Kolose 3:12 - Buka Blahi Ka Cheke Holo

¹² God neke vahi ghami ghotilo te mala nogna naikno blahi mana nei namha ghami fara ghotilo. Eghume ghotilo mala edi fabrahu glepo igre: kokhonidi keha naiknore, taegodi, au faleghu, au blagna, thosei diꞌatami faghose ka keha naiknore.

Kolose 3:12 Iomraidhean Croise

Profet Isaia 42:1

Lord ne cheke eghu, “Igne nogu mae gloku iara na, eigna iara farerhetani fabrahu mana. Iara neke vahini mana, eghuteuna iara gleꞌani fara mana. Iara lisei laohi Tharungagu na ka mana, eghuteuna mana ginauna fatedi kantri te gnafa igre ka puhi te doglo.

Profet Isaia 45:4

Iara neke nhaꞌa cheke ka nogu mae gloku Jekop nei ka iheire nate karha mei thogheiro. Naugna igne te kilo mei nigho iara te mala mei toghodi mare gognarogne. Neuba iagho ne theome filo glani ghau iara, nu iara ghatho tahuni nanghamu iagho na.

Profet Isaia 63:15

Lord, iagho king, iagho au ka namonomu te blahi kligna, eghuteuna siasiglamu nei nou nolaghi teu iagho na fodu ka namono igne. Nu iagho filo soru mala filo ghami. Naugna unha sagho te theome fakakhana nou nolaghi biꞌo na ka ghehati gnea? Iagho theome fakakhana nou kokhoni ghami nei namha teuna ka ghehati. Ba, iagho theome magnahaghei ghami ghehati sia?

Profet Isaia 65:9

Iara ginauna fablahi ghami ghotilo mala vuragha vikegna mae Jekop. Eghuteuna iheire teke karha mei ke leghu ka vikegna mae Juda ra ginauna khotogna nogu namono iara ka thogele are. Iheire teke vahidi iara mala nogu mae gloku teku igre ginauna khotogna namono igne mala au tagna.

Profet Jeremaea 31:20

Nu te chekeni iara ka ghotilo gognarona. Efrem gne thofno mae thugu iara, iara thofno namhani nei gleale'ani eghu mana. Kmana fata iara diꞌatagu fara ka mana eidi nakhibogna manare. Nu neuba, leuleghu fata na iara ghathoni mana, naugna iara namhani nei kokhoni noguni eghu mana.

Profet Jeremaea 31:3

Ka narane tuana, Lord neke falaseni thegna ka mae Israel neke cheke eghu, “Iara namha ghami ghotilo fabrahu fara, eghuteuna iara ginauna na ghatho tahu ghami ghotilo fabrahu.

Profet Esikiel 16:8

Aonu iara neke tei salaꞌu keha fata na, kate filo nigho na, iagho biꞌo fara naba tolaghihi. Aonu, iara toku tafru thinimu iagho te soesole na ka nogu pohe brahu na, eghuteuna iara ne eni kaisei nhaꞌa cheke te rheta mala namha nigho iagho. Nogu nhaꞌa cheke te mala tolaghi nigho iagho na, iagho mala khetogu iara. Igne nogna cheke Lord.

Matiu 24:22

“Jame theome hata kokohi God keha narane meuna, ginauna theo kaisei naikno te karha na. Nu naugna God ne ghathodi naikno teke vavahi thegna re ne hata kokohi keha narane.

Matiu 24:24

Naugna ginauna hatimare mae Kraes chaichaghi nei hatimare mae profet chaichaghi teu igre ginauna thakle mei. Mare ginauna edi kmana glepo te biꞌo nei kofubobhoi biꞌo eghu ka naiknore, mala fariuriu chaghidi nei baubatu fadiꞌadi eghu naikno te gnafa teke vavahi God re. Nu theome tangomana eghu.

