Kolose 3:4 - Buka Blahi Ka Cheke Holo

⁴ Thofno nakarhada na jifla mei ka mae Kraes. Eghuteuna kate ke pulo meigna na, mana ginauna hata ghami ghotilo mala au balugna kligna, eghuteuna mana na fafnakno ghami ghotilo jare.

Kolose 3:4 Iomraidhean Croise

Nodi Khoje Hatimare Mae Jiu 17:15

Nu iara gne neke theome eni kaisei najafra, eghume iara gne ginauna na thofno ari filo nigho. Kate dofra haghe te filo nigho na, iara ginauna na thofno glealeꞌa fara.

Nodi Khoje Hatimare Mae Jiu 73:24

Iagho farirhiu ghau iara fabrahu mala leghudi iara puhimu iagho re, eghuteuna ke leghu na, iagho ginauna ghatho tahu ghau iara nei hata ghau iara mala au balumu.

Matiu 13:43

Aonu naikno te kelire ginauna siasigla jateula naprai eghu kate au mare ke lamnagna nogna nauthoglu majaghani Kmadi God. Uve, ghotilo naikno te fanomho ka iara igre, hiro fakeli gaoghathodi cheke igre.”

Luku 17:30

“Eghume, ginauna na jateula igne eghu kate filo glani ghau iara naiknore ka narane nate thakle meigu iara na.

Jone 11:25

Mae Jisas ne cheke eghu ka naꞌa, “Uve, kaisei iara ngala te tusu lao u karha ka naikno te lehe na mala teke karha fapulo na. Nu ihei te fatutuani ghau iara na, neubane lehe mana ginauna karha fabrahu.

Jone 14:3

Ke leghugna te tei iara te tarabana choghomi ghotilo na, iara nake pulo mei. Aonu iara ginauna hata ghami ghotilo mala au balugu ka vido aheva nate au iara na.

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Jone 17:24

“Mama, iara magnahaghedi naikno teke tusu mei iagho ka iara igre mala au balugu iara ka namono aheva te au iara na, mala filoni mare nogu nolaghi biꞌo iara na. Nolaghi biꞌo teke famei iagho ka iara ia naugna iagho neke kulu namha ghau iara neke vuvuha nga nauthoglu igne.

Jone 20:31

Eghuteuna, glepo igre iara neke riso soru mala iu'ijudi ghotilo nu fatutuani ni mae Jisas gne mae Kraes, Thugna God. Te fatutuani ni mana ghotilo na, ghotilo ginauna tangomana te athani thofno nakarha na ka nanghagna mana.

Mae Khuru 3:15

Eghume, ghotilo neke faleheni mae ihei te mala tusu ranghi ghita u thofno karha na. Nu God neke fakarha fapuloni mana kau glehe eghuteuna ghepa ngala teke thofno filo tathami igne.

Letas Teke Riso Tei Mae Pol Ka Khiloau Rom 8:18

Iara thofno laseni igne, kate ghatho laoni tahati u nakarha te ulu tulao nate tusu mei God ka tahati igne, glepo te para ghita gognaro igre theo nafudi kolho.

Letas Teke Riso Tei Mae Pol Ka Khiloau Rom 8:19

Gobigna lepo teke vuavuha God igre ofou kolho mala thokeni narane nate falalase God iheire te thofno thugna mana re.

Ululahu Korin 1:7

Eghume God neke tusu ari ka ghotilo nogna khokofakasai te gnafa Tharunga te Blahi kate ofoni teu ghotilo narane mala ke pulo meigna noda Lord Jisas Kraes. Eghuteuna Kraes ginauna jaola togho ghami ghotilo mala heta nei doglo eghu ke ulugna God ghilei thoke mei narane tuana.

Ululahu Korin 15:43

Thini te giugilui tahati na diꞌa fara filogna na, nu thini te karha fapulo na famane fara filogna na. Thini te giugilui tahati na glaꞌe fara, nu thini te karha fapulo na nheta fara.

Fapea Korin 4:17

Ghehati au papara katha vido te kmoꞌei kolho gognaro na, nu hoholo igne mala togho ghami mala hatani u nakarha te keli te theo ka huigna na ka God kligna! Nakarha igne ke uluni hoholo tuana.

Galesia 2:20

Faꞌunha? Eigna iara jateula tela lehehi eghu balugna mae Kraes ke kligna gaju fafatha. Neubane eghu ngau, iara karhau ngala naugna mae Kraes te au ke lamnagu iara. Iara fatutuani ni mae ihei teke namha ghau iara nei lehe tughu ghau iara.

