Kolose 4:10 - Buka Blahi Ka Cheke Holo

¹⁰ Mae Aristakas te au balugu iara ka suga sosolo gne kubae ghami ghotilo. Eghuteuna mae Mak, nebugna mae Banabas, jaola kubae ghami ghotilo. Jame te ari posa mae Mak na, ghotilo reireghi fakelini mana ka sugamire, jateula teke chekenihi iara ka ghotilo ia eghu.

Kolose 4:10 Iomraidhean Croise

Mae Khuru 12:12

Kate laseni igne, mana ne tei ka sugagna Meri na. Meri gne idogna mae Jone Mak. Kmana naikno khapru ne tarai neu jare.

Mae Khuru 12:25

Kate gnafa mae Banabas ghe mae Sol nodi gloku na jare Jerusalem na, phiamare neke pulo Antiok. Eghuteuna ka vido tuana phiamare ne hata baludi mae Jone Mak.

Mae Khuru 13:13

Mae Pol nei iheire eghu te tei balugna re ne saghe ka vaka funu Pafos ne tei longa Pega, kaisei namono ka Provins Pamfilia. Nu mae Jone Mak ne jifla kokodi mare neke pulo Jerusalem.

Mae Khuru 13:5

Kate tei thoke mare ka namono Salamis ka moumolu Saeprus, phiamare ruma ne toutonuni u Nonomho te Keli nogna God na ka nodi suga tharai mae Jiure. Eghuteuna ka vido tuana mae Jone Mak ne tei baludi phiamare mala toghodi ka gloku na.

Mae Khuru 19:29

Aonu magra tuana ghosei ne tei posa ka namono biꞌo na. Aonu naiknore lokidi mae Gaeasi ghe mae Aristakas, phei maedi ka Provins Masidonia teke tei tei balugna mae Pol. Mare ghosei ne korho ne tei ka vido te mala khapru na.

Mae Khuru 20:4

Keha mae teke tei balugna mae Pol re igre: Sopata mae gna Berea, thugna mae Piras; mae Aristakas ghe mae Sekadas phei maedi Tesalonika; mae Gaeasi mae gna Debi; Tikikas ghe mae Trofimas phei maedi Esia; nei mae Timoti.

Mae Khuru 27:2

Ghehati saghe ka vaka teke mei funu ka namono Adramitiam te tarabana mala chara leghu namono te tei ka grathagna Provins Esia. Mae Aristakas, kaisei mae khiloau gna namono Tesalonika jare ka Provins Masidonia ne tei balumi ghehati.

Mae Khuru 4:36

Jare kaisei mae khiloau ka vikegna mae Livae, nanghagna na mae Josep, mana neke karha ka moumolu te kiloi Saeprus. Mae khurure kiloni mana, mae Banabas, u gaoghathogna na, mae mala blakno eghu. Mana fofoli nogna vido glose na. Kate hata sileni na, mana leghuni puhi te mala tufa na ne tusu ranghidi hatimare mae khuru.

Letas Teke Riso Tei Mae Pol Ka Khiloau Rom 16:2

Iara tore ghami ghotilo te mala toghoni naꞌa ka puhigna khiloau. Eghuteuna jame te kmo'e naꞌa ka unha glepo na, ghotilo mala toghoni naꞌa, naugna naꞌa la toghodihi kmana naikno nei jaola togho ghau iara.

Letas Teke Riso Tei Mae Pol Ka Khiloau Rom 16:7

Eghuteuna ghotilo kubaedi mae Adronika ghe mae Junia, eigna phiamare mae Jiu, jateula iara eghu, eghuteuna phiamare neke au balugu iara ka suga sosolo. Hatimare mae khuru filo faꞌuludi phiamare ke lamnadi mae khuru, eghuteuna phiamare neke kulu fatutuani ni Kraes ke ulugu iara.

Fapea Timoti 4:11

Mae Luku ngala au teu balugu iara agne na naugna mae Tikikas na la kuru teinihi iara ka namono Efesus. Kate mei agne na, iara magnahaghe nigho te hata te mei balumu mae Mak, naugna mana tangomana te togho ghau iara ka nogu gloku blahi iara agne na.

Filimon 1:23

Mae Epafra te sosolo balugu iara malagna mae Jisas Kraes igne, kubae nigho iagho.

Filimon 1:24

Eghuteuna jaola mae Mak, mae Aristakas, mae Dimas, nei mae Luku mae te loku balugu iara igre kubae nigho iagho.

Ululahu Pita 5:13

Naikno khiloau te au ka namono Babilon gre mare kubae ghami ghotilo. God neke vahidi mare jateula mana teke vahi ghami ghotilo ia eghu. Eghuteuna mae kheragu majaghani iara mae Mak gne jaola kubae ghami ghotilo.