Matiu 24:31

Ka naoglagna khufli te inge igne, iara ginauna kurudi nogu engel re mala tei ke maghati, nei ke mosu, nei ke raru, nei ke mata. Mare ginauna salo fodu naikno teke kulu vavahi God Mama heva heva ka nauthoglu igne.”

Nonomho Te Keli Teke Risoi Mae Mak 13:20

Jame theome hata kokohi God keha narane meuna, ginauna na theo kaisei naikno te karha na. Nu naugna God ne ghathodi naikno teke vavahi thegna igre ne hata kokohi keha narane.

Nonomho Te Keli Teke Risoi Mae Mak 13:22

Naugna mae Kraes chaichaghi nei mae profet chaichaghi teure ginauna na thakle mei. Eghuteuna mare ginauna na eꞌei kmana fagaglana, nei kmana kofubobhoi mala fariuriu chaghidi naikno teke vavahi God. Nu theome tangomana te chaghidi.

Nonomho Te Keli Teke Risoi Mae Mak 13:27

Iara ginauna kurudi nogu tothoghei engel mala tei ke maghati, nei ke mosu, nei ke raru, nei ke mata. Mare ginauna salo fodu naikno teke kulu vavahi God Mama heva heva kau nauthoglu igne.”

Luku 1:78

Kau nogna kokhoni ghita noda God, kaisei nathunu rane majaghani funugna kligna ginauna na phae ke klignada tahati.

Luku 18:7

Naiknore tanhi bongi narane ka God mala toghodi. Eghuteuna God ginauna tusu ranghidi fabrahu unha glepo te keli na, eghuteuna mana ginauna na theome phaipalighi te mala toghodire.

Letas Teke Riso Tei Mae Pol Ka Khiloau Rom 1:7

Letas te riso ari iara igne malami ghotilo hui naikno te au ka namono Rom, eigna God namha ghami ghotilo nei kilo ghamihi ghotilo mala nogna naikno blahi mana. Iara toreni nogna khokofakasai nei pharikeli God Kmada nei nogna mae Jisas Kraes noda Lord te mala au balumi.

Letas Teke Riso Tei Mae Pol Ka Khiloau Rom 13:14

Nu ghotilo loku famaku ka noda Lord Jisas Kraes. Eghuteuna thosei ghatho tahudi glepo te diꞌa te magnahaghei edi thinire.

Letas Teke Riso Tei Mae Pol Ka Khiloau Rom 9:11

Nu God magnahaghei te leghuni nogna gaoghatho thegna na neke vahini kaisei mae ka phiamare. Ka narane theome karha teku phiamare na, phiamare neke theome eni kaisei glepo te keli ba te diꞌa,

Ululahu Korin 13:4

Naikno khiloau na mala namhadi keha naiknore jateula Kraes te namhadi naiknore eghu. Eghume naikno khiloau na mala au kmu nei keli ranghidi keha naiknore. Mana mala theome goghotu, nei theome mala ghatho tahuni thegna, nei theome mala fahaehaghe.

Fapea Korin 6:6

Ghehati falaseni eigna ghehati nogna mae gloku God ka nomi glalase eigna Nonomho te Keli na. Puhimire klino fara. Ghehati theome tangomana te ghosei te diꞌatami na nei ghehati tangomana te keli ranghini ihei. Tharunga te Blahi na au ka ghehati, nei u namha tutuani te mala namhani ihei na au ka ghehati.

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.

Efesus 1:4

Ka narane theome vuavuha nga teku nauthoglu gne God neke vahi ghita mala nogna thegna kate kaisei tahati balugna Kraes. Tutuani, God neke vahi ghita mala naikno blahi nei theo kaisei najafra ke ulugna mana.

Efesus 4:2

Ghotilo mala edi fabrahu glepo igre: au faleghu, au blagna, nei thosei diꞌatami faghose ka keha naiknore. Eghuteuna kate au nogna puhi fadidiꞌa kaisei naikno ka ghotilo na ranghini kheragna fofodu na, te keli na phiamare thosei magra, nu fari fathaegoi ka puhi namha.

