Lamentations 1:3 - Buka Blahi Ka Cheke Holo

³ Mae naoka mei goigoni naiknodi Juda, eghuteuna hata fajifladi ka nodi namono na. Gognarona mare tei au ka keha kantri delei, aheva mare te theome tangomana te kiloi namono. Mae naoka lokidi mare, mala theome tangomana mare te rikha na.

Lamentations 1:3 Iomraidhean Croise

Fapea Kings 25:11

Eghuteuna mae Nebusaradan ne hata naikno teke au faleghu teku ka namono igne, nei iheire teke rikha mala tei loku fodu baludi maedi Babilonia ke kosi, aonu mana kafe hata naikno igre ne tei au Babilonia.

Fapea Kings 25:4

Aonu hatimare mae soldia di Babilonia igre ne paꞌe gringni gna namono na ne ruma lamna. Neuba mae soldia gre ne kegra ligohoni neu namono na, King Sedekaea baludi nogna soldiare ne fariuriu rikha bongiro ne jifla farihoteidi phei gringni thina ke leghugna nogna nagare king na rikha ne tei ka glogu rhegna Khoꞌu biꞌo Jordan.

Fapea Kings 25:5

Nu hatimare mae soldia di Babilonia igre ngolho ne tei lokini King Sedekaea rhegna namono Jeriko, nu nogna soldia mana teke rikha balugna mana igre ne tei kokoni mana.

Profet Jeremaea 13:19

Mare la bobothohi grengathadi namono biꞌo ka nohi Negev ke mata Juda, eghuteuna theo kaisei naikno na teke tora na. Naugna mae naokare la mei athahi naiknodi Juda ra mala tei sosolo ka keha kantri delei.

Profet Jeremaea 16:16

Lord ne cheke eghu, “Iara ginauna kurudi mae naoka mala mei agne Juda, eghuteuna mare ginauna mei korho ghami ghotilo, jateula te korho sasa ra eghu. Eghuteuna ke leghugna igne, iara ginauna nake kurudi keha mae naokai mala mei hiro ghami ghotilo jateula mae te hiro gano tafri ka thogele, nei gukhu, nei khora thina teu ra eghu.

Profet Jeremaea 24:9

Iara ginauna na neneidi fara mare, eghuteuna naiknodi keha kantri ka nauthoglu igne ginauna rhana nodi fara ka mare. Iara ginauna khi tafridi, eghuteuna aheva te au mare na, naikno te au ka vido tuana ginauna maꞌedi, cheke fadiꞌadi nei tibridi eghu mala thoke mei puhi biꞌo ka mare.

Profet Jeremaea 39:9

Komanda Nebusaradan atha naikno teke au faleghu teku ka namono na baludi naikno teke snakre laodi thedi ka khamedi mae soldia re eghu atha ne tei Babilonia.

Profet Jeremaea 52:15

Eghuteuna Komanda Nebusaradan ne atha keha naikno te kuma, iheire teke au faleghu teku Jerusalem igre, iheire te lase edi glepo te keli, nei iheire te lisa laodi thedi ka king gna Babilonia.

Profet Jeremaea 52:8

Nu mae soldia di Babilonia igre ngolho leghudi ne tei thokeni King Sedekaea ka glogu rhegna namono Jeriko, nu nogna soldia mae king igre ne rikha kokoni mana.

Lamentations 2:9

Grengatha te gnafa ka namono biꞌo na ne khoko pari ne thafru ka glose, eghuteuna loki re ne klopa. King baludi nogna mae funei re, naoka hata tei au ka keha kantri delei, eghuteuna theo kaisei naikno teke farirhiudi naiknore nogna vetula God na. Eghuteuna Lord theome fakakhana mifi ka hatimare mae profet.

Lamentations 4:15

Naiknore ne eha eghu fabiꞌo ka mare, “Tei nomi delei! Ghotilo thosei habo ghami ghehati! Ghotilo theome gae ka tathagna God na!” Eghuteuna kate rikha tafri mare na, naiknodi keha kantri igre ne cheke eghu ka mare, “Mare theome tangomana te au balumi ghehati agne na!”

Lamentations 5:5

Mae naoka gre para ghami ghehati, eghuteuna ghehati theome gnafa ka gloku na babaꞌo fara.

Profet Esikiel 5:12

Iara ginauna fofota ghami ghotilo ka thilo tothoghei. Tothoghei ulu lahu na mare ginauna lehe ka grofo ba fogra ke lamna namono. Fapea tothoghei ka ghotilo na, mae naokare ginauna aknu falehedi mare ka magra ke kosi namono. Eghuteuna fatilo tothoghei na, iara ginauna khidi tafri kolho ka keha kantri are, eghuteuna iara ginauna snakredi mae naoka re mala ngholhi tafridi balu naflahi.

Diutronomi 28:48

ghotilo ginauna rofo, nei roi koꞌu, nei soesole nei kmoꞌe ka gobigna lepo fateote'o. Glepo igre ginauna thoke ghami ghotilo naugna ghotilo ginauna na loku ranghidi nomi naoka ghotilo teke kuru mei Lord ka ghotilo are. Mare ginauna thofno para ghami fara ghotilo ka gloku biꞌo te ninhigrana fara ghilei ghotilo te gnafa na kafe lehe hui.