Kolose 3:16 - Buka Blahi Ka Cheke Holo

¹⁶ Snakreni chekegna mae Kraes na mala bruara fabrahu ke lamnami ghotilo u glalase te mala farirhiu nei farerheta eghu fari themi. Eghuteuna te keli na, ghotilo kilo fnaknoni God ka nagnafamire kate koje tharai ka Sam, himu, nei keha khoje te tusu ranghi ghami mae Tharunga te Blahi na.

Kolose 3:16 Iomraidhean Croise

Nodi Khoje Hatimare Mae Jiu 119:11

Iara gaoghathodi fabrahu nou cheke iagho te tutuani fara ra, mala theome eni iara kaisei najafra ranghi nigho iara.

Efesus 5:19

Eghuteuna kate khapru te koje na, ghotilo mala koje ka Sam nei ka himu nei keha khoje te tusu mei mae Tharunga te Blahi na. Ghotilo koje nei kilo fnaknoni Lord ka nagnafamire.

Jone 15:7

Jame te au fabrahu ghotilo balugu iara eghuteuna chekegu iara re au fabrahu ka ghotilo teuna, ghotilo ginauna tangomana te toreni unha te magnahagheni ghotilo na, eghuteuna God ginauna tusu ari ka ghotilo.

Letas Teke Riso Tei Mae Pol Ka Khiloau Rom 10:17

Eghume te laseni tahati na, naiknore tangomana te fatutuani ni mae Jisas kate nomhi u Nonomho te Keli na, eghuteuna mare tangomana te nomhi Nonomho te Keli na kate toutonu ihei eigna Kraes na.

Ululahu Jone 2:24

Hati nhetami na leghuni fabrahu farirhiu teke nomhini ghotilo tifa ia. Jame leghuni fabrahu ghotilo farirhiu tuana, ghotilo ginauna na au baludi Thugna ghe Mama.

Profet Jeremaea 15:16

Lord God, iagho mae ihei te au nolaghi fateote'o, iara nou iagho kolho. Kate cheke iagho ka iara na, iara na atha chekemu iagho igne jateula ghegu gano keli eghu. Eghuteuna leuleghu fata na, chekemu iagho igne faglealeꞌa ghau iara fara.

Efesus 1:17

Eghuteuna iara toreni God koba, Kmagna noda Lord Jisas Kraes, mala tusu ranghi ghami nogna Tharunga te Blahi na mala tangomana ghotilo te filo glani puhigna God na, nei thofno laseni mana.

Thoutonu Eigna Mae Job 23:12

Leuleghu fata na, iara leghudi nogna cheke God te rheta tulao. Uve, iara thofno tajidi nogna cheke mana re ka nagnafagu na.

Jemes 3:17

Nu glepo ulu lahu na, mae ihei te au nogna gaoghatho te keli teke tusu ranghini God na, mana theome tangomana te eni kaisei glepo te diꞌa na. Mana ginauna na au gleale'a baludi kheragna fofodure. Mana au kmu kolho. Nu mana leghuni u puhi farirhiu te keli na. Jaola mana magnahaghei te toghodi naikno te magnahaghei thotoghore. Eghuteuna mana theome vahini naikno te dedei ba naikno te kuma na, nei mana theome chaghini nakarhagna na.

Fapea Jone 1:2

Uve kheraguro, ghehati namha ghami ghotilo naugna u Nonomho te Keli eigna mae Jisas Kraes te au fabrahu ka nagnafadare.

Fapea Timoti 3:15

Jaola, vuha suamu te mei na, iagho lasedihi u grioriso te blahi igre. Eghuteuna farirhiu igre tangomana te tusu ranghi nigho gaoghatho te keli nei batu nigho kau nakarha te keli naugna iagho ne fatutuani ni mae Jisas Kraes.

Kolose 1:9

Naugna mana neke farirhiu ghami nei togho ghami mala fatutuani ni mae Jisas, ghehati tarai ghami ghotilo fabrahu funu ka narane te nomhini ghehati igne eimi ghotilo na. Ghehati toreni God mala fodu ghotilo ka gaoghatho te keli nei glalase te keli, eghume ka nogna thotogho mae Tharunga te Blahi na ghotilo mala lase fakelini unha te magnahagheni God na.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Ululahu Jone 2:27

Nu mae Kraes neke kuru meini mae Tharunga te Blahi na ka ghotilo. Mae Tharunga te Blahi gne au ngala balumi ghotilo mala farirhiu ghami gobigna lepore. Eghume ghotilo theome magnahagheni kaisei mae velepuhi delei te mala farirhiu ghami na. Mae Tharunga te Blahi gne tutuani fara, theome chaichaghi. Eghume heta ghemi au balugna mae Kraes, jateula mae Tharunga te Blahi teke farirhiu ghami ghotilo ia eghu.

Kolose 4:6

Leuleghu fata na nomi chekere mala keli nei doglo eghu fabrahu te mala toghodi keha naiknore. Eghuteuna God ginauna togho ghami ghotilo te mala tangomana te cheke tughu ka puhi te doglo ka naikno te gnafare.