Efesus 4:24

Uve, ghehati neke farirhiu ghami ghotilo mala au ka thofno puhi majaghani, eigna God neke vuavuha ghami ghotilo mala leghuni puhigna thegna na mala thofno doglo nei blahi eghu.

Efesus 4:32

Nu te keli na ghotilo fathaegoi nei fari namhai. Fari hata fadelei nakhibo jateula God teke hata fadeleidi nakhibomira eghu naugna ghotilo fatutuani ni Kraes.

Filipae 1:8

God na lase ghau iara te thono magnahaghei filo ghami ghotilo na. Naugna iara namha ghami ghotilo ka nogna namha mae Jisas Kraes.

Kolose 3:10

Eghuteuna ghotilo la hatahi u nakarha majaghani na. Tutuani, God loku fabrahu ke lamnami ghotilo mala tuthughu ghotilo jateula thegna eghu nei togho ghami mala lase fakelini mana.

Ululahu Tesalonika 5:15

Fiofilo fakeli, thosei snakreni kaisei naikno me foli fapulo glepo te diꞌa ka ihei tughuni glepo te diꞌa. Nu fariuriu eni unha te keli koba fari themi, ba ranghidi naikno te gnafa.

Fapea Timoti 1:9

God neke fakarhi ghita, eghuteuna kilo ghita mala nogna naikno mana thegna. Mana neke theome eni igne unha tahati tangomana te eni theda na, nu mana thegna neke magnahaghei eni igne naugna mana namha ghita fara. Eghuteuna nogna namha God tuana neke tusu mei ka tahati ka mae Jisas Kraes kani theome fufunu nga neku nauthoglu igne.

Fapea Timoti 2:10

Eghume iara heta ghegu kolho neuba mare ne para ghau. Naugna iara magnahaghei te toghodi naikno teke vavahi God re mala nogna naikno mae Jisas Kraes. Ka puhi igne God ginauna fakarhidi, eghuteuna mare ginauna hatini u karha fei tifa na.

Taetus 1:1

Ranghi nigho iagho ghema Taetus. Uve ghema, iara mae Pol nogna mae gloku God nei nogna mae khuru mae Jisas Kraes. Mae Jisas Kraes neke vahi ghau iara mala toghodi nei famane farirhiudi eghu naikno teke vavahi God re mala kotu biꞌo eghu nodi fatutuani na. Nu u gloku te eni iara igne farirhiudi naiknore u thofno farirhiu tutuani eigna God. Eghume, u farirhiu tutuani te eni iara igne toghodi fara naiknore mala leghudi mare u nafnata nakarha te magnahagheni God na.

Ululahu Pita 1:2

Tifa na, God Mama neke vahi ghami ghotilo leghuni nogna gaoghatho na. Eghuteuna mae Tharunga te Blahi neke fablahi ghami naugna mana neke magnahaghe ghami ghotilo te leghuni mae Jisas Kraes nei fagae ghami ka dadaragna mae Jisas Kraes. Iara toreni God mala fablahi ghami nei tusu ranghi ghami pharikeli mala bruara fabrahu tifa tifa.

Fapea Pita 1:10

Eghume, kheraguro, God neke kilo ghami nei vahi ghami mala nogna thegna. Hati nhetami na mala filo glani igne ka nakarhami na. Jame eni ghotilo igne na, ghotilo ginauna theome tangomana te tei kokoni u nabrou te tei thokei ka thofno nakarha te tutuani na.

Ululahu Jone 4:19

Tahati namha, naugna God neke kulu namha ghita.

Fapea Jone 1:13

Goro thugna thofno greghamu vavahi gne kubae ka iagho. Me gnafa. Iara, mae Jone.

Thakle 17:14

King igre balugna bosu na ginauna magra ka Lam. Nu Lam baludi nogna naikno teke vavahi nei kilodi teku thegna te mala au heta ka nodi fatutuani, ginauna tapla sorudi kolho. Naugna Lam na funei frunidi Lord te gnafa nei King te gnafa.”