌo ba ne ikoi kolho.

Efesus 5:2

Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.