Efesus 5:17

Thosei fanolini nakarhami na, nu fariuriu mala filo glanini unha Lord te magnahaghei eni iagho na.

Nodi Khoje Hatimare Mae Jiu 28:7

Kaisei Lord ngala te reireghi ghau nei bara fothi ghau teu iara na. Eghume iara thofno rouronuni mana. Mana tangomana te togho ghau iara na, eghume iara thofno glealeꞌa fara ka mana, eghuteuna iara koje mala cheke fakelini nanghagna mana na.

Jemes 5:13

Jame kaisei ka ghotilo au puhi biꞌo, mana tarai ka God. Eghuteuna jame kaisei ka ghotilo au gleale'a, mana koje kilo fnaknoni God.

Nodi Khoje Hatimare Mae Jiu 71:23

Iara ginauna koje fabiꞌo naugna iara ne glealeꞌa fara. Uve, ka nakarhagu fateote'o na iara ginauna koje koba naugna iagho ne fakarhi ghau iara.

Taetus 3:6

God tusu mei neke salaꞌui u Tharunga te Blahi na ka tahati, naugna mae Jisas Kraes neke lehe tughu ghita ke kligna gaju fafatha.

Ululahu Korin 14:26

Kheraguro, igne unha te ghathoni iara na. Kate khapru ghotilo te mala tarai na, ghotilo te gnafa na mala kafe totogho. Kaisei naikno mala koje, eghuteuna keha na mala farirhiu, eghuteuna keha na mala chekeni unha teke falalase God tagna na, eghuteuna keha na mala chekeni chekegna God ka soasopai nafnata chekei, eghuteuna keha na mala rurutha gaoghathogna cheke tuana. Gloku te gnafa igre mala toghoni nodi fatutuani naikno te gnafare.

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.

Kolose 1:28

Eghume, ghehati toutonuni u Nonomho te Keli eigna mae Kraes na koba ranghidi naikno te gnafare, nei ghehati cheke faheta nei famane farirhiudi eghu koba. Ghehati cheke ka gaoghatho te keli mala tangomana te toghodi mare te gnafa na mala kotu haghe nei nheta ka nodi fatutuani na ka mae Kraes.

Nodi Khoje Hatimare Mae Jiu 32:7

Iagho nogu vido keli mala poru iara, iagho pophoru ghau iara mala theome tangomana kaisei puhi te thoke ghau iara na. Iara na koje fabiꞌo eigna nou nolaghi iagho te fakarhi ghau iara, eigna iagho ne pophoru ghau nei reireghi ghau neu iara.

Nehemaea 12:46

Ka naranedi King Devet ghe mae Asaf tifa igre, mare neke au mae lida te mala koje te kilo fafnaknoni God nei mala cheke fakelini mana.

Ululahu Kings 3:28

Kate nomhini naikno gna Israel eigna puhi te famane fadoglini King Solomon puhi biꞌo farihoteidi phei gaꞌase vine igre, mare ne thofno ghatho tahuni mana. Naugna mare laseni God neke tusu lao ka King Solomon famane gaoghatho te keli mala fate fadoglidi mana naiknore.

Thakle 15:3

Mare ne kojeni kaisei khoje teke rioriso mae Moses, nogna mae gloku God. Tutuani, mana kilo fnaknoni God naugna God neke toghodi mare ka nogna tothogho mae Lam, ne cheke eghu, “Nomi Lord God, te nolaghi fara, nou gloku iagho re thono biꞌo fara, eghuteuna ghehati ne jaglo nomi fara. Iagho nodi King namono te gnafa ka nauthoglu igne, eghuteuna puhimu iagho re doglo nei tutuani fara eghu.

Ululahu Jone 2:14

Iara riso ari ka ghotilo goro sua nalhaꞌu nei goro sua gaꞌase teura, naugna ghotilo lasenihi Mama. Iara riso ari ka ghotilo mamare, naugna ghotilo lasenihi God, mae ihei te au fabrahu funu tifa ka vuvuhagna nauthoglu gne. Iara riso ari ka ghotilo mae majaghani ra, naugna ghotilo heta fara. Eghuteuna chekegna God na au balumi nei ghotilo tapla sorunihi mae Satan.

Ululahu Timoti 6:17

Cheke faheta ranghidi iheire te dedei fara ka nauthoglu igne mala thosei fahaehaghe fara nei thosei rouronudi glepo nate dofidi kaisei narane, nu cheke ranghidi mala fatutuani ni God mae ihei te tusu ranghi ghita gobigna lepo te keli mala gleale'a tahati.

Fapea Tesalonika 3:15

Nu thosei filo faparini jateula nomi naoka eghu. Te keli na ghotilo cheke faheta kolho ka mana, naugna mana kherada tahati ka khiloau.

Ululahu Tesalonika 4:18

Eghume fari totoghoi ka cheke igre.

Ululahu Korin 14:15

Eghume unha nate eni iara na? Uve, iara ginauna tarai ka God balugna tharungagu na, nu iara ginauna jaola tarai balugna gaoghathogu na. Eghuteuna iara ginauna koje ka God balugna tharungagu na, nu iara ginauna jaola koje balugna gaoghathogu na.

