Biblia Todo Logo
Bìoball air-loidhne

- Sanasan -




Kolose 2:8 - Buka Blahi Ka Cheke Holo

8 Fiofilo ghami, thosei snakreni kaisei naikno mala mei chaghi ghami nei mei sagu ghami eghu ka thoutonu te theo nafugna teke eni haghe kolho ka gaoghathogna naikno ghe naitu. Nafnata thoutonu tuare neke theome mei funu ka mae Kraes.

Faic an caibideil Dèan lethbhreac




Kolose 2:8
38 Iomraidhean Croise  

Tapa tei ngolho mala lolhoku sua khuma, glahu goigoni mare nagare grep te chechenge teura.


Ghotilo thosei fanomho ka nodi cheke mae profet chaichaghi nei mae khaekae teu te au balumi ghotilo ka kantri Babilonia. Ghotilo thosei fanomho ka nodi mifi mae tuare.


Ghotilo mala filo fakeli. Naugna keha naiknore ginauna hata ghami ghotilo kau fate. Mare ginauna puri ghami ghotilo ke lamnadi nodi suga tharai are.


“Filo fakeli ghami ghotilo ia ka nodi isi hatimare mae Farasi nei hatimare mae Sadiusi igre.”


Mae Jisas ne cheke eghu, “Fiofilo ghami ka mae profet chaichaghi are. Ke kosi na jateula te famane sipu eghu filodire. Nu tutuani, mare goigonidi naiknore jateula khuma fakaukathu eghu naugna gaoghathodire jafra fara.


Aonu keha mae velepuhi ka phei tothoghei te kilodi Epikuria nei Stoiki teu gre ne fapoaphola ka mae Pol. Keha mae re ne cheke eghu, “Mae igne theome laseni kaisei glepo kolho. Unha gne te magnahaghei chekeni mana na?” Keha mae re ne cheke eghu, “Mae igne jau magnahaghei toutonudi ka tahati nodi god keha namonoi jau signe?” Mare ne cheke eghu naugna mare ne theome laseni unha te chekeni mae Pol kate toutonuni Nonomho te Keli eigna mae Jisas teke karha fapulo kau glehe na.


Kate nomhini naiknore ka mae Pol eigna God teke fakarha fapuloni kaisei mae kau glehe na, keha naiknore ne maꞌe ka mae Pol. Nu keha mae ne cheke eghu, “Ghehati magnahaghe nigho iagho mala ke toutonu eigna igne thogheiro.”


Kheraguro, iara cheke heta ka ghotilo mala fiofilo ghami ka iheire te magnahaghei fotani u khiloau gne. Mare tangomana te goigonidi nomi fatutuani ghotilo re baludi keha glepo te jafra ka farirhiu tela nomhidihi ghotilo ra. Thosei fanomho ka mare.


Eghume, ihei la kegra hetahi thegna ka fatutuani na teu ka gaoghathogna na, filo fakeli eghu, glahu uka kolho.


Neuba, ghotilo filo fakeli glahu totokhei naikno te theome biꞌo nodi fatutuani re ka unha te eni ghotilo na.


Eghuteuna ghehati tangomana te tapla sorudi thua nafnata cheke fahaehaghe te edi naiknore eigna thofno glalase nogna God. Ghehati fariuriu mala tuthughu gaoghathodi naiknore, mala thofno leghuni Kraes.


Eghuteuna iara heta fara mala leghu fakelini nodi kastom hatimare mae biꞌomi Jiu tifa ra. Ka puhi igne iara loku heta fara uludi kmana mae kheragu te majaghani ra.


Tifa na, tahati jateula tuana neku. U vetula nei gobi nafnata glepo ka nauthoglu igne neke reireghi ghita, naugna tahati neke theome laseni God.


Nu gognaro na ghotilo la lase fakelinihi God. Tulao, gognaro na God lase fakeli ghamihi ghotilo. Eghume, eigna unha si ghotilo teke figri fapulo ka gobi nafnata glepo gna nauthoglu igne te theome heta nei thofno theo nafudi teu gnea? Tifa na, ghotilo neke fatutuanidi glepo tuare. Ba, ghotilo magnahaghei teke sneka fapulo ka glepo tuare sia?


Nu jame diꞌatami fabrahu nei magra teu ghotilo fari themi na, fiofilo ghami, na eghunu roꞌe fahui ghami themi ghotilo ginauna eghu.


Uve, tifa na ghotilo neke leghuni puhidi naikno te diꞌa ka nauthoglu igne. Ghotilo neke leghuni kolho mae Satan, mae funeidi naitu ka maloa gne, eigna mana gognaro na tangomana te funeidi iheire naikno te theome leghuni God.


