Kolose 1:6 - Buka Blahi Ka Cheke Holo

⁶ Nonomho te Keli te nomhini ghotilo igne mala toghoni nodi fatutuani naikno heva heva ka nauthoglu igne. Igne neke enila ka ghotilo, kate nomhini ghotilo u Nonomho te Keli igne nei thofno laseni gaoghathogna nogna khokofakasai God na.

Kolose 1:6 Iomraidhean Croise

Nodi Khoje Hatimare Mae Jiu 110:3

Ka narane te tei iagho ka magra na, nou naikno iagho re ginau tei balumu iagho mala togho nigho, eghuteuna ghotilo ginau haghe ka nogna thogele Lord na. Uve, iagho atha nou nolaghi majaghani mala jateula te dofra haghe hamerane ra eghu e heta thinimu na.

Nodi Khoje Hatimare Mae Jiu 98:3

Mana tajini nogna nhaꞌa cheke na teke eni mana baludi nogna naikno Israel, naugna mana thofno namha ghita fabrahu. Naikno te gnafa ka namono te gnafa gre la lasenihi noda God tahati na uludihi hatimare mae naoka kau magra na.

Matiu 24:14

Mare ginauna jifla tei toutonuni Nonomho te Keli eigna nafnata puhi God nate funei frunidi nogna naiknore. Mare ginauna toutonuni igne heva heva ke lamnagna nauthoglu igne ka naikno te gnafare. Aonu, ame thoke mei nga narane leghu lahu na eghu.”

Matiu 28:19

Eghume, ghotilo tei mala farirhiudi naikno ka namono te gnafa ka nauthoglu igne mala nogu mae fanomho iara. Faꞌapublahidi ka nanghagna Mama nei Thugna nei Tharunga te Blahi.

Nonomho Te Keli Teke Risoi Mae Mak 16:15

Mae Jisas ne cheke eghu ka mare, “Ghotilo jifla tei heva heva kau nauthoglu gne, mala toutonuni Nonomho te Keli na ranghidi naikno fateote'o.

Nonomho Te Keli Teke Risoi Mae Mak 4:8

Eghuteuna kehare soru ka glose te keli, aonu reꞌe ne famane kotu ne ure. Kehare thokeni kaisei gobi sisi, kehare namno salei sisi, aonu kehare tolufului sisi.”

Jone 15:16

Ghotilo neke theome vahi ghau iara, nu iara nga teke vahi ghami ghotilo te mala tei te mala ure ghotilo na, nafnata sisi te keli te au fabrahu. Te eghu ghotilo na, mae Mama na tusu ari ka ghotilo unha te toreni ghotilo ka nanghagu iara na.

Jone 17:19

Iara na fablahi ghau thegu mala loku ranghi nigho iagho, mala tangomana langau mare te thofno blahi fara te mala loku ranghi nigho iagho na.”

Jone 4:23

Narane na la meihi, u narane tuana agne hi gognaro. Naikno te tarai tutuani ka mae Kmada na, u Tharunga te Blahi na ginauna toghodi mare mala falalase glepo eigna mana ka naiknore. Nafnata naikno igre te magnahaghedi mae Kmada te mala tarai lao ka mana na.

Mae Khuru 11:18

Kate nomhini naikno khiloau re igne, mare ne theome chekeni kaisei glepo ka mae Pita. Nu mare ne cheke fakelini God, ne cheke eghu, “Eghume, God ne snakredi naikno te theome Jiure mala figri ka mana mala karha.”

Mae Khuru 12:24

Chekegna God na ghosei ne tei tongana heva heva, naugna igne kmana kmana naikno ne fatutuani.

Mae Khuru 16:14

Kaisei gaꞌase jare nanghagna na Lidia. Naꞌa thaugna Taetira neke mei au jare Filipae. Nogna gloku na mala fofoli pohe ukru nei naꞌa jaola pogho soruni thofno God. Kate fanomho teu naꞌa ka mae Pol na, God ne tothora nagnafagna na ne fatutuani ni mae Jisas.

Mae Khuru 26:18

Iara na kuru tei nigho mala tothora tathadi iheire te au kate romno mala filoni mare u thofno naphaegna God. Uve, iara na kuru nigho mala jifla kokoni mare nogna nolaghi mae Satan mala ke pulo ka God. Eghuteuna te fatutuani ghau iara mare na, God ginauna hata fadelei nakhibodire. Eghuteuna mare ginauna na kaisei ngala baludi naikno teke kulu vavahi God re.’

Letas Teke Riso Tei Mae Pol Ka Khiloau Rom 1:13

Uve kheraguro, funu tifa te mei posa gognaro gne iara magnahaghe ghami ghotilo te laseni kmana fata iara au gaoghathogu fara te mala ari posa ka ghotilo na, nu keha glepo te fanogra ghau koba iara. Iara magnahaghei te mei mala toghodi kmana naikno jare ke lamnami ghotilo te leghuni mae Jisas jateula teke edi iara ke lamnadi keha naikno te theome mae Jiu.

Letas Teke Riso Tei Mae Pol Ka Khiloau Rom 15:19

Mare ne leghuni God naugna mare neke filodi u fagaglana nei kofubobhoi balu nolaghi nogna Tharunga te Blahi. Iara toutonuni Nonomho te Keli na funu Jerusalem, iko tongana heva heva ghilei posa Ilirikam. Aonu iara ne toutonu fahui Nonomho te Keli eigna mae Jisas Kraes.

