Kolose 2:2 - Buka Blahi Ka Cheke Holo

² Iara eni igne mala heta ghotilo nagnafamire nei au fodu ghotilo kau namha. Ka puhi igne, ghotilo thofno lase fakelini mae ihei God teke theome falalaseni tifa, mae igne Jisas Kraes thegna.

Kolose 2:2 Iomraidhean Croise

Ululahu Kings 3:28

Kate nomhini naikno gna Israel eigna puhi te famane fadoglini King Solomon puhi biꞌo farihoteidi phei gaꞌase vine igre, mare ne thofno ghatho tahuni mana. Naugna mare laseni God neke tusu lao ka King Solomon famane gaoghatho te keli mala fate fadoglidi mana naiknore.

Nodi Khoje Hatimare Mae Jiu 133:1

Kheraguro! Thofno keli fara te au fodu tahati nogna naikno God ra te kaisei gaoghatho ngala jateula kaisei thabusigna teuna.

Profet Isaia 32:17

Eghuteuna naugna te leghuni mare puhi te doglo na, mare ginauna au fabrahu ka pharikeli, eghuteuna mare ginauna au fakeli fabrahu na theome ghathoni kaisei glepo.

Profet Isaia 40:1

Igne nogna cheke noda God tahati na, “Farerheta nagnafadi nogu naikno iara ra. Uve, mala rheta fakeli nagnafadi re.

Profet Isaia 53:11

Ke leghugna te au papara na, mana ginauna nake gleale'au, naugna mana laseni la mana theome fiti au papara kolho. Puhigna nogu mae gloku iara igne thofno doglo fara, mana ginauna toghodi kmana naikno mala jaola doglo, eghuteuna mana au papara eidi nakhibodi naiknore.

Profet Jeremaea 9:24

Nu jame ihei te magnahaghei fahaehaghe na, mana fahaehagheni kolho te lase ghau iara Lord. Iara na namhadi fabrahu naikno te au ka nauthoglu igne, nei eni ranghidi fabrahu puhi te doglo na. Igre unha te magnahaghedi iara re.”

Matiu 11:25

Aonu mae Jisas ne cheke eghu ka mae Kmagna na, “Mama, iara cheke fakeli nigho, iagho mae te funei frunidi gobigna lepo kligna ba pari. Iara cheke fakeli nigho, naugna iagho ne falalase ka iheire te jateula sua teu te ihoni thofno glalase na, nu iagho pophoru glalase igne ka naikno te lasedi kmana glepo nei fahaehaghe fara teu eigna nodi glalase na.

Matiu 11:27

Mae Jisas ne cheke eghu, “Mae Kmagu iara na la lisa meihi ka khamegu iara gobigna lepore. Theo kaisei naikno te thofno laseni mae Thugna God na, mae Mama thegna ngala. Tutuani, theo kaisei naikno te thofno laseni mae Mama na, kaisei mae Thugna ngala. Nu iheire ngala teke vahidi iara ginauna cheke ranghidi eigna mae Mama, eghuteuna mare ginauna jaola laseni mae Mama.

Matiu 13:11

Mae Jisas ne cheke eghu ka mare, “Te eni iara igne, naugna God neke tusu ari kolho ka ghotilo glalase te mala lase fakelidi thofno glepo te au poru ka nakarha God te funei frunini. Nu iara cheke ranghidi keha naiknore ka cheke naba kolho.

Luku 1:1

Ranghi nigho iagho ghema Teofilas. Uve, mae biꞌo, kmana naikno neke hati nheta dina neke risodi u glepo teke edi ke lamnada tahati igre.

Jone 10:30

Uve, ghepa mae Mama na kaisei ngala.”

Jone 10:38

Nu jame edi iara unha te edi mae Mama re, neubane theome fatutuani ghau iara ghotilo, ghotilo jame fatutuanidi unha te edi iara re. Aonu, ghotilo ginauna laseni mae Mama na au ke lamnagu iara, nei iara au ke lamnagna mae Mama.”

Jone 16:15

Gobigna lepo te khotodi mae Mama re nogu iara. Naugna igne te chekeni iara na, mae Tharunga te Blahi na nomhidi unha nate chekedi iara re mala ke toutonu ka ghotilo.”

Jone 17:3

Eghuteuna karha fei tifa igne gaoghathogna na naiknore mala lase nigho, iagho kaisei God ngala te tutuani, eghuteuna naiknore mala lase ghau la iara mae Thumu Jisas Kraes, mae teke kuru mei iagho kau nauthoglu igne.

Jone 5:17

Nu mae Jisas ne filo glanidi gaoghathodi mare re ne cheke eghu ka mare, “Mae Kmagu iara na theome gnafa ka gloku. Eghume iara na loku la.”

Jone 5:23

Mae Mama ne eni igne mala ghatho tahu ghau iara mae Thugna na naikno te gnafare, jateula ngau mare te ghatho tahu nila mae Kmagu iara na. Mae ihei te theome ghatho tahu ghau iara na, naikno tuana theome ghatho tahu nila mae Mama mae ihei teke kuru mei ghau iara na.”

