Josua 9:3 - Buka Blahi Ka Cheke Holo

³ Nu iheire te karha mei ka vikegna mae Hivi te au ka namono Gibeon igre ne nomhini mae Josua te roꞌedi phei namono biꞌo Jeriko ghe Ai,

Josua 9:3 Iomraidhean Croise

Fapea Samuel 2:12

Mae Abna hata nogna armi mae Isboset igne ne jifla Mahanaem ne tei ka namono Gibeon.

Ululahu Kronikols 12:4

Mae Ismaea, maegna Gibeon, mana kaisei mae lida ka tolufulu nogna soldia nheta mae Devet. Mae Jeremaea, mae Jahasiel, mae Johanan nei mae Josebad ka namono Gedera.

Fapea Kronikols 1:3

Eghuteuna mare ne tei balugna mae Solomon ka namono Gibeon ka vido blahi na. Mare tei jare, naugna Suga Tapuale te Blahi na au ngau jare. Suga Tapuale te Blahi igne neke horo mae Moses nogna mae gloku Lord ka namono nagou na.

Profet Jeremaea 28:1

Ka falima nhigra, ka fafati finogha king Sedekaea te funei fruni Juda, Profet Hananaea thugna mae Asur, maegna ka namono Gibeon, mana mei ka Sugablahi gna Lord na ne cheke ka mae Jeremaea ke uludi mae pris baludi naiknore. Mana ne cheke eghu,

Josua 10:1

King gna Jerusalem Adonisedek, mana ne mhaghu nogna fara kate nomhini thoutonu eigna mae Josua te hata namono biꞌo Ai, eghuteuna goigonihi namono igne. Mana jateula teke eni ka naiknodi Jeriko balugna nodi king na ia neu ne aknu falehe nodi king mare na. Mana jaola ne nomhidi naiknodi Gibeon te mei au ke parigna mae Josua nei naiknodi Israel.

Josua 10:2

Mae king igne baludi nogna naiknore ne mhaghu nodi fara, naugna mare laseni namono Gibeon igne kaisei namono biꞌo fara jateula keha namono biꞌo te au nodi king are eghu. Eghuteuna naiknogna namono igne kmana fara salaꞌudi naiknodi Ai, eghuteuna mare jaola thono nheta fara ka magra.

Josua 10:28

Ka narane tuanala mae Josua ne hata namono biꞌo Makeda. Mana aknu falehe ne gnafa naikno gna namono igne. Mana ne eni nafnata puhi igne ka mae king gna namono Makeda jateula teke eni mana ka mae king gna Jeriko ia neu.

Josua 10:30

Lord ne toghodi mare ne uluni magra igne. Aonu mare ne hata king na, eghuteuna mare ne aknu falehe ne gnafa naiknore ne theo kaisei te karha na. Mana ne eni nafnata puhi igne ka mae king gna Libna jateula teke eni mana ka mae king gna Jeriko ia neu.

Josua 11:19

Hatimare mae Hivi te au ka Gibeon igre ne nhaꞌa cheke ka mae Israel ne au soru baludi mare. Nu keha mae ka keha namono igre mare theome jateula te eni mare igne eghu. Eghuteuna mae Israel ne thofno goigonidi fara mae vike igre.

Josua 18:25

Eghuteuna mare au keha namono langau, nanghadi re igre, Gibeon, nei Rama, nei Berot,

Josua 9:17

Aonu maedi Israel igre ne tei ke leghudi mare, eghuteuna ka fatilo narane na, mare ne tei posa ka nodi fati namono biꞌo mare igre, Gibeon, Kefira, Berot, nei Kiriat-Jaerim.

Josua 9:22

Aonu mae Josua ne chekedi nogna mae glokure mala hata mei maedi Gibeon igre. Eghuteuna mana ne cheke eghu ka mare, “Naugna unha site chaghi ghotilo ka ghehati gnea? Te chekeni ghotilo ia, nomi namono ghotilo na khaba fara. Ghotilo thono chaghi fara. Nomi namono ghotilo igre theome khaba kolho.

Josua 9:4

mare ne ghaoghaho mala chaghini mana mala fakarhadi thedi. Aonu keha ka mare hata baeg tiatifa tela brekuhi, eghuteuna mare atha bret te khapra nei diꞌahi teu igre ne hohono ka baeg. Mare jaola ne hata keha botol teke horo ka guli sipu tela brekuhi, nu mare ne susuki ne fafodu ka waen. Mare ne lilisei gobigna lepo igre ka nodi dongkire. Eghuteuna mare ne pipichi ka pohe te breku nei jaola fahaghe sadol tiatifa.