Nu theome nafnata puhi tuana teke farirhiu ghami te mala leghuni Kraes na eghu. Theo.


Ghotilo thosei snakreni kaisei naikno te mala chaghi ghami ka cheke te theome tutuani are. Tutuani fara, God ginauna na fatedi naikno te theome leghuni mana nu leghudi puhi te diꞌa igre teuna.


ghotilo fiofilo ghami eghu, glahu ghatho ihoni ghotilo Lord mae ihei teke hata fajifla ghami Ijep ka namono aheva teke loku jateula naikno sneka teku ghotilo ra.


Filo fakeli ghami ghotilo ia ka naikno te diꞌa fara puhidi are. Mare heta fara ka puhi te dalha thini gne. Mare farirhiu koba igne fagaglana te leghuni puhigna God na.


Keha mae te fahaehaghedi fara nodi mifire, eghuteuna farirhiudi naiknore mala au faleghu ka puhi te theo nafugna, eghuteuna mala tufru soru ranghidi hatimare mae engel. Thosei snakreni kaisei mae ka mae igre mala batu fadelei ghami te mala theome fatutuani ni mae Kraes. Mare fiti fahaehaghe kolho, eigna gaoghathogna naikno ka nauthoglu na theome tutuani,


Ghotilo jateula igne eghu, kate lehe mae Kraes na, ghotilo jaola lehe balugna mana. Eghuteuna mana neke fakarha ghami ghotilo ka nogna nolaghi nauthoglu. Ba, naugna unha si ghotilo te leghuni teu ngala nogna vetula nauthoglu te cheke eghu, “Ghotilo thosei loku ka glepo igne,” “Ghotilo thosei ghamu ana,” “Ghotilo thosei habo ka glepo ana” teu gnea?


Vetula igre chekedi kolho glepo te edi tahatire nu gnafa teura kolho. Naugna naikno kolho te edi haghedi te farirhiu vetula igre.


Tutuani fara, gaoghathogna naikno na u nafnata vetula igre keli fara. Naugna vetula igre cheke eida tahati mala tufru soru leghuni gaoghathogna naikno na kolho nei eigna fapari ghita theda, nei eigna mala paradi thinida thedare eghu. Nu vetula igre theome tangomana te togho ghita te mala gnafa puhi te diꞌa te au ka thinida gre.


Ghema Timoti, iagho mala reireghi fakelidi gobigna lepo fateo teke lisei arihi God ka khamemu iagho igne. Figri lao thagrumu na ka nafnata cheke te diꞌa fara te theo nafudi nei ka nafnata cheke te chaichaghi te chekeni “Puhi glalase.” Cheke igne theome kaisei ka gaoghathogna khiloau na.


Tutuani fara, naikno te diꞌa nei mae velepuhi chaichaghi teu igre ginauna diꞌa fara puhidire. Mare ginauna chaghidi koba naiknore, nu mae Satan ginauna nake chaghi fapulo dila mare.


Eghume thosei ke riu ka keha nafnata puhi majaghani te jafra. Eigna ghotilo ginauna na snivi ka nabrou te doglo. Nu snakreni God mala farheta ghami ka nogna khokofakasai na. Nu nafnata vetula eigna gano na, theome tangomana te farheta ghita, nei theome eni kaisei glepo te kelila ranghidi iheire te leghudire.


Eghume, kheraguro, fiofilo fakeli ghami ghotilo ia, na eghunu tei fajafra gaoghathomire mala theome fatutuani ni mae Kraes nei figri tagruni God mae ihei te nolaghi tulao na eghu!


Ghotilo laseni igne, tifa na ghotilo neke au ka nakarha te theo nafugna. Ghotilo neke hata u nafnata nakarha te diꞌa igne leghudi mae ku'emi tifa ra. Nu God neke fakarhi ghami ghotilo. Mana neke foli fapulo ghami ghotilo eidi nakarha te diꞌa teke edi ghotilo re. Mana neke theome foli fapulo ghami ka glepo tangomana te boto, jateula silva ba gol.


Nu ghotilo kheraguro, ghotilo lasedihi u cheke igre. Reireghi fakeli ghami themi, na eghunu korho fadelei ghami nodi cheke mae te theome leghu vetula igre eghu, te eghu na ghotilo ginauna theome au heta ka mae Jisas.


Fiofilo ghami, thosei jateula mare eghu. Nu ghotilo mala hata fahui nomi taba teke kmusani themi na.


Lean sinn:

Sanasan


Sanasan