Letas Teke Riso Tei Mae Pol Ka Khiloau Rom 15:28

Iara ginau tei Jerusalem mala tusu lao sileni teke salo maladi mare teku ra. Ke leghugna igne, iara na tei Spen, nu iara ginauna jaola sigho ghami kate ari sala'u ka ghotilo na.

Letas Teke Riso Tei Mae Pol Ka Khiloau Rom 16:26

Tutuani, God mae ihei karha te tifa na ne falalase ranghi ghita u Nonomho te Keli igne ka unha teke riorisohi hatimare mae profet ra. Eghuteuna God cheke ranghi ghita mala toutonuni tahati u Nonomho te Keli igne, mala nu naikno ka namono te gnafa ka nauthoglu gne tangomana te fatutuani ni God nei leghuni mana.

Fapea Korin 10:14

Jame te theome ari posa ka ghotilo na, ghehati salaꞌui fara nomi fahaehaghe na. Nu theo eghu. Naugna ghehati neke ari ka ghotilo balu Nonomho te Keli nogna Kraes.

Fapea Korin 6:1

Ghehati kafe orio loku balugna God, eghume ghehati thofno tore ghami ghotilo mala ghatho tahuni u khokofakasai teke hata ghotilo ka God igne. Thosei lisa lao khokofakasai igne mala theo nafugna.

Efesus 3:2

Iara thofno laseni eigna ghotilo nomhinihi ka nogna khokofakasai God. Mana neke tusu ranghi ghau iara gloku igne mala togho ghami ghotilo.

Efesus 4:21

Ghotilo neke thofno nomhinihi eigna mae Jisas Kraes, eghuteuna ghehati neke farirhiu ghami ghotilo unha te tutuani na.

Efesus 4:23

Ghehati neke farirhiu ghami mala thofno majaghani fara ka nagnafami nei gaoghathomi teu ghotilo re.

Efesus 5:9

naugna puhigna u naphae na tangomana tahati te edi glepo te keli nei doglo nei tutuani.

Filipae 1:11

Eghume, ghotilo ginauna edi kmana glepo te keli te mei funudi ka thegna mae Jisas Kraes, mala tangomana ghotilo te ghatho tahuni nei cheke fakelini teu nanghagna God na.

Filipae 4:17

Nu iara theome magnahaghei te fiti hata thotogho kolho ka ghotilo. Theo. Iara magnahaghei ghami ghotilo nga te mala hata u taba biꞌo te mei funu ka God na.

Kolose 1:10

Aonu ghotilo ginauna au ka nafnata nakarha te doglo fara ke ulugna Lord nei jaola fagleꞌani mana ka puhimire. Ghotilo tangomana te edi kmana nafnata gloku te keli nei lase fakelini God.

Kolose 1:23

Mae Kraes tangomana te eni igne mala te kegra heta fabrahu ghotilo ka nomi fatutuani na. Thosei snakreni kaisei glepo ka nauthoglu igne mala hata fadelei ghami ka puhi fatutuani teke nomhinihi ghotilo ka Nonomho te Keli gne. Hatimare mae fatutuani ra neke toutonunihi u Nonomho te Keli gne ka naikno te gnafa ka nauthoglu gne. Eghuteuna iara mae Pol, kaisei mae gloku mala toutonu nila u Nonomho te Keli gne.

Ululahu Tesalonika 1:5

Kate hata mei ka ghotilo Nonomho te Keli na, ghehati theome mei balu cheke kolho, nu jaola mei balu nolaghi nei Tharunga te Blahi, eghuteuna thofno laseni u Nonomho te Keli gne tutuani fara. Jaola ghotilo filoni unha nafnata nakarha te batuni ghehati. Ghehati batuni nafnata nakarha igne mala togho ghami ghotilo.

Ululahu Tesalonika 2:13

Eghuteuna ghehati jaola cheke fakelini God leghu narane, kate hatini ghotilo chekegna God te nomhini ka ghehati. Naugna ghotilo theome hatini jateula nogna cheke naikno kolho eghu, nu thofno chekegna God. Eghuteuna thofno chekegna God igne loku ke lamnami ghotilo iheire te fatutuani.

Fapea Tesalonika 2:13

Uve kheraguro, noda Lord thofno namha ghami ghotilo. Ghehati nabami te cheke fakelini God koba eimi ghotilo. Naugna God neke vahi ghami ghotilo ame vuvuha nga nauthoglu igne mala fakarhi ghami. Ghotilo mala nogna naikno blahi God kate fatutuani ni ghotilo cheke te tutuani igne ka nogna nolaghi mae Tharunga te Blahi.

Ululahu Pita 5:12

Mae Silas togho ghau iara neke rioriso letas kmoꞌei igne ranghi ghami ghotilo. Iara laseni mana kaisei mae kheragu keli iara ka khiloau gne nei iara thofno ronuni fara mana. Letas igne iara magnahaghei te fahetadi nomi fatutuani ghotilo re, nei jaola mala cheke ka ghotilo eigna u nabrou God teke falalase ka tahati ka nogna khokofakasai. Igne thofno nabrou te tutuani na, eghuteuna ghotilo mala kegra maku tagna.