Jone 6:69

Gognaro ghehati fatutuani nigho iagho. Ghehati laseni nigho iagho mae blahi neke mei funu ka God.”

Mae Khuru 4:32

Naikno te fatutuani ni mae Jisas re ne kaisei nagnafa ngala nei kaisei gaoghatho ngala. Theo kaisei naikno te chekeni ne khotogna thegna ngala kaisei glepo teuna. Nu mare tufa gobigna lepore.

Letas Teke Riso Tei Mae Pol Ka Khiloau Rom 15:13

God mae ihei ngala te thofno togho ghita te mala hata unha mana teke nhaꞌa cheke ranghi ghita. Iara toreni God mala gleale'a biꞌo ghotilo nei tusu ranghi ghami pharikeli kate fatutuani ni mana na. Eghuteuna nogna nolaghi Tharunga te Blahi na ginauna faheta ghami mala rouronuni God fabrahu ghotilo te mala eni unha mana teke nhaꞌa chekeni.

Letas Teke Riso Tei Mae Pol Ka Khiloau Rom 2:4

Jau ghotilo ghatho faꞌikoini kolho puhigna God na, eigna mana au kmu fara nei theome faghose diꞌatagna, nu mana ofou kolho. Ba, ghotilo theome filo glanini kolho God te au kmu fara na, naugna mana magnahaghei ghami ghotilo te mala tughu nagnafa na eghu sia?

Ululahu Korin 14:31

Eghume ghotilo te gnafa na tangomana te toutonuni chekegna God na, kaisei naikno na tangomana te cheke ke leghugna keha naikno na. Ka puhi igne ghotilo tangomana te mala farirhiudi nei fameomegodi teu naikno te gnafare.

Ululahu Korin 2:12

Tharunga te Blahi tela hatahi tahati naikno khiloau gre mei funu ka God mala laseni tahati u khokofakasai teke tusu mei mana ka tahati na. Tahati leghuni mana, theome leghuni gaoghathogna nauthoglu igne.

Galesia 3:28

Eghume theo kaisei glepo te nhogri ka iheire te kaisei balugna mae Jisas Kraes, neubane mae Jiu ba theome mae Jiu, neubane mae sneka ba mae snagla, neubane nalhaꞌu ba gaꞌase. Ghotilo te hui na kaisei ngala.

Efesus 1:7

Kraes neke foli fajifla ghita ka dadara glehegna ke kligna gaju fafatha jateula kaisei fafara teu te mala hata fadelei nakhiboda ka nogna khokofakasai God te bruara igne.

Efesus 3:16

Iara toreni God ka nogna nafnakno biꞌo kligna mala snakre meini nogna Tharunga te Blahi na ka ghotilo, mala tangomana ghotilo te heta ka nagnafamire.

Efesus 3:3

God neke falalase ka iara mala laseni u gaoghatho teke theome laseni naiknore tifa na igne. Iara kulu riorisohi katha vido eigna igne,

Efesus 6:22

Iara kuru arini mana ka ghotilo mala ke keli nagnafami ghotilo, naugna mana tangomana te toutonu fakeli eimi ghehati.

Filipae 2:1

Gaoghathomi ghotilo na heta fara, naugna ghotilo kaisei ngala balugna mae Kraes, nei mana namha ghami ghotilo. Eghuteuna ghotilo kaisei balugna mae Tharunga te Blahi nei ghotilo namhadi nei kokhonidi eghu naiknore.

Filipae 3:8

Uve, iara magnahaghei te lisa faleghu te gnafa gobigna lepo teke ghatho tahudi iara kau nauthoglu igne. Naugna gognaro na iara thofno lase fakelini mae Jisas Kraes. Eghume te laseni iara na glepo tuare theo nafudi kolho. Tutuani fara, glepo igre jateula chara eghu ka gaoghathogu iara na. Eghuteuna iara magnahaghei te koko fadelei glepo tuare naugna iara magnahaghei te loku ranghini nogu Lord Jisas Kraes,

Kolose 1:26

Ka fufunu gna nauthoglu na te ghilei posa gognaro gne, cheke igne neke poru ka naikno te gnafare, nu gognaro na God la falalasehi ka nogna naiknore.

Kolose 1:27

God magnahaghei falalase ka nogna naiknore u famane cheke poru igne mala toghodi fara naikno te gnafa ka nauthoglu igne. U cheke poru igne gaoghathogna na mae Kraes na auhi ke lamnami ghotilo, eghuteuna mana ginauna hata ghami tei mala au balugna God.

Kolose 1:9

Naugna mana neke farirhiu ghami nei togho ghami mala fatutuani ni mae Jisas, ghehati tarai ghami ghotilo fabrahu funu ka narane te nomhini ghehati igne eimi ghotilo na. Ghehati toreni God mala fodu ghotilo ka gaoghatho te keli nei glalase te keli, eghume ka nogna thotogho mae Tharunga te Blahi na ghotilo mala lase fakelini unha te magnahagheni God na.

