Lamentations 4:3 - Buka Blahi Ka Cheke Holo

³ Neuba idogna khuma mata na famane fachuꞌuni thugna na. Nu nogu naikno iara gre gognarona theome fanomho jateula nanghaji biꞌo te tirogna reireghidi thugna ra eghu.

Lamentations 4:3 Iomraidhean Croise

Ululahu Kings 3:21

Kate dofra haghe iara ka hamerane igne te mala fachuchuꞌu thugu na, iara ne filoni sua igne la lehehi! Nu kate filo fakeli iara ka sua igne na, sua igne theome thugu iara.”

Profet Isaia 13:22

Nogna suga biꞌo mae king, balu nodi suga mae funei biꞌo igre, khuma mata ginauna mei thuru nei iu fabiꞌo eghu ke lamnadi. Uve, narane te mala groꞌe namono biꞌo Babilonia igne la namo meihi!”

Profet Isaia 34:13

Phono nei gnarho fachuchuru eghu kolho nate kotu ke lamnagna nogna suga king na nei ke lamnagna suga mala poru na. Khuma mata nei nakrudu eghu kolho nate mei au ke lamnagna namono biꞌo igne.

Profet Isaia 49:15

Aonu, Lord ne cheke eghu, “Ba, gaꞌase na tangomana te ghatho ihoni thugna te chuꞌu teuna? Ba, naꞌa tangomana te tirognani thugna teke karha ka thegna na? Thono theo fara! Nu iara jateula kaisei gaꞌase te theome ghatho ihoni thugna na ia eghu theome tangomana te ghatho iho ghami ghotilo na.

Profet Jeremaea 19:9

Kate mei mae naokare te kegra faligohoni namono na te magnahaghei aknu falehedi naiknore, iheire te au ke lamnagna namono igne ginauna theo gano rofo. Aonu mare ginauna rofo fara na ghilei ghamu thudi nalhaꞌu, thudi gaꞌase nei kheradi teure.’

Lamentations 2:20

“Lord! Filo mei sagho ka iara, mala ghatho ghau iara: Iagho neke parani kaisei naikno jateula igne neku tifa na? Neubane gaꞌase te namhadi fara thudi re, rehati ghamu thinidi thudi te lehe re! Nou mae pris nei profet teu iagho igre, mae naoka igre aknu falehedi ke lamna nou Sugablahi iagho!

Lamentations 4:10

Tifa na, idodi suare reireghi fakelidi thudire. Nu kate goigonidi God nogu naikno iara igre na, idodi re aknu falehe sua igre mala gahu ghamu.

Profet Esikiel 5:10

Ghotilo ginauna thafodi narane te thono ninhigrana fara ka grofo. Eghuteuna ka narane tuare kmadire ginauna ghamu thudire eghuteuna thudire ginauna jaola ghamu kmadire eghu. Uve, iara ginauna para ghami ghotilo, eghuteuna khi fajifladi iheire ka ghotilo te karha nga teu are mala tei au tafri ka keha kantri delei, jateula khakla teke kuchi koko ra te flalo te tei tafri ka nuri ra eghu.

Levitikas 26:29

Ghotilo ginauna thono rofo fara salaꞌudi tifa ra, ghilei ghamu ghotilo thumi themi are.

Letas Teke Riso Tei Mae Pol Ka Khiloau Rom 1:31

Mare theome ghaoghatho fakeli, eghuteuna mare lase chaichaghi fara, theome kokhonidi keha naiknore.