Josua 9:7 - Buka Blahi Ka Cheke Holo

⁷ Nu maedi Israel igre ne cheke eghu ka mae Hivi igre, “Theome doglo ghehati te eni kaisei nhaꞌa cheke balumi ghotilo naugna glahu ghotilo au rhemi ghehati kolho.”

Josua 9:7 Iomraidhean Croise

Jenesis 34:2

Aonu kate filoni Daina na mae Sekem ne mei lokini naꞌa, neuba naꞌa ne tirogna, mana hatani naꞌa ne tei ne eni puhi te diꞌa na ka naꞌa. Mae Sekem gne thugna nalhaꞌu mae Hamo vikegna mae Hivi, mae ihei te mae funei ka kantri Kenan.

Fapea Samuel 24:7

Eghuteuna mare salaꞌu ke mata namono Taea, namono igne bara maku ka thina. Ke leghu mare ne tei ka namono te au ka nodi vido glose mae Hivi, nei ka namono te au ka nodi vido glose naiknodi Kenan. Eghuteuna namono leghu lahu na, Bereseba ka nohi ke mata Juda.

Eksodas 23:22

Nu jame te thofno leghudi ghotilo unha te chekedi mana re nei edi ghotilo glepo teke chekedi iara ra teuna, iara ginau na kegra tughu ghami ghotilo mala magridi nomi mae naoka ghotilo are.

Eksodas 3:8

Eghume iara na soru mala fakarhidi ka nodi nolaghi naiknodi Ijep eghuteuna batu fajifladi ka namono igne. Iara ginauna athadi tei ka kaisei namono te krepa nei keli eghu, eghuteuna glosegna na thono keli fara, eghuteuna leuleghu fata na au kmana gano fara. Namono igne gognarona, vikegna Kenan, nei vikegna Hit, nei vikegna Amoa, nei vikegna Peres, nei vikegna Hivi, nei vikegna Jebus eghu te au teu tagna na.

Eksodas 34:12

Filo ghami themi, na eghunu eni ghotilo kaisei nhaꞌa cheke te mala au fakeli baludi naikno te au ka glose aheva nate tei ghotilo tagna, glahu jateula kaisei phighoro eghu nhaꞌa cheke tuana mala goigoni ghami ghotilo.

Naba 33:52

ghotilo ginauna brue fajifla naikno te au jare re. Ghotilo ginauna goigoni nodi mumuju thina ba aean teu mare re, eghuteuna ghotilo jaola goigoni nodi vido blahi mare re.

Diutronomi 20:16

“Nu kate tei te hata ghotilo namono ka glose teke tusu ari Lord mala khotogna ghotilo teku igne, ghotilo aknu falehe naikno te gnafa nei gobigna lepo te tautagu te gnafa teure.

Josua 11:19

Hatimare mae Hivi te au ka Gibeon igre ne nhaꞌa cheke ka mae Israel ne au soru baludi mare. Nu keha mae ka keha namono igre mare theome jateula te eni mare igne eghu. Eghuteuna mae Israel ne thofno goigonidi fara mae vike igre.

Josua 9:1

Mae Josua baludi maedi Israel igre mare magra ne uludi phei namono biꞌo Jeriko ghe Ai. Eghuteuna nonomho eigna igne ne tei thoke ka mae king te au ka namono te gnafa ke mosu Khoꞌu biꞌo Jordan. Mae king igre funudi ka vikegna mae Hit, ka vikegna mae Amo, ka vikegna mae Kenan, ka vikegna mae Peres, ka vikegna mae Hivi, nei ka vikegna mae Jebus. Mae igre au ka thogele nei ka gukhu ke mosu, nei ka sare rhegna Mediterenian, tei posa ke raru kantri Lebanon. Mare kafe nomhini thoutonu eigna mae Josua igne baludi mae Israel te uludi nodi naokare ka magra igre.

Jajis 2:2

Eghuteuna ghotilo thosei ke eni kaisei nhaꞌa cheke baludi naikno te au ka namono Kenan igne, eghuteuna ghotilo ginauna paꞌe soru nodi olta naikno bongihehe are.’ Nu ghotilo theome edi kolho unha teke chekedi iara ka ghotilo ra. Naugna unha site edi ghotilo glepo igrea?

Jajis 3:3

Vike te au ka glose igne na igre: glima lidadi Filistia te diꞌa igre baludi nodi naiknore, nei vikegna Kenan, nei vikegna Saedon, nei vikegna Hivi te au ka Thogele Lebanon fari hotei Baal-Hemon tei posa Lebo-Hamat.