Kolose 1:11 - Buka Blahi Ka Cheke Holo

¹¹ God te au nolaghi biꞌo fateote'o, eghuteuna ghehati tarai ka mana mala tusu ranghi ghami nolaghi igne mala tangomana ghotilo te kegra heta ka unha puhi biꞌo te mei ke uluda.

Kolose 1:11 Iomraidhean Croise

Nodi Khoje Hatimare Mae Jiu 63:2

Iara magnahaghei te ari te filo nigho ka sugamu na, mala laseni iara nou nolaghi biꞌo nei nafnakno teu iagho na.

Eksodas 15:6

Lord, iagho khame nhetamu na thono nolaghi fara, ne puri nguja noudi hatimare mae naoka gre.

Proveb 24:10

Jame te glaꞌe iagho kate thoke mei puhi biꞌo na, igne fagaglanagna te theome nheta kolho iagho na.

Profet Isaia 45:24

Naiknore ginauna chekeni te nheta iara na, eghuteuna puhigu iara na doglo.” Nu iheire te tirodi ghau iara re ginauna thono mamaja nodi fara.

Mae Khuru 1:8

Nu ka narane nate soru mei mae Tharunga te Blahi na ke klignami ghotilo na, ghotilo ginauna na fodu kau nolaghi te mala toutonu eigu iara. Ghotilo ginauna mala toutonu eigu iara agne Jerusalem, nei Judia tongana, nei Samaria tongana, ghilei tei thoke ka namono te gnafa ka nauthoglu igne.”

Mae Khuru 5:41

Mae khurure ne jifla ka nodi suga mae mala fate re balu gleale'a naugna God lasedi mae igre nabadi te au papara eigna nanghagna mae Jisas.

Letas Teke Riso Tei Mae Pol Ka Khiloau Rom 2:7

Iheire ngala te edi koba gloku te keli, nei iheire te magnahagheni God te fafnaknoni nanghadi, nei ghatho tahudi, nei toghodi mala theome lehe tifa te tifa. Igre ngala God nate tusu ranghidi u thofno karha tutuani te theo ka huigna.

Ululahu Korin 16:13

Reireghi fakeli ghami themi, brana ka nomi fatutuani na, thosei mhaghu, nei au heta fabrahu ka gaoghathomire.

Fapea Korin 4:7

Nu neuba ghehati ne hatini gloku te mala toutonu u Nonomho te Keli na, ghehati tharuma naikno kolho jateula dis te hohoro ka glose ia eghu kolho. Eghume naikno te gnafare kafe laseni u nolaghi biꞌo te mala laseni gloku igne neke mei funu ka God, theome neke mei funu ka ghehati.

Efesus 3:16

Iara toreni God ka nogna nafnakno biꞌo kligna mala snakre meini nogna Tharunga te Blahi na ka ghotilo, mala tangomana ghotilo te heta ka nagnafamire.

Efesus 4:2

Ghotilo mala edi fabrahu glepo igre: au faleghu, au blagna, nei thosei diꞌatami faghose ka keha naiknore. Eghuteuna kate au nogna puhi fadidiꞌa kaisei naikno ka ghotilo na ranghini kheragna fofodu na, te keli na phiamare thosei magra, nu fari fathaegoi ka puhi namha.

Efesus 6:10

Nogu cheke leghu lahu iara ka ghotilo na igne. Kegra heta ka nogna nolaghi biꞌo Lord, eigna ghotilo kaisei balugna mana.

Filipae 4:13

Iara tangomana te edi glepo igre, naugna mae Kraes mae ihei te au nolaghi na te togho ghau iara na.

Fapea Pita 1:6

Ghotilo reireghi fakelidi thinimi are, kegra heta neubane mei narane te ninhigrana, eghuteuna eni leghuni puhigna God te keli.

Letas Teke Rioriso Mae Jud 1:25

Mana kaisei God ngala. Mana kaisei ngala te fakarhi ghita ka nogna gloku mae noda Lord Jisas Kraes. Ka mana ngala siasigla na, nafnakno na, nolaghi na, nei mana funu tifa te mei, nei gognaro, nei tifa tifa! Amen. Me gnafa. Iara, mae Jud.

Thakle 14:12

Eghume te thokei mei puhi igre, ghotilo nogna naikno God te leghudi nogna vetula mana ra nei fatutuani nila mae Jisas teura, ghotilo mala kegra heta fabrahu.