Josua 9:21 - Buka Blahi Ka Cheke Holo

²¹ Tahati snakredi mare mala karhau. Nu mare mala uge gaju nei mala pulei khoꞌu eghu ka tahati.” Igne cheke te eni mae lidare.

Josua 9:21 Iomraidhean Croise

Profet Jeremaea 46:22

Kate mei te tarabana mala magra teu mae naokare igne, maedi Ijep igre ginauna rikha, eghuteuna mare na au kmu kolho jateula kaisei mogo eghu. Mae naokare ginauna na mei balu nhimara biꞌo, jateula mae te mala tei te kato gajura eghu mei falehedi mare.

Diutronomi 29:10

Gognarona ghotilo kafe kegra haghe ke ulugna Lord. Ghotilo mae mala baubatu te gnafa ra, mae funei ra, mae biꞌo ra, mae khuekuꞌe ra, baludi mae te gnafa Israel ra.

Diutronomi 29:11

Ghotilo goro gaꞌase ra, goro sua ra, naikno phosa te mala uge nomi gaju nei mala pala khoꞌu mei teu ka ghotilo ra.

Josua 10:1

King gna Jerusalem Adonisedek, mana ne mhaghu nogna fara kate nomhini thoutonu eigna mae Josua te hata namono biꞌo Ai, eghuteuna goigonihi namono igne. Mana jateula teke eni ka naiknodi Jeriko balugna nodi king na ia neu ne aknu falehe nodi king mare na. Mana jaola ne nomhidi naiknodi Gibeon te mei au ke parigna mae Josua nei naiknodi Israel.

Josua 9:15

Mae Josua nei mae lida di Israel teu igre ne nhaꞌa cheke baludi maedi Gibeon mala loku fodu baludi mare te mala au ka pharikeli na.

Josua 9:20

Tahati lisa laodi mala karhau mare, naugna tahati neke enihi nhaꞌa cheke tuana ka mare. Eghuteuna God ginauna para ghita tahati jame te falehedi mare tahati na.

Josua 9:23

God fate ghamihi ghotilo, naugna ghotilo ne chaghi fara. Ghotilo ginauna mala nomi naikno gloku ghehati fabrahu gognarona, eghuteuna nomi gloku ghotilo na mala uge gaju nei pulei khoꞌu eghu ka nogna Sugablahi nomi God ghehati gne.”

Josua 9:27

Nu mae Josua ne snakredi naiknodi Gibeon igre te mala nodi naikno gloku mare te mala uge gaju nei mala pulei khoꞌu, nei jaola khoꞌu malagna nogna olta Lord. Mare eni fabrahu gloku igne ghilei mei posa gognarogne ka namono teke vahini Lord te mala pogho soruni mana nogna naiknore.