Josua 9:8 - Buka Blahi Ka Cheke Holo

⁸ Mare ne cheke eghu ka mae Josua, “Ghehati tarabanau kolho te mala nou sneka iagho na.” Mae Josua ne ghusna eghu ka mare, “Mae iheire si ghotilo ia? Ghotilo mei funumi aheva?”

Josua 9:8 Iomraidhean Croise

Fapea Kings 10:5

Aonu mae biꞌo te mala reireghi gna nogna suga biꞌo king na, mae gavana gna namono biꞌo na, nei keha mae mala baubatu, nei mae iheire te mala reireghidi vikegna King Ehab igre eghu ne cheke eghu fapulo ka mae Jehu, “Ghehati nou mae gloku iagho, eghuteuna ghehati tarabana te mala eni unha te chekeni iagho na. Nu ghehati ginauna na theome tangomana na teke vahini keha mae king na. Eni sagho unha te doglo ka gaoghathomu iagho na.”

Diutronomi 20:11

Jame te faꞌuveni mare nomi cheke ghotilo na te tothora ka ghotilo grengathagna namono na, naikno te gnafa te au ke lamnagna namono igne ginauna mala nomi naikno sneka ghotilo, eghuteuna ghotilo ginauna tangomana te huhurudi mare te mala edi nomi gloku ghotilo re.

Josua 10:6

Mae gna namono Gibeon igne ne fatei cheke ka mae Josua Gilgal, ne cheke eghu ka mana, “Ghosei mei togho ghami! Thosei lisa lao ghami, nu mei fakarhi ghami! Gognarona mae king te gnafa ka vikegna mae Amo te au ka thogele ke holo igre, mare loku foduhi mala mei magra ka ghehati agne.”

Josua 9:11

Nomi mae lida nei naikno teu ghehati re neke cheke ka ghehati mala tarabana keha gano mala ima kate mei ghehati gne mala mei filo ghami ghotilo. Eghuteuna mare cheke ka ghehati mala mei tore ghami ghotilo mala tangomana ghehati te nomi naikno gloku ghotilo na. Eghuteuna ghehati tore ghami ghotilo mala nhaꞌa cheke balumi ghehati mala loku fodu balumi ghotilo.

Josua 9:23

God fate ghamihi ghotilo, naugna ghotilo ne chaghi fara. Ghotilo ginauna mala nomi naikno gloku ghehati fabrahu gognarona, eghuteuna nomi gloku ghotilo na mala uge gaju nei pulei khoꞌu eghu ka nogna Sugablahi nomi God ghehati gne.”

Josua 9:25

Nu gognarona ghehati au ka khamemu iagho. Iagho eni ngala ka ghehati unha te ghathoni iagho te doglo na.”

Josua 9:27

Nu mae Josua ne snakredi naiknodi Gibeon igre te mala nodi naikno gloku mare te mala uge gaju nei mala pulei khoꞌu, nei jaola khoꞌu malagna nogna olta Lord. Mare eni fabrahu gloku igne ghilei mei posa gognarogne ka namono teke vahini Lord te mala pogho soruni mana nogna naiknore.