Matiu 26:30

Ke leghugna igne, mae Jisas baludi nogna mae fanomhore koje kaisei himu mala kilo fnaknoni God. Mare jifla ne tei ka Thogele Gaju Olivi.

Proveb 14:8

Mae te autagna gaoghatho fakeli na, mana laseni unha te eni na. Nu mae te theome autagna gaoghatho fakeli na, mana batu fadiꞌani kolho thegna, naugna gaoghathogna mana na theome doglo.

Nodi Khoje Hatimare Mae Jiu 138:1

Lord God, iara thofno cheke fakeli nigho ka gaoghathogu fateote'o. Iara koje kilo fnakno nigho ke uludi nodi god iheire te theome laseni God.

Nodi Khoje Hatimare Mae Jiu 119:54

Kate au teu iara katha vido kmo'ei kolho kau nauthoglu igne na, iara koje fabrahu eidi nou vetula iagho re.

Letas Teke Riso Tei Mae Pol Ka Khiloau Rom 15:14

Kheraguro, iara thofno laseni eigna ghotilo edi fabrahu puhi te kelire, naugna ghotilo lasenihi puhigna God na nei tangomana te farirhiudi naiknore thofno chekegna God.

Luku 2:51

Mae Jisas neke pulo baludi repa Nasaret. Mana ne leghudi unha te chekedi repa re. Eghuteuna idogna mana na ne ghaoghatho eidi unha teke edi re ne tathaji u cheke igre ka nagnafagna na.

Ululahu Kronikols 25:7

Varadaki fati mae igre baludi keha mae Livaet eghu, mare lase koje fara naugna mare neke sikolu fakelini te mala koje te pala hagheni nanghagna Lord. Eghuteuna khaputudi mae te lase koje fara ka tothoghei igne na posani phia gobi nhanasalei nhana mae.

Profet Isaia 10:2

Mare edi vetula majaghani igre ka naikno te kuma nei au kokhonidi teu igre mala theo kaisei nodi nolaghi mare ka unha glepo te khotodi mare re. Mare snakredi naiknore mala blau nodi glepo naikno biꞌo tela lehehi khetodi nei goro sua glehe kokoi teure.

Thakle 19:10

Iara ne tuturupuku soru ke ulugna engel na mala pogho soru ka mana, nu mana ne cheke eghu ka iara, “Thosei pogho soru ka iara! Iagho pogho soruni God kolho! Naugna iara kaisei nogna mae gloku God kolho jateula iagho nei hatimare mae thabusida ka khiloau gne teke fatutuanidi thofno cheke teke toutonudi mae Jisas ra.” Mana ne chekeni igne naugna thofno cheke teke toutonudi mae Jisas igre ngala teke thofno toutonudi la hatimare mae profet ra.

Profet Isaia 30:29

Nu tahati nogna naikno Lord ra tahati ginauna na glealeꞌa fara nei koje jateula te koje tahati ka Gaghamu Blahi ra eghu. Ginauna tahati glealeꞌa fara jateula naikno te fanomho ka khoje nifu te koje te tei ka nogna thogele blahi Lord ra eghu. Naugna mana noda Thina rheta nei noda vido keli mala poru eghu tahati maeda Israel.

Profet Isaia 26:1

Ka narane igne, tahati te gnafa te au Juda ra ginauna kojeni khoje igne: Tahati au noda namono te rheta! Eghuteuna God fakarhi ghita, jateula kaisei bara thina te falithui namono na te reireghidi naiknore eghu.

Profet Isaia 5:1

Iara ginauna kojeni kaisei khoje eigna mae ihei te namhani fara iara na. Jateula igne eghu, mae igne neke eni kaisei nagare grep ka vido glose te keli rhegna kaisei thogele.

Famane Khoje 1:1

Nogna Famane Khoje King Solomon.

Thakle 14:3

Kaisei gobi phiatutu fati thogha naikno igre mare kegra ke ulugna God mae ihei te gnokro teu ka nogna sape nafnakno nei ke uludi fati glepo te karhare nei hatimare mae biꞌo ka khiloaure. Eghuteuna naikno igre ne kojeni kaisei khoje majaghani. God neke foli fajifladi naikno igre ka naikno te gnafa ka nauthoglu igne. Mare ngala te tangomana te kojeni khoje igne.

Proveb 18:1

Mae te ghamu nhoto na ghathoni thegna kolho, eghuteuna mana tirognani gaoghatho te keli na.

Efesus 5:26

Mana neke eni igne mala fablahini nei mala tihi fagaeni eghu khiloau na ka khoꞌu nei ka chekegna.

Ululahu Tesalonika 1:8

Kmana kmana naikno te au ka Provins Masidonia nei ka Provins Akaia nomhinihi u Nonomho te Keli eigna mae Jisas Kraes teke toutonuni ghotilo. Nu nonomho gna nomi fatutuani ghotilo ka God na jaola tei tongana heva heva. Eghume ghehati theome tangomana te cheke eigna nomi fatutuani ghotilo na.