Lamentations 2:3 - Buka Blahi Ka Cheke Holo

³ Mana thono diꞌatagna fara, aonu mana hata fadelei nogna nolaghi na ka mae Israel mala glaꞌe fara mare. Kate mei mae naokare, mana tirogna toghodi naiknodi Israel. Diꞌatagna mana igne jateula khaꞌaghi te nhako te hui nodi gobigna lepo vikegna mae Jekop ra eghu.

Lamentations 2:3 Iomraidhean Croise

Fapea Kronikols 34:25

Naugna naiknore ne tirodi ghau iara ne gahu insens ka keha god delei, eghuteuna puhidi mare igre te thono diꞌatagudi fara iara re. Eghume iara ginauna na fakakhana diꞌatagu na ka mare, eghuteuna diꞌatagu iara igne theome tangomana te gnafa na.’ ”

Thoutonu Eigna Mae Job 16:15

“Iara diꞌanagnafagu fara eghume iara pipichi ka pohe thona, eghuteuna iara gnokro pari lamna nakrofu balu tanhi fagaglanagna nogu diꞌanagnafa na.

Nodi Khoje Hatimare Mae Jiu 132:17

“Iara ginauna vahini kaisei mae ka mae iheire nate karha mei ke leghugna King Devet mala kaisei mae king biꞌo.

Nodi Khoje Hatimare Mae Jiu 74:11

Iara tore nigho iagho mala goigonidi nou mae naoka gre!

Nodi Khoje Hatimare Mae Jiu 75:10

Mana ginauna roꞌe soru nodi nolaghi naikno te diꞌare, nu mana ginauna tusu lao nolaghi ka naikno te doglore.

Nodi Khoje Hatimare Mae Jiu 75:5

nei iara cheke fadoglo lao ka mare mala thosei cheke fabiꞌobiꞌo.”

Nodi Khoje Hatimare Mae Jiu 79:5

Lord God, ba? Iagho na diꞌatamu fabrahu ka ghehati? Ba? Na brana fabrahu diꞌatamu na ka ghehati jateula khaꞌaghi eghu?

Nodi Khoje Hatimare Mae Jiu 89:24

Nu iara ginauna namhani fara mana, nei mala kaisei phile balugna mana eghu fabrahu. Eghuteuna iara ginauna mala toghoni mana fabrahu mala nheta mana kau magra na.

Nodi Khoje Hatimare Mae Jiu 89:46

Lord God, iagho ginauna na poru nou fabrahu ngala sia? Ba? Na niha fata thunu fabrahu jateula khaꞌaghi eghu si diꞌatamu iagho na ka iara?

Profet Isaia 1:31

Nomi mae nheta ghotilo are ginauna glaꞌe soru jateula khakla gaju te moja ra eghu, eghuteuna nodi glokure ginauna na jateula khakla gaju te koko lao ka nasnire khaꞌaghi ra eghu. Mae nheta igre ginauna gnhubra ka khaꞌaghi baludi nodi gobigna lepore, eghuteuna theo kaisei naikno nate tangomana te faleheni khaꞌaghi igne na.”

Profet Isaia 42:25

Mana thono diꞌatagna fara ka tahati. Naugna igne te para ghita fara mana na, nei para ghita kate magra na. Diꞌatagna mana ka tahati igne thono biꞌo fara jateula kaisei khaꞌaghi biꞌo te gnhubra fahui namono te gnafa agne Israel igre eghu. Nu neuba ngau, tahati theome hata gaoghatho ka igre mala ke tughu puhidare.

Profet Jeremaea 21:14

Iara thegu nate para ghami ghotilo eidi glepo diꞌa te edi fabrahu ghotilo igre. Iara ginauna nako nogna suga biꞌo mae king nei gobigna lepo te gnafa ke lamnagna namono biꞌo Jerusalem.’ ” Igne chekegna Lord.

Profet Jeremaea 48:25

Moab theo nogna nolaghi, eghuteuna nogna nanheta na la gnafahi gognarona.” Igne cheke gna Lord.

Profet Jeremaea 7:20

Aonu Lord God ne cheke eghu, “Diꞌatagu iara na ginauna soru mei jateula khaꞌaghi te theome tangomana kaisei naikno te faleheni ra eghu ke kligna gna kantri igne, nei naikno, nei glepo te tautagu, nei gaju, nei gano ka nagare.

Lamentations 1:13

“Mana kuru soru khaꞌaghi funu kligna ne gnhubra glamnagu iara na. Mana ne lilisei kaisei phighoro malagu iara, mala uka iara. Mana tei koko ghau iara, mala glaꞌe soru iara.

Lamentations 4:11

Lord ne thono diꞌatagna fara, eghuteuna diꞌatagna mana igne jateula khaꞌaghi biꞌo te tofa soru te gnhubra Jerusalem ra neu ne ghilei glose kolho te au na.

Profet Esikiel 13:13

“Eghume igne te chekeni Lord na: Naugna iara neke thono diꞌatagu fara, eghuteuna iara ginauna kuru mei nuri rheta, nakhete biꞌo, nei thina aes

Profet Esikiel 7:14

“ ‘Mare kufli, mala kaikaliti tei ka magra. Nu theo kaisei naikno kolho nate tei ka magra na, naugna iara diꞌatagu fara ka mare eghuteuna iara ginauna paradi mare hui.

Profet Nahum 1:6

Eghume, ihei gne te nabagna nate kegra heta kate diꞌatagna mana na? Theo kaisei te nabagna! Kate diꞌatagna na, phei tathagna manare ginauna ukru jateula khaꞌaghi eghu, eghuteuna thina biꞌore ginauna nghuja vuhai nakrofu kolho.

Profet Malakai 4:1

Lord ne cheke eghu, “Nogu narane iara te mala fatedi naiknore ginauna mei jateula khaꞌaghi eghu. Naikno te cheke fahaehaghe, nei naikno te diꞌa puhidire teu igre ginauna jateula gaju te gnagha te brusu khaklagnare ra eghu. Eghuteuna ka narane tuana naikno igre ginauna nhako fahui ka khaꞌaghi.

Luku 1:69

God ginauna kuru meini kaisei mae te au nolaghi biꞌo ka tahati, mae igne kaisei mae vikegna King Devet nogna mae gloku.

Luku 3:17

Mana ginauna fatedi naikno te gnafare. Tutuani, mana ginauna vavahi iheire te doglore ka iheire te theome doglore. Jateula mae ihei te fota gano te keli ka gano te diꞌara eghu. Te kelire mala lilisei ka nogna suga na. Te diꞌare mala koko lao ka khaꞌaghi te karha fabrahu na.”

Diutronomi 32:22

Diꞌatagu iara na brana jateula khaꞌaghi biꞌo te ghamu fateo gobigna lepo ka nauthoglu igne te ghilei soru pari ka namonodi naikno te lehe ra eghu. Ghemi nagare te gnafa ghotilo are ginauna nhako, eghuteuna ginauna jaola nhako ke paridi thogele are.