Kolose 2:19

nei mare theome au heta ka mae Kraes. Mae Kraes pha'ugna khiloau na, eghuteuna khiloau na jateula thinigna mana eghu. Eghuteuna pha'u na tangomana te edi grerege te gnafare te mala kotu heta nei kaisei baludi nhubra ghe naula. Eghuteuna thinigna mae Kraes gne na kotu haghe ka puhi te magnahagheni God na eghu.

Kolose 3:14

Eghuteuna baludi puhi te keli igre, glepo te ulu na ghotilo mala famane namhadi keha naiknore. Naugna u namha gne ngala te tangomana te kafe loku fodu ghami ghotilo ka naꞌau fodu te doglo na.

Kolose 4:3

Jaola tarai ghami ghehati. Naugna te toutonuni iara chekegna mana igne, hatimare ne lilisei ghau iara ka suga sosolo. Toreni God mala snakreni ka ghehati vido te keli te mala toutonuni ghehati ka naiknore chekegna mae Kraes teke poru tifa igne.

Kolose 4:8

Iara kuru arini mana ka ghotilo mala ke keli nagnafami ghotilo, naugna mana tangomana te toutonu fakeli ka ghotilo eimi ghehati.

Ululahu Tesalonika 1:5

Kate hata mei ka ghotilo Nonomho te Keli na, ghehati theome mei balu cheke kolho, nu jaola mei balu nolaghi nei Tharunga te Blahi, eghuteuna thofno laseni u Nonomho te Keli gne tutuani fara. Jaola ghotilo filoni unha nafnata nakarha te batuni ghehati. Ghehati batuni nafnata nakarha igne mala togho ghami ghotilo.

Ululahu Tesalonika 3:2

eghuteuna neke kuru arini mae kherada Timoti ka ghotilo. Mae Timoti kaisei mae nogna gloku God te loku balumi ghehati mala toutonu ranghidi naiknore Nonomho te Keli eigna mae Kraes. Ghehati kuru arini mala farheta ghami nei toghodi eghu mana nomi fatutuani ghotilo re.

Ululahu Tesalonika 5:14

Kheraguro, ghehati tore ghami ghotilo mala cheke fahetadi iheire te thodo loku. Fafranedi iheire te mhaghu. Toghodi iheire te nigra. Thoghei famane cheke ranghidi naikno te gnafa.

Ululahu Timoti 3:16

Tutuani fara, nogna thofno farirhiu khiloau na kaisei glepo biꞌo fara. Eghuteuna thofno farirhiu tuana cheke eghu, Mae Kraes neke vuha mei thini jateula naikno. Mae Tharunga te Blahi neke fatakleni puhigna mae Kraes na thono doglo fara. Engel re neke filoni mana. Naiknore neke tei toutonu eigna mana ka namono te kmanare. Naikno heva heva ka nauthoglu igne neke fatutuani ni mana. God neke hata hagheni mana kligna ka siasigla.

Hibru 10:22

Naugna igne tahati mala mei namo ka God balu nagnafa heta nei fatutuani ni fara mae Jisas Kraes. Mana faklinodihi nagnafada nei gaoghathoda te thona. Eghume tahati laseni God na la hata fadeleidihi nakhibodare nei mana la faklino ghitahi ke ulugna thegna.

Hibru 6:11

Ghehati magnahaghei ghami fara ghotilo hui te mala loku famaku ka nomi fatutuani na ghilei thoke mei narane leghu lahu na. Ka narane tuana ghotilo na athini unha teke ghatho branani ka nagnafami na. Thosei babaꞌo.

Fapea Pita 1:10

Eghume, kheraguro, God neke kilo ghami nei vahi ghami mala nogna thegna. Hati nhetami na mala filo glani igne ka nakarhami na. Jame eni ghotilo igne na, ghotilo ginauna theome tangomana te tei kokoni u nabrou te tei thokei ka thofno nakarha te tutuani na.

Fapea Pita 1:3

Ka nogna nolaghi God kligna, mae Jisas neke tusu ranghi ghita gobigna lepo te magnahaghedi tahati re mala au ka nakarha te doglo te magnahagheni God. Eghuteuna gobigna lepo igre noda tahati, eigna tahati thofno laseni mae Jisas Kraes mae ihei te kilo ghita ka nogna nolaghi te biꞌo nei nakarhagna te keli.

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.

Ululahu Jone 3:19

Eghume, ka puhi tuana tahati laseni te leghuni nabrou te tutuani na. Eghuteuna kate laseni tahati te eni unha te diꞌa ranghini kherada fofodu na ka nagnafadare, tahati tangomana te au teu ngala ka pharikeli ke ulugna God. Naugna nogna namha God na thofno biꞌo fara, eghuteuna mana lasedi gobigna lepore.

Ululahu Jone 5:7

Thiloi igre mala cheke eigna mae Jisas: