Kolose 1:7 - Buka Blahi Ka Cheke Holo

⁷ Ghotilo neke laseni eigna nogna khokofakasai God na ka mae kherada Epafra. Gognaro na mana loku balumi ghehati, eghuteuna mana kaisei nogna mae gloku keli fara mae Kraes malada tahati.

Kolose 1:7 Iomraidhean Croise

Naba 12:7

Nu iara theome eghu ka mae Moses mae ihei te kaisei nogu mae gloku iara na. Mana kolho mae lidadi nogu naikno iara re.

Matiu 18:29

“Mae kheragna na ne turupuku soru ne cheke eghu ka mana, ‘Ginau sagho, iara nake tughu fapulo ka iagho gobigna lepo teke kaoni iara ra.’

Matiu 24:45

Te mala laseni mae fanomhore gaoghathogna cheke naba igne, mae Jisas ne cheke eghu ka mare, “Ba, mae ihei si mae gloku te keli tagna mae funei na ia? Mae gloku te lalase fara te leghuni fabrahu teu nogna cheke mae funei na. Igne ngala mae teke vavahi nogna mae funei na te mala reireghidi keha mae glokure kate tei mae funei na. Mae gloku igne ginauna tangomana te tufa nanaba ganore ka keha mae glokure ka thofno narane te mala ghamu mare na.

Matiu 25:21

“Aonu, mae funei na ne cheke eghu ka nogna mae gloku na, ‘Ghema, iagho kaisei mae gloku keli fara! Eghuteuna iagho ghathodi koba unha te chekedire. Eghume, naugna te ghatho branani iagho nou gloku na ka sileni ikoi teke tusu ari iara ia, gognarona iara na tusu ari kmana glepo ke biꞌodi igrei ka iagho mala reireghidi iagho. Aonu iagho mei mala gleale'a balugu iara.’

Ululahu Korin 4:17

Naugna igne, iara kuru arini mae Timoti ka ghotilo. Iara namhani mana jateula thofno mae thugu eghu, naugna mana loku fakeli ranghini Lord. Mana ginauna farirhiu ghami ghotilo puhigna Kraes te leghuni iara gne, jateula iara te farirhiudi naikno khiloau ka namono te gnafa gre eghu.

Ululahu Korin 4:2

Tutuani, mae gloku na mala eni gloku te keli ranghini nogna funei na.

Ululahu Korin 7:25

Gognaro na iara cheke eidi iheire te theome tolaghi ra. Iara theo kaisei nogu vetula funu ka Lord eigna igne, nu iara na cheke arini gaoghathogu thegu na. Tutuani, ghotilo tangomana te rouronu ghau iara na, naugna Lord neke lolokeli ranghi ghau iara nei toghoni gaoghathogu na.

Fapea Korin 11:23

Mare chekeni koba ne nogna mae gloku Kraes teuna, nu iara jaola nogna mae gloku keli Kraes uludi mare eghu. Iara cheke fara jateu kaisei mae te fameomekro eghu tutuani! Iara loku heta ke tulaodi marei. Iara au ka suga sosolo kmana fata ke tulaodi marei. Naiknore puri ghau ke tulaodi marei. Iara namo lehe kmana fata ke tulaodi marei.

Efesus 5:21

Lisa lao ghami fari themi naugna nomi ghatho tahu eigna Kraes.

Filipae 2:25

Te doglo ka gaoghathogu iara na fapea fata kuru arini mae kherada Epafrodaetus ka ghotilo. Mana neke loku nei togho ghau iara eghu ka nogna gloku mae Kraes.

Kolose 4:12

Kaisei mae kherami keli ghotilo, mae Epafra nogna mae gloku Jisas Kraes, mana jaola kubae ghami ghotilo. Leuleghu fata na, mana tarai heta koba eimi ghotilo. Mana toreni God mala togho ghami ghotilo mala kegra heta ka nomi fatutuani na, nei mala thofno lasedi gobigna lepo God te magnahaghei edi ghotilo re.

Kolose 4:7

Mae Tikikas ginauna toutonu ka ghotilo thoutonu eigu iara na. Mana mae kheragu keli fara iara nei kaisei mae gloku te rouronuni tahati. Mana te mala loku baluda ranghini Lord.

Kolose 4:9

Iara na jaola kuruni mae kherami ghotilo Onesimasi mala ari balugna mana. Mae Onesimasi gne kaisei mae kherada keli tahati mae ihei te rouronuni fara tahati na. Phiamare ginauna toutonudi gobigna lepo te edi agne re.

Ululahu Timoti 4:6

Uve, iara magnahaghe nigho te chekedi glepo igre ka kherada naikno khiloau are. Te eni iagho igne, iagho ginauna kaisei nogna mae gloku keli mae Jisas Kraes. Eghuteuna iagho ginauna biꞌo haghe ka nogna farirhiu keli khiloau te leghudi te mei iagho ra.

Fapea Timoti 2:2

Iagho ke toutonu ranghidi mae iheire te rouronudi iagho ra eigna u farirhiu te nomhidi iagho igre teke edi iara ka naikno te kmanare. Eghuteuna mae igre ginauna jaola tangomana te mala farirhiudi keha naiknore.

Filimon 1:23

Mae Epafra te sosolo balugu iara malagna mae Jisas Kraes igne, kubae nigho iagho.

Hibru 2:17

Naugna igne, mae Jisas nabagna te karha mei naikno mala jateula tahati gnafa, mala tangomana mana te kaisei mae pris biꞌo mala loku ranghini God nei thofno leghuni chekegna mana na. Mana toghodi nei kokhonidi eghu nogna naikno God re ba tangomana te hata fadelei u nakhibodire.

Hibru 3:2

God neke vahini mae Jisas mala edi gobigna lepo te magnahaghedi mana re. Tutuani, mae Jisas neke thofno leghuni u chekegna God jateula mae Moses teke leghuni chekegna God na teke batudi nogna naikno God ra eghu.