Filipae 3:21

Eghuteuna mana ginauna tughu thinida tahati te diꞌa gre mala jateula thinigna thegna te au kligna na eghu. Mana tangomana te eni igne naugna mana au nolaghi te biꞌo. Eghuteuna ka nolaghi te biꞌo tuana mana ginauna funei frunidi gobigna lepo te au ka nauthoglu igne.

Ululahu Tesalonika 4:17

Ke leghugna igne, tahati karha au teu ka nauthoglu igne God ginauna salo fodu haghe ghita baludi mare ke lamna grokho mala thafoni Lord ka maloa. Eghuteuna tahati ginauna au balugna Lord tifa tifa.

Ululahu Timoti 6:14

Naugna glepo teke chekedi God mala edi iagho teku ra, iagho famane leghudi ka puhi te doglo ghilei thokeni narane mala ke pulo meigna noda Lord Jisas Kraes.

Fapea Timoti 1:1

Iara mae Pol, nogna khuru mae Jisas Kraes. God neke kuru ghau iara mala toutonu eigna u karha fei tifa teke nhaꞌa cheke mana ranghidi naikno te gnafa te fatutuani ni mae Jisas Kraes.

Fapea Timoti 4:8

Eghuteuna gognaro na u taba te mala uluni iara na la kulu auhi. Uve, ka narane leghu lahu na Lord mae ihei te tangomana te mala fatedi naiknore ka puhi te doglo na, mana ginauna cheke eghu ka iara, “Iagho kaisei mae te doglo ke ulugu iara. Igne nou taba iagho na.” Eghuteuna mana ginauna na theome eni igne ka iara kolho, nu jaola ranghidi naikno te gnafa te ofoni teu ke pulo meigna mana na.

Hibru 9:28

Eghume, mae Kraes jaola neke fafarani thegna kaisei fata ngala, mala tangomana mana te koko fahui nakhibodi naikno te kmanare. Mana ginauna nake pulo mei ka nauthoglu igne fapea fata. Kau narane tuana mana ginauna na theome mei mala atha koko nakhibo, nu mana mei ka nauthoglu igne mala fakarhadi iheire te ofoni teu mana.

Ululahu Pita 1:13

Eghume gognaro na ghotilo tarabana fabrahu nagnafamire mala leghuni Lord nei filo fakeli eghu. Eghuteuna farerheta gaoghathomire ka glepo te keli God nate tusu ranghi ghami ka narane ke pulo meigna mae Jisas Kraes.

Ululahu Pita 5:4

Eghuteuna kate thakle mei Kraes na, mae pha'ugna greireghi sipu na, mana ginauna na tusu ranghi ghami ghotilo taba biꞌo te siasigla fabrahu tifa te tifa.

Ululahu Jone 2:28

Uve thuguro, au fabrahu balugna mana. Te eni tahati igne na, tahati theome tangomana te mhaghu ka narane nate pulo mei mae Kraes. Tahati ginauna theome tangomana te poru ba mamaja kate mei mana na.

Ululahu Jone 3:2

Uve kheraguro, gognaro na tahati goro thugna God, nu tahati theome laseni jateula unha teu thogheiro na. Nu tahati laseni kate thakle mei mae Kraes na, tahati ginauna na jateula mana. Naugna tahati ginauna na thofno filoni mana.

Ululahu Jone 5:12

Eghume ihei te hatini Thugna God na hatini thofno karha na. Nu ihei te theome hatini Thugna God na theome hatini thofno karha na.

Letas Teke Rioriso Mae Jud 1:24

Uve, kaisei God ngala tangomana te reireghi ghami te mala leghuni fabrahu mae Kraes. Kaisei mana ngala tangomana hata ghami te tei ka nogna famane namono kligna na. Jare ghotilo ginauna na au gleale'a fara, naugna jare na ghotilo na theo kaisei glepo te jafra ke ulugna God.

Thakle 2:7

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghu ghau fabrahu te ghilei lehe na, iara ginauna snakredi mala ghamu sisigna gaju te tusu mei karha te kotu kau nagare te khuakhuda te au tagna God na.”

Thakle 22:1

Mae engel na ne falalase ka iara u khoꞌu te tusu mei karha na. Kho'u igne siasigla jateula thiro eghu nei fura mei ka nogna sape nafnakno God na nei nogna Lam

Thakle 22:14

“Naiknore te theo nakhibodi naugna Lam na neke thofa dadaragna na neke lehe, mare keli tadi tutuani fara. Naugna mare nabadi te ima sisigna gaju te tusu mei karha fei tifa na, eghuteuna mare naba dila te ruma ke lamnagna grengathagna namono biꞌo na